Hushak.com

ԽՈՅ (Aries, 21.III–20.IV)

Շաբաթվա սկզբին ձեզ համար հեշտ կլինի շրջապատողների հետ շփվելը: Օգտվեք դրանից պիտանի ծանոթություններ հաստատելու համար: Այդ հատվածը հարմար կլինի աշխատանքային հարցերը քննարկելու համար: Չեն բացառվում համագործակցության առաջարկները: Հիշեք, որ վերջնական որոշման հարցում լավ է չշտապեք, նախ ավելի շատ տեղեկատվություն հավաքեք:

Հետո ավելի բարդ շրջան է գալու: Այն կարող է կապված լինել գործերում ձգձգումների, անսպասելի դժվարությունների, ինչպես նաև տարաձայնությունների ու վեճերի հետ: Լավատեսությունը և սեփական ուժերի հանդեպ հավատը մի կորցրեք. շատ բան լավ կդասավորվի, եթե համառ ու հետևողական լինեք:

Գործերում և կապեր հաստատելիս ուշադիր է պետք լինել: Զգուշացեք, եթե ինչ-որ մեկը համառորեն փորձի շահել ձեր համակրանքը: Այդ մարդու մտադրությունները անշահախնդիր չեն լինի:

ՑՈՒԼ (Taurus, 21.IV–21.V)

Շաբաթն արժե սկսել ծրագրեր կազմելուց ու քննարկելուց: Մտածեք, թե ինչի վրա եք կենտրոնանալու մոտ ժամանակներս, դրեք առաջնահերթությունները: Դա կհեշտացնի ձեր կյանքը, կօգնի ավելի արագ հասնել նպատակին, խուսափել ավելորդ ապրումներից ու հուզումներից: Այդ հատվածը հաջող կլինի նաև նոր ծանոթությունների համար: Լավ տպավորություն թողնելու և ամենատարբեր մարդկանց արագ մոտեցում ցուցաբերելու ունակության շնորհիվ դուք նոր ընկերներ կգտնեք:

Շաբաթվա կեսը վատ չի դասավորվի, եթե մանրուքների պատճառով չվշտանաք: Մտածեք կարևորի մասին, կենտրոնացեք ամենալուրջ գործերի վրա: Այդպես կկարողանաք դրական տրամադրվել և ուրախության առիթներ գտնել: Իրավիճակը արագ դեպի լավը կփոխվի, օր օրի դուք ձեզ ավելի ազատ ու ինքնավստահ կզգաք:

Շաբաթվա վերջին օրերը բարենպաստ կլինեն բարդ առաջադրանքները լուծելու համար: Դուք շատ հարցերի պատասխաններ կգտնեք: Նշված շրջանը հարմար կլինի նաև ուսման համար: Ամենն, ինչ կարող է կարևոր ու օգտակար լինել, դուք անմիջապես կմտապահեք:

ԵՐԿՎՈՐՅԱԿՆԵՐ (Gemini, 22.V–21.VI)

Այս շաբաթվանից ձեր կյանքում կարող են մեծ փոփոխություններ սկսվել: Աշխատեք ուշադիր հետևել ձեր շուրջը տեղի ունեցողին: Չեն բացառվում իրադարձությունները, որոնք ձեզ հետաքրքիր մտքեր կտան, կհուշեն՝ ինչպես մեծ հաջողության հասնել:

Շաբաթվա առաջին օրերին արժե դրսևորել առաջատարի հատկանիշները: Ցույց տվեք, որ դուք ունակ եք և՛ մենակ գործել, և՛ ղեկավարել ուրիշներին: Եթե այդ հատվածում ձեզ ճիշտ պահեք, ապա շուտով կկարողանաք բարձրանալ մասնագիտական սանդուղքով, ստանալ հենց այն աշխատանքը, որի մասին երկար երազել եք:

Շաբաթվա երկրորդ կեսին ձեզ շատ պետք կգա բնատուր նրբանկատությունն ու ամենատարբեր մարդկանց մոտեցում գտնելու ունակությունը: Պիտանի ծանոթություններ հաստատելու շանս կա: Որոշ Երկվորյակներ ազդեցիկ համախոհներ կգտնեն: Կարող են ընկերական կամ ռոմանտիկ հարաբերություններ սկսվել, եթե դուք նախաձեռնող լինեք, անեք առաջին քայլը:

ԽԵՑԳԵՏԻՆ (Cancer, 22.VI–22.VII)

Շաբաթվա սկզբին հոգեկան հավասարակշռությունը պահպանելը դժվար կլինի: Շատ Խեցգետիններ պիտի բարդ զրույցներ վարեն, գործ ունենան տհաճ մարդկանց հետ: Աշխատեք պրովոկացիաներին չտրվել ու ղեկավարվել առողջ բանականությամբ: Դուք հնարավորություններ կտեսնեք, որոնց մասին նախկինում չէիք էլ կռահում և կօգտվեք դրանցից:

Շաբաթվա կեսը ավելի հաճելի ու ներդաշնակ կլինի: Այդ հատվածում ձեզ մոտ շատ բան լավ կստացվի: Նոր գործերից հրաշալի գլուխ կհանեք, իսկ այն, ինչ ավելի վաղ էիք սկսել, արագ ավարտին կհասցնեք: Հավանական են անսովոր հանդիպումներ, ինչպես նաև հաճելի ծանոթություններ, որոնք կարևոր դեր կխաղան ձեր կյանքում:

Շաբաթվա վերջին օրերը լավը կլինեն ոչ ֆորմալ միջավայրում հանդիպումների, ընկերների և մյուս մտերիմների հետ շփվելու համար: Հնարավոր են հաճելի անակնկալներ, անսպասելի նվերներ: Այդ հատվածը հարմար կլինի ռոմանտիկ ժամադրության և մի մարդու հետ հանդիպելու համար, որին կուզենայիք դուր գալ:

ԱՌՅՈՒԾ (Leo, 23.VII–23.VIII)

Աշխատեք բաց չթողնել շաբաթվա սկզբին բացված հնարավորությունները: Եթե խուճապի չմատնվեք, ապա օգտակար բաներ կանեք և՛ ձեր, և՛ ուրիշների համար: Հավանական են նշանակալի մասնագիտական հաջողություններ. հնարավոր է իսկական բեկում գործերում: Այդ հատվածում չեն բացառվում կոնֆլիկտները: Ամենայն հավանականությամբ դրանց իրական պատճառը շրջապատողների նախանձը և ձեր կարողություններն ու գիտելիքներն իրենց շահերին ծառայեցնելու ցանկությունը կլինի:

Շաբաթվա կեսը հագեցած կլինի: Այդ հատվածում պիտի միաժամանակ մի քանի գործով զբաղվեք, լուծեք հարազատների խնդիրները, ուղղեք ուրիշների սխալները: Վատ մի զգացեք մտերիմներին դիմել աջակցության խնդրանքով: Նրանց շնորհիվ դուք ձեզ անմիջապես ավելի լավ կզգաք:

Շաբաթվա վերջին օրերը կուրախացնեն հաճելի անակնկալներով, հաջող զուգադիպություններով: Հենց այդ հատվածը բարենպաստ կլինի շփումների, նոր ծանոթությունների և այն մարդկանց հետ հանդիպելու համար, որոնք յուրահատուկ կարևոր են ձեզ համար:

ԿՈՒՅՍ (Virgo, 24.VIII–23.IX)

Ձեզ վատ շաբաթ չի սպասվում: Այն հատկապես հաջող կլինի Կույսերի համար, որոնք վստահում են ինտուիցիային և հետևում նրա հուշումներին: Հավանական են անսովոր, զարմանալի իրադարձություններ: Դրանք կարող են ազդել ձեր հայացքների և ծրագրերի վրա: Նկատի ունեցեք, որ շրջապատողները կարող են տեղի ունեցողին արձագանքել ոչ այնպես, ինչպես դուք եք սպասում: Բայց դա կոնֆլիկտների ու վեճերի չի հանգեցնի, չի փչացնի ձեզ համար թանկ մարդկանց հետ հարաբերությունները: Դուք կպահպանեք ինքնատիրապետումը, բարեհամբույր ու համբերատար կլինեք բոլորի հետ:

Հաջող կանցնեն գործնական բանակցությունները: Այստեղ վերջին դերը չի խաղա ձեր համառությունը: Դրա շնորհիվ դուք կարող եք ձեր ճշմարտացիության մեջ համոզել նույնիսկ նրանց, ովքեր նախկինում քննադատորեն էին տրամադրված:

Շաբաթվա վերջը առատաձեռն կլինի հաճելի անակնկալների մասով: Կիրականանան հին ցանկությունները և երազանքները:

ԿՇԵՌՔ (Libra, 24.IX–23.X)

Շաբաթը հազիվ թե անսովոր իրադարձություններ բերի կամ նշանավորվի կարևոր հաղթանակներով, բայց այն ձեզ դուր կգա: Կարող եք վերադառնալ հին գործերին ու ծրագրերին, ավարտել այն, ինչին արդեն մեծ ուժեր եք նվիրել: Ձեզ հարմար օրեր են սպասվում նոր ծանոթությունների համար: Դուք կհանդիպեք մարդկանց, որոնք ձեզ նման չեն լինի, բայց կարող են հուսալի համախոհներ ու հավատարիմ ընկերներ դառնալ:

Հավանական են հաճելի իրադարձություններ ընտանիքում, դրական փոփոխություններ հարազատների հետ հարաբերություններում: Կոնֆլիկտներն ու վեճերը, որոնք նախկինում բոլորին վշտացնում էին, վերջապես անցյալում կմնան: Ընդհանուր ծրագիր կհայտնվի, կուզենաք միասին զբաղվել հետաքրքիր գործերով:

Հնարավորություն կունենաք ուղղել ուրիշների սխալները, լրացնել բաց թողածը: Հաճելի կլինի, որ դա լուրջ ջանքեր չի պահանջի: Եթե լսեք ինտուիցիայի ձայնին, ապա արագ կհասնեք ձեր ուզածին:

ԿԱՐԻՃ (Scorpius, 24.X–22.XI)

Կարելի է և պետք է վճռական գործել: Շաբաթվա սկիզբը շատ հաջող կլինի, հարմար կլինի նոր նախաձեռնությունների համար: Չի բացառվում՝ ստիպված լինեք զբաղվել գործերով, որոնք ձեզ առանձնապես հետաքրքիր չեն թվա: Աշխատեք դրանցից հնարավորինս լավ գլուխ հանել: Ձեր հաջողությունը կնկատեն մարդիկ, որոնցից շատ բան է կախված: Հավանական են պիտանի ծանոթություններ, հետաքրքիր առաջարկներ:

Շաբաթվա երկրորդ կեսը ավելի բարդ կլինի: Շրջապատողները հաճախ կխառնվեն ձեր գործերին, և դա չի ուրախացնի: Դուք տպավորվող կլինեք, կարող եք սուր արձագանքել դատարկ բաներին, վիրավորվել մանրուքների պատճառով: Լավ է, եթե կողքին լինեն մարդիկ, որոնք պատրաստ են օգնել ձեզ, բարձրացնել ձեր տրամադրությունը:

Հավանական են ոչ մեծ դրամական մուտքեր: Հիշեք, որ ֆինանսական հարցերի լուծման հարցում հիմա լավ է չշտապեք:

ԱՂԵՂՆԱՎՈՐ (Sagittarius, 23.XI–21.XII)

Դուք տեղում չեք դոփի, արագ ու վճռական կգործեք: Եթե դժվարություններ ծագեն, հոգ չէ, դուք դրանց պատճառով հաստատ չեք հրաժարվի մտածածից, սկսածը կիսատ չեք թողնի: Ինչ-որ մեկը կփորձի խանգարել ձեզ հասնելու նպատակին: Նման մարդկանց կարելի է միայն խղճալ, քանի որ նրանց համար հեշտ չի լինելու: Իսկ ձեզ մոտ ամեն ինչ հաջող կդասավորվի:

Ձեզ պետք կգա ավելի վաղ ձեռք բերած փորձը: Այն, ինչ վաղուց եք սովորել, օգտակար կլինի: Ինչ-որ մեկի խորհուրդները ձեզ պետք չեն գա: Ոչ ոք ձեզ չի կարողանա շեղել կամ խճճել, օգտվել ձեր վստահությունից:

Հավանական են անձնական բնույթի հաճելի իրադարձություններ, դրական փոփոխություններ մտերիմների հետ հարաբերություններում: Շաբաթը հարմար կլինի նոր ծանոթությունների, ժամադրությունների, սիրելի մարդու հետ շփումների համար: Դուք անպայման կգտնեք ձեզ համար յուրահատուկ թանկ մարդուն ուրախացնելու ձևը:

ԱՅԾԵՂՋՅՈՒՐ (Capricornus, 22.XII-20.I)

Պատրաստ եղեք կարևոր որոշումներ ընդունել, ձեզ վրա վերցնել ուրիշների համար պատասխանատվությունը: Ցանկացած գործ լուրջ մոտեցում է պահանջելու: Հիշեք դրա մասին ու հույս մի դրեք հեշտ հաջողությունների, արագ տարվող հաղթանակների վրա:

Կարգապահություն, կենտրոնացվածություն, մանրուքներին ուշադրություն պահանջող ձանձրալի գործեր էլ շատ կլինեն: Ոչ մեկին թույլ մի տվեք շեղել ձեզ: Այդպես դուք կկարողանաք խուսափել սխալներից, որոնց ուղղումը երկար ժամանակ էր պահանջելու:

Շաբաթը բարենպաստ կլինի շփումների համար: Հեշտ չի լինի մտերիմների հետ լեզու գտնելը և նրանց, ում հետ միայն վերջերս եք ծանոթացել: Հազիվ թե ինչ-որ մեկը կարողանա դիմադրել ձեր հմայքին, այնպես որ՝ հավանական է ռոմանտիկ պատմության սկիզբը: Նոր հարաբերությունները արագ կզարգանան, և դա ձեզ դուր կգա:

ՋՐՀՈՍ (Aquarius, 21.I–19.II)

Շաբաթվա առաջին օրերին պիտի շատ աշխատեք: Նախապես ծրագրած գործերին կավելանան լրիվ նորերը: Որոշ Ջրհոսներ պիտի օգնության հասնեն բարդ իրավիճակում հայտնված մտերիմներին: Տանը կարող են խնդիրներ ծագել, որոնցից ոչ ոք ձեզանից լավ գլուխ չի հանի:

Շաբաթվա սկզբին հուզական ֆոնը բարենպաստ կլինի, բայց ժամանակի հետ կլարվի: Դուք կնկատեք, որ շրջապատողների հետ լեզու գտնելը դժվարացել է, երբեմն բոլորը կարծես հատուկ կհանեն ձեզ հավասարակշռությունից: Կհաջողվի խուսափել լուրջ կոնֆլիկտներից, բայց դրա համար նրբանկատություն պիտի դրսևորեք:

Մի շտապեք պատմել ձեր ծրագրերի մասին, կիսվել գաղտնիքներով: Եվ ընդհանրապես, այս շաբաթ լավ է ավելորդ բաներ չխոսեք: Իսկ ահա շրջապատողներին արժե ուշադիր լսել:

ՁԿՆԵՐ (Pisces, 20.II–20.III)

Շաբաթվա սկիզբը հետաքրքիր և արդյունավետ կլինի: Այդ հատվածը նոր հնարավորություններ կբացի, և դուք կաշխատեք դրանցից ոչ մեկը բաց չթողնել: Իմպրովիզներ արեք, ոչ ստանդարտ լուծումներ փնտրեք, մի վախեցեք անսովոր բան առաջարկելուց: Ձեզ համար հեշտ կլինի օգնականներ ու համախոհներ գտնելը, այն մարդկանց հետ համատեղ գործողությունների մասին պայմանավորվելը, որոնց հետ առաջ հաշտ չէիք: Նախկինում բացառապես մասնագիտական բնույթ կրող հարաբերությունները քիչ ֆորմալ կդառնան: Չի բացառվում՝ նոր ընկերներ գտնեք:

Շաբաթվա երկրորդ կեսը հանգիստ ու հաճելի կլինի: Այս շրջանը նշանակալի առաջընթաց է խոստանում գործերում: Կարող են հաջողությամբ լուծվել բարդ հարցերը, որոնց պատճառով նախկինում ապրումներ շատ եք ունեցել: Հավանական են հաճելի իրադարձություններ ընտանիքում, ձեզ ու ձեր հարազատներին վերաբերող լավ նորություններ: Լավ կանցնեն ուղևորությունները: