ԿՈՒՅՍ Virgo, (24.VIII–23.IX)
| |
| Բաժին: Աստղակերպ | Դիտումներ: 10563 | 12:00 | |
ԱՐԺԱՆԻՔՆԵՐԸ Կույսը խիստ է ու ձևապաշտ: Օժտված է վերլուծական խելքով և պարտքի ու պատասխանատվության սուր զգացումով: Կույսի մտերիմը լինելը և լավ է, և վատ: Մի կողմից նա շատ հուսալի ընկեր է, անդավաճան ու հավատարիմ, որը ձեզ համար պատրաստ է ամեն ինչի: Սակայն միևնույն ժամանակ պետք է անընդհատ համապատասխանեք նրա բարձր պահանջմունքներին: Մեկ սխալ քայլ կամ խոսք, և Կույսն ընդմիշտ երես կթեքի ձեզնից, նախապես բարոյախրատական դաս տալով: Կույսն անհամբեր խառնվածքի պատճառով հաճախ է շփումներում դժվարության բախվում: Այդուհանդերձ նա բավական հմայիչ է, և նրա հուսալիությունն ու խոհեմությունը գրավում է մարդկանց: ՀՈՎԱՆԱՎՈՐ ՄՈԼՈՐԱԿԸ՝ ՄԵՐԿՈՒՐԻ Այս մոլորակը կառավարում է մեր մտավոր ունակությունները, ինտելեկտը, մարդկանց հետ շփումները: Ըստ դիցաբանության, Մերկուրին աստվածների բանբերն էր, առևտրի և գողության աստվածը: Մերկուրի մոլորակն ազդում է մեր՝ որոշումներ ընդունելու և շրջապատին մտքերը հաղորդելու կարողության վրա: Մերկուրին հովանավորում է փիլիսոփաներին, ճանապարհորդներին, գործարարներին, ինչպես նաև լրտեսներին և խաբեբաներին: Նա կառավարում է Կույսերին՝ օժտելով նրանց անսպառ էներգիայով և գործնականությամբ, հաճախ օգնելով իրականացնելու ամենաֆանտաստիկ ծրագրերը: ԲՈՒՅՍԸ՝ ՄԱՆՈՒՇԱԿ Գիտե՞ք արդյոք, որ անգամ սենյակային բույսերը պատկանում են հորոսկոպի որոշակի նշանի, և դրսևորում համապատասխան վարք: Կույսի նշանի տակ է «ծնվել» մանուշակը և բնականաբար այն ավելի հոգեհարազատ է Կույսերին, քան մյուսներին: Մանուշակը շատ նուրբ, խոցելի ծաղիկ է, որը արագ կործանվում է սկանդալային մթնոլորտում. երբեմն՝ անգամ կոպիտ խոսքից կամ բարձր հնչյունից: Նյարդային ու անփույթ մարդկանց մեջ մանուշակը չի կարող մեկ օր անգամ մնալ: Կոպիտ Աղեղնավորի, փութկոտ Երկվորյակների ու դաժան Կարիճի հետ մանուշակն արագ թոշնում է: Խոյի հետ էլ հեշտ չէ նրա համար, բայց մանուշակը հասկանում է Խոյին և ընդունակ է անգամ հանգստացնել նրան իր բուրմունքով: Մյուս նշանների հետ մանուշակը կարող է փոխզիջման գնալ: ՆԱԽԱՍԻՐՈՒԹՅՈՒՆՆԵՐԸ Ինտերիերը պետք է փայլի մաքրությունից ու կանոնավոր լինի: Սենյակում ամեն տեսակի արդուզարդ կարող է լինել, բայց ամեն ինչ՝ իր տեղում: Գրքերի առատությունը ձեր տանը հարգանք է ներշնչում, և Կույսն ավելի հետաքրքրությամբ է ձեզ հետևում: Խոհանոցը հատկապես պիտի փայլի, և ամեն ինչ այնտեղ հարկ է, որ գործնական լինի՝ ավելորդությունը բացառվում է: Տղամարդ-Կույսն ամեն ինչ լավ է անում, այդ թվում և՝ ուտելը: Իսկ ուտում է նա միայն այն պատճառով, որ առանց ուտելու անհնար է ապրել: Նախընտրելի կերակրացանկի մեջ են մտնում ձուկը, բանջարեղենը, բրինձը և այլն: Հարգում է չինական և ճապոնական խոհանոցը: ՄԱՐՄՆԻ ԶԳԱՅՈՒՆ ՄԱՍԸ դեմքն է: ՏՂԱՄԱՐԴ-ԿՈՒՅՍ Կույսի նշանի տակ ծնված տղամարդը ձգտում է կարգուկանոն մտցնել այնպիսի իռացիոնալ ոլորտ, ինչպիսին սիրային հարաբերությունն է: Բացի այդ, շատ ամոթխած է, և կնոջ հետ կապ հաստատելը նրա համար այնքան էլ հեշտ չէ: Իսկ երբ հաջողվում է անցնել ռուբիկոնը, պարզվում է, որ հիանալի սիրեցյալ է: Նման զուգակցի հետ կինն իրոք կարող է երջանիկ զգալ իրեն: Բայց երբեք չմոռանաք, որ տղամարդ-Կույսը բոլորովին այլ, որոշ առումով՝ քարացած պատկերացում ունի՝ եթե փորձեք անհավատարիմ լինել կամ մտքներովդ նման մի բան անցկացնել: Լավագույն դեպքում նա կլքի ձեզ, վատթարագույն դեպքում՝ վրեժխնդիր կլինի: ԿԻՆ-ԿՈՒՅՍ Կույս-կնոջ երեք տեսակ կա: Առաջինը կանացի է, թովիչ, հանդարտ խառնվածքի ու առանց բարդույթների. նրա զգացմունքներն ու բանականությունը կարծես հաշտության դաշինք են կազմել: Նման Կույսը սքանչելի կին է և սիրուհի: Մյուսը խստակյաց է, զուսպ, ֆրիգիդության հասնող սառը բնավորությամբ: Երրորդ տեսակը շատ զգացմունքային է, բայց նրա բանականությունն այնուամենայնիվ հաղթում է. սեքսում սերը լիովվին ամորձատվում է: Նման Կույսը կարող է սկսել Լոլիտայի պես և ավարտել նիմֆոմանիայով, բայց միշտ՝ սառը սրտով: ԻՆՉՊԵՍ ՀՐԱՊՈՒՐԵԼ ԿՈՒՅՍԻՆ Տղամարդ-Կույսն անընդհատ կատարելություն է փնտրում: Նրա ընտրյալը պիտի լինի՝
Բայց և՝ հմայքով լեցուն: Ցուցակը կարելի է շարունակել, բայց արդեն ամեն ինչ պարզ է: Այսինքն պարզ է, թե ինչու է տղամարդ-Կույսն ամբողջ կյանքում փնտրում իր իդեալին: Ակնհայտ է, որ նրան հմայելը հեշտ գործ չէ: Նա քննարկում ու քննադատում է բոլորին ու ամեն ինչ: Նրա ուշադրությունը գրավելու միակ միջոցը կատարյալ դառնալն է (գոնե ժամանակավորապես): Ննջարանում նրա աչքի առջև կարող եք հառնել ոչ շատ անկեղծ, բայց հրապուրիչ ու երկիմաստ զգեստով, իսկ հասարակության մեջ պետք է հագնվեք ճշմարիտ տիկնոջ պես: ԾՆՈՂ-ԿՈՒՅՍԸ Նա չափազանց խիստ է: Ամեն մանկական բան նրան վրդովում է, և նա ամեն գնով փորձում է դաստիարակել իր երեխաներին: Նրան ավելի շատ է անհանգստացնում ուսման մեջ զավակների առաջադիմությունը, քան մյուս ծնողներին: Հավանաբար մեծանալուց հետո երեխաները կգնահատեն ծնողի ջանքերը՝ իրենց զարգացման և կրթման ուղղությամբ: ԵՐԵԽԱ-ԿՈՒՅՍ Նա աչքի է ընկնում վաղահաս և արագ զարգացմամբ, հատկապես՝ ինտելեկտուալ առումով: Նա ինքն է իր համար զբաղմունք փնտրում՝ առանց հույսը որևէ մեկի վրա դնելու: Նախընտրում է գիրք կարդալ, լավ է առաջադիմում, բայց ամաչկոտ է և զգայուն քննադատության ու կշտամբանքի հանդեպ, հաճախ դժվարանում է լավ հարաբերություններ հաստատել հասակակից երեխաների հետ: ԿՈՒՅՍԻՆ ՀԱՐՄԱՐ ԵՆ...
ԻՆՉՊԵՍ ՁԵՐԲԱԶԱՏՎԵԼ ԿՈՒՅՍԻՑ Ձգտեք շիլաշփոթ սարքել ձեր սենյակում, հանդիպում նշանակեք և ուշացեք կամ բոլորովին մի ներկայացեք: Վերջին պահին միշտ փոխեք ձեր ծրագրերը և ստիպեք, որ նա էլ անի նույնը: Պարտադրեք, որ համբուրվի ձեզ հետ որտեղ պատահի: Եթե հրավիրի իր տուն՝ մոր հետ ծանոթացնելու, անպայման կարճ կիսաշրջազգեստ և թափանցիկ վերնաշապիկ հագեք: Վերջին հարվածը. ամբողջ օրը թավալ տվեք անկողնում, ձեր կողքին շարելով օղու մի քանի դատարկ շիշ, կծած սենդվիչ ու լիքը մոխրաման: |
|
Նմանատիպ նյութեր