Hushak.com

ԽՈՅ (Aries, 21.III–20.IV)

Շաբաթվա բոլոր առաջադրանքները կատարելու համար ձեզ պետք կգան կարգապահությունն ու կենտրոնանալու ունակությունը: Սովորող Խոյերի համար հեշտ կլինի նոր գիտելիքներ յուրացնելը, բայց բոլոր դեպքերում ուսմանը պիտի մեծ ժամանակ տրամադրեք: Պայմաններն ամեն անգամ ձեր օգտին չեն դասավորվի, բայց դուք կկարողանաք ցանկացած խոչընդոտ հաղթահարել:

Ղեկավարության և ազդեցիկ անձանց հետ հարաբերությունները շաբաթվա կեսին կբարդանան: Պետհիմնարկներ այցերը լավ է որոշ ժամանակով հետաձգեք: Եթե քննություններ ունեք, դրանց լավ պատրաստվեք: Հարազատներն ու ծանոթները ձեզանից չափազանց շատ բան են պահանջելու: Դուք պարտավոր չեք ամբողջությամբ համապատասխանել նրանց ակնկալիքներին, այնպես որ արեք այն, ինչ ձեր ուժերի սահմաններում է:

Շաբաթվա վերջին դուք էներգիայով լի կլինեք, այնպես որ կկարողանաք ավարտել ծրագրած բոլոր գործերը: Ռոմանտիկ հարաբերությունները ուրախության և ոգեշնչվածության աղբյուր կդառնան, հատկապես հանգստյան օրերին:

ՑՈՒԼ (Taurus, 21.IV–21.V)

Ձեր խորաթափանցությունը բարձրության վրա կլինի: Հեշտությամբ մոտեցում կգտնեք նույնիսկ բարդ բնավորությամբ մարդկանց: Միայն թե իրականության հետ կապը մի կորցրեք, ավելորդ լավատեսությունը ավելի շատ կխանգարի հասնել ցանկալի արդյունքներին: Հարմար պահ է տնտեսության հետ կապված հարցերը լուծելու համար, իսկ ահա անշարժ գույքի գնումները լավ է հետաձգեք: Բոլոր որոշումները լավ կշռադատեք, շտապողականությունը կարող է թանկ արժենալ:

Շաբաթվա կեսին աշխատեք շփման մեջ զուսպ և աշխատանքի մեջ մանրուքներին ուշադիր լինել: Շրջապատողների հետ մի վիճեք, ուրիշների կոնֆլիկտներին մի խառնվեք: Կենտրոնացեք սեփական գործերի վրա և փոքր քայլերով առաջ շարժվեք: Շատ շուտով պայմաններն ավելի բարենպաստ կդառնան:

Որոշ ժամանակ անց ձեր տրամադրությունը կբարձրանա, դուք ուժերի ներհոսք կզգաք: Հարմար պահ է լինելու սկսածն ավարտելու և ավելի վաղ հետաձգած գործերն անելու համար:

ԵՐԿՎՈՐՅԱԿՆԵՐ (Gemini, 22.V–21.VI)

Առանց հետաձգելու անցեք կարևոր գործերին, քանի որ շաբաթվա առաջին օրերը շատ արդյունավետ են լինելու: Առողջ բանականությունն ու մասնագիտական մոտեցումը կօգնեն ձեզ լուծել բարդ առաջադրանքները: Բիզնեսով զբաղված Երկվորյակները կկարողանան հուսալի կապեր հաստատել գործընկերների հետ ու շատ շահավետ գործարքներ կնքել: Հաջող ժամանակ է լինելու ուսման, որակավորումը բարձրացնելու և նոր գիտելիքներ յուրացնելու համար:

Շաբաթվա երկրորդ կեսին գործնական ակտիվությունը պիտի արգելակեք, իսկ շփումները՝ սահմանափակեք: Ձեր հուզական վիճակն անկայուն կլինի, կուզենաք շեղվել ձեր պարտականություններից: Ձեզանից անհնարինը մի պահանջեք, բայց շատ թուլանալ էլ չարժե: Աշխատեք վերահսկել ձեզ, և այդժամ տհաճ շրջանն արագ կավարտվի:

Խուսափեք չմտածված ծախսերից, քանի որ հակված կլինեք վատնող լինելու: Շաբաթվա վերջին մտերիմ ընկերների և սիրելիի աջակցությունը ձեզ համար յուրահատուկ կարևոր ու արժեքավոր կդառնա:

ԽԵՑԳԵՏԻՆ (Cancer, 22.VI–22.VII)

Դուք կկարողանաք ձեզ լավագույն կողմերով դրսևորել ու ամրապնդել ձեր հեղինակությունը ղեկավարության աչքերում: Ձեր գաղափարները կընդունվեն ու հավանության կարժանանան: Շաբաթվա սկիզբը հաջող կլինի պիտանի ծանոթություններ հաստատելու համար՝ ինչպես գործնական, այնպես էլ անձնական բնույթի: Բայց հետևեք ձեր տրամադրությանը: Փոքրիկ թյուրիմացությունների վրա կենտրոնացած լինելը կխանգարի ձեզ կենտրոնանալ կարևոր բաների վրա: Բիզնես ունեցող Խեցգետինները կկարողանան լուծել կարևոր կոմերցիոն խնդիրները:

Շաբաթվա կեսը բարենպաստ կլինի գործնական շփումների, սեփական հետաքրքրությունները պաշտպանելու, հասարակական ելույթների և պատասխանատու բանակցությունների համար: Սակայն շտապողական որոշումներ մի ընդունեք ու մի շտապեք խոստումներ տալ: Կարգապահության պակասը կարող է վատ հետևանքներ ունենալ, այնպես որ շատ մի թուլացեք:

Շաբաթվա վերջին կմեծանա փոքրիկ վնասվածքներ ստանալու հավանականությունը: Ուստի գործիքներով աշխատելիս զգույշ եղեք:

ԱՌՅՈՒԾ (Leo, 23.VII–23.VIII)

Շաբաթվա սկզբին չարժե անցնել պատասխանատու առաջադրանքներին: Ձեր խելամտությունը բարձրության վրա չի լինի: Կարևոր ինֆորմացիան մտապահելն ու նոր գիտելիքներ յուրացնելը սովորականից բարդ կլինի: Հնարավորինս սահմանափակեք շփումները, հետաձգեք բծախնդրություն պահանջող աշխատանքը: Աշխատեք հանգստություն պահպանել ու համբերատար լինել: Շուտով ամեն ինչ կհարթվի, և դուք կկարողանաք անել ծրագրածը:

Ավելի ուշ դուք կակտիվանաք, կկարողանաք ինքնատիպ գաղափարներ առաջարկել ու կյանքի կոչել դրանք: Հաջող կանցնեն քննարկումները, հասարակական ելույթները և կարևոր բանակցությունները: Գործուղումների մեկնող Առյուծները թեթև ճամփա կգնան ու հաջողությամբ կլուծեն բոլոր խնդիրները:

Շաբաթվա վերջը բարենպաստ կլինի գործնական հարցերը լուծելու, ինչպես նաև ռոմանտիկ հարաբերությունները զարգացնելու համար: Դուք կավարտեք այն ամենը, ինչ առաջ չեք հասցրել անել:

ԿՈՒՅՍ (Virgo, 24.VIII–23.IX)

Պայմանավորվելու ձեր ունակությունը շաբաթվա առաջին օրերին շատ վառ կարտահայտվի, և արժե օգտվել դրանից: Եթե ժամանակը զուր չվատնեք, կկարողանաք լուծել գործնական հարցերից շատերը: Բարենպաստ պահ է կարևոր պայմանագրեր ստորագրելու և փաստաթղթերի հետ աշխատանքի համար: Հաջող կլինի պետհիմնարկների հետ փոխգործակցությունը: Որոշ Կույսեր իրենց այնքան լավ կդրսևորեն, որ աշխատանքի հետաքրքիր առաջարկ կստանան:

Շաբաթվա կեսն աշխատեք առավելագույնս հանգիստ անցկացնել: Նվազեցրեք ծանրաբեռնվածությունը, զբաղվեք միայն հեշտ գործերով, մի շտապեք ու ամեն ինչ ստուգեք: Վատ մի զգացեք հստակեցնել ստացած ինֆորմացիան, եթե այն ձեզ բավարար չի թվում: Հետևեք ծախսերին, քանի որ ծրագրած բյուջեի սահմաններից դուրս գալու վտանգ կա:

Հանգստյան օրերին մոտ ամեն ինչ կկարգավորվի: Նույնիսկ եթե ոչ բոլոր խնդիրները կարողանաք հեշտ ու արագ լուծել, դուք ոգևորվածությամբ լի կլինեք ու դրական տրամադրված կլինեք:

ԿՇԵՌՔ (Libra, 24.IX–23.X)

Աշխատանքային ռիթմի մեջ աստիճանաբար մտեք: Շաբաթվա սկզբի համար պետհիմնարկներ այցեր կամ ղեկավարության հետ փոխգործակցություն մի ծրագրեք: Ավելի շատ ուշադրություն հատկացրեք ընթացիկ գործերին, գլուխ հանեք մի բանից, ինչը վաղուց էիք հետաձգում: Լարված շրջանն արագ կավարտվի ու ավելի լավատեսականով կփոխարինվի:

Ավելի ուշ կուժեղանան ձեր ինտուիցիան ու մտավոր ունակությունները: Հեշտությամբ կյուրացնեք նոր գիտելիքներն ու թարմ գաղափարներ կտաք: Ընկերների և կոլեգաների հետ որոշ հարցեր լավ է լուծեք անկաշկանդ մթնոլորտում, այդպես ավելի արագ կկարողանաք ընդհանուր լեզու գտնել: Ավագ հարազատները կարող են ձեզ պիտանի խորհուրդ տալ. լսեք նրանց:

Ռոմանտիկ հարաբերությունների համար բաց Կշեռքներին նոր ծանոթություններ են սպասվելու, կամ էլ նրանք կսկսեն այլ աչքերով նայել հին ծանոթներից մեկին: Շաբաթվա վերջը բոլոր տեսանկյուններից բարեհաջող կլինի:

ԿԱՐԻՃ (Scorpius, 24.X–22.XI)

Ձեր մեջ կարթնանա արկածների ու ստեղծագործ ինքնարտահայտման ծարավը: Եթե կարողանաք այդ էներգիան ճիշտ հունի մեջ դնել, ապա տպավորիչ արդյունքների կհասնեք: Որոշ Կարիճներ կկարողանան աշխատանքը կամ գործունեության ոլորտը փոխելու առաջին քայլերն անել: Սակայն զգուշացեք աննշան առիթներով կոնֆլիկտների մեջ մտնելուց ու խուսափեք չմտածված արարքներից: Նույնիսկ եթե ինչ-որ գաղափար ձեզ լավն է թվում, ամեն ինչ կշռադատեք, և միայն դրանից հետո վերջնական որոշում ընդունեք:

Կոլեգաների և գործընկերների հետ հարաբերությունները կլարվեն, հատկապես շաբաթվա կեսին: Աշխատեք քաղաքավարի լինել, հաշվի առնեք շրջապատողների հետաքրքրությունները, և այդժամ կկարողանաք խուսափել կոնֆլիկտներից: Չարժե կարևոր փաստաթղթեր ստորագրել ու պատասխանատու գործարքներ կնքել:

Շաբաթը վատ չի ավարտվի, բայց ձեր ոչ բոլոր գաղափարները կկարողանաք կյանքի կոչել: Հանգստյան օրերը լավ է անցկացնեք ընկերների կամ ընտանիքի անդամների հետ:

ԱՂԵՂՆԱՎՈՐ (Sagittarius, 23.XI–21.XII)

Դուք կկարողանաք կյանքի կոչել ամենահամարձակ ու ռիսկային գաղափարները, հատկապես շաբաթվա սկզբին: Նույնիսկ աշխատանքի մեջ բացասական պահերը կկարողանաք ձեր օգտին ծառայեցնել: Հավանական է նոր հեռանկարային նախագծեր հայտնվեն: Բիզնեսով զբաղված Աղեղնավորների համար հաջող կլինի արտերկրի գործընկերների հետ հարաբերություններ զարգացնելը: Կնքված գործարքները նկատելի շահույթ կբերեն:

Սակայն շաբաթվա կեսին էներգիայի անկում կնկատեք, կուզենաք ամեն ինչ ինքնահոսի թողնել: Առօրյա հարցերը լուծելը կդժվարանա: Նոր գիտելիքների յուրացումն էլ հեշտ չի տրվի: Կարգապահ ու պատասխանատու եղեք, և այդպես կարողանաք հաղթահարել բարդ շրջան ու դիմակայել մարտահրավերներին:

Շուտով կկարողանաք հավաքել ձեզ, լուծել բոլոր հակասություններն ու ավարտել բոլոր անհրաժեշտ գործերը: Մտերիմ մարդիկ հաճույքով կաջակցեն ձեզ ցանկացած իրավիճակում:

ԱՅԾԵՂՋՅՈՒՐ (Capricornus, 22.XII-20.I)

Դուք կկարողանաք բացահայտել ձեր պոտենցիալն ու ձեզ անսպասելի կողմերով դրսևորել: Ստեղծագործ վերելքն ու լավ հուզական տրամադրվածությունը ձեզ համարձակություն կտան ստանձնել բարդ առաջադրանքներն ու փայլուն լուծել դրանք: Դուք ձեզ լավ կգովազդեք ղեկավարության աչքին ու կամրապնդեք ձեր հեղինակությունը կոլեգաների շրջանում: Որոշ Այծեղջյուրներ կկարողանան գործնական հարաբերությունները ռոմանտիկի վերածել:

Ամենակարևոր որոշումները չարժե շաբաթվա առաջին օրերին ընդունել: Ձեր ծրագրերին կարող են խառնվել չնախատեսված հանգամանքները: Ցանկացած դժվարություն հաղթահարելի կլինի, բայց պիտի լրացուցիչ ջանքեր գործադրեք:

Շաբաթվա երկրորդ կեսին հեշտությամբ ընդհանուր լեզու կգտեք շրջապատողների հետ, կպաշտպանեք ձեր դիրքերն ու մյուսներին կապացուցեք ձեր ճշմարտացիությունը: Հեշտությամբ կտրվեն աշխարհիկ շփումները: Հանգստյան օրերը բարենպաստ կլինեն ռոմանտիկ ժամադրությունների համար:

ՋՐՀՈՍ (Aquarius, 21.I–19.II)

Շաբաթվա սկզբին գործնական շփումները լավագույն ձևով չեն դասավորվի, ուստի հնարավորինս սահմանափակեք դրանք: Դուք ցրված ու անուշադիր կլինեք: Այնպես որ կարևոր որոշումների ընդունումը հետաձգեք: Շուտով կկարողանաք հավաքել ձեզ, իսկ պայմանները ձեր օգտին կդասավորվեն: Կյանքը ձեզ հետաքրքիր հնարավորություններ կընձեռի, այնպես որ աշխատեք բաց չթողնել դրանք:

Որոշ Ջրհոսներ կկարողանան պիտանի ծանոթություններ հաստատել: Ձեր հմայքն ու գրավչությունը նկատելի կդառնան շրջապատողների աչքին: Կոլեգաների հետ շփվելիս ու բանակցությունների ժամանակ օգտվեք դրանից, այդպես կկարողանաք ավելի արագ հասնել անհրաժեշտ արդյունքին: Նոր հարաբերությունների պատրաստ Ջրհոսներին հետաքրքիր մարդու հետ հանդիպում է սպասվում:

Աշխատանքային շաբաթն ավարտեք փաստաթղթերի հետ աշխատանքով ու գործերում կարգուկանոն հաստատելով: Բայց շատ ինքնաբավ մի եղեք ու հակասական խոստումներ մի տվեք:

ՁԿՆԵՐ (Pisces, 20.II–20.III)

Արժե անցնեք այն նախագծերի իրագործմանը, որոնց չէր հաջողվում ժամանակ հատկացնել: Նոր նախաձեռնությունները հաջող կլինեն, համարձակ գաղափարները կյանքի կկոչվեն: Կոլեգաներն ու ղեկավարությունը ձեզ բազմակողմանի աջակցություն կցուցաբերեն: Բարեհաջող կանցնեն գործուղումները, հատկապես հեռավորներն ու արտասահմանյանները: Շատ Ձկներ կարիերայի սանդուղքներով բարձրանալու հնարավորություն կստանան: Քննարկումները կառուցողական կլինեն, նույնիսկ եթե դրա հետ միասին պետք լինի մի փոքր վիճել:

Շաբաթվա կեսին տնային հոգսերը կշեղեն ձեզ գործերից: Աշխատեք պահպանել հուզական հավասարակշռությունը, այդպես կկարողանաք ամեն ինչից արագ ու առանց դժվարությունների գլուխ հանել: Նույնիսկ մեծ աշխատանքային ծանրաբեռնվածության դեպքում աշխատեք ժամանակ գտնել մտերիմ ընկերների և սիրելիի հետ շփվելու համար: Դա ձեզ լրացուցիչ դրական հույզեր կտա ու կօգնի ամրապնդել ձեր միջև եղած կապը: