Քթի ծայրի թեքվածությունը խոսում է այն մասին, թե որքանով ենք մենք վստահում շրջապատին, արդյոք քննադատորեն ու անվստահությամբ ենք նրանց վերաբերվում, թե հակառակը` չափից դուրս վստահող ենք:

Վեր ցցված քիթ

• Անհետևողականություն

Դուք զրուցասեր եք ու պոռթկուն: Սիրում եք զվարճանալ ու դժվարությամբ եք գաղտնիքներ պահում: Շատ հուզական եք, ապրում եք «այստեղ ու հիմա»: Բաց եք շրջապատի համար, պատրաստ եք վստահել ու հավատալ առաջին իսկ պատահածին:

Քթի ծայրը խիստ վեր ցցված է շատ հետաքրքրասեր մարդկանց մոտ: Նրանք հարցասեր են, հետաքրքրվում են ուրիշների գաղտնիքներով:

Վեր ցցված ու սրված ծայրով քիթ

• Հետաքրքրասիրություն
• Ծախսելու հանդեպ սեր

Շատ հետաքրքրասեր եք, հատկապես` շրջապատի հանդեպ: Դժվարությամբ եք գումար տնտեսում, միշտ մտածում եք, որ եթե ավելի շատ գումարի կարիք ունենաք, միշտ էլ կարող եք աշխատել այն:

Հորիզոնական ծայրով քիթ (թեքվածություն չկա ո´չ վերև, ո´չ ներքև)

• Վստահելի են ու լուրջ
• Թույլ չեն տա իրենց խաբել

Դուք հաստատակամ եք ու օժտված առողջ բանականությամբ, ձեզ վրա կարելի է հույս դնել: Վստահում եք շրջապատին, սակայն թույլ չեք տա խաբել ձեզ:

Ներքև թեքված քթի ծայր

• Կասկածամտություն ու քննադատելու հանդեպ հակվածություն
• Հաշվենկատություն
• Ամեն ինչ սեփական աչքով տեսնելու ցանկություն

Դուք կասկածամիտ եք, քննադատող, հաշվենկատ նույնիսկ մտերիմ մարդկանց հանդեպ: Վստահում եք մարդկանց միայն այն ժամանակ, երբ նրանք դրսևորում են իրենց աշխատանքի մեջ: Ձեր վերաբերմունքը մարդկանց կարելի է նկարագրել հետևյալ ձևով. «Ես, իհարկե, վստահում եմ ձեզ, բայց սկզբում ապացուցեք ինձ»:

Ներքև թեքված ու սուր քթի ծայր

• Դաժանություն
• Եսասիրություն

Այսպիսի քիթը հաճախ խոսում է դաժանության ու եսասիրության մասին: Նման մարդիկ նաև իմպուլսիվ են, երաժշտական ունակություններ ունեն:

Կիսված քթի ծայր

• Դժվարությամբ են կյանքում իրենց տեղը գտնում
• Աշխատանքը պետք է հուզական բավարարվածություն պարգևի

Դուք ամենայն հավանականությամբ այն մարդկանցից եք, ովքեր ողջ կյանքի ընթացքում փոխում են աշխատանքն ու հետաքրքրությունների ոլորտը, սիրում են ամեն ինչ փորձել: Աշխատանքը պետք է հուզական բավարարվածություն բերի ձեզ, այսպես ասած` ձեզ համար ստեղծված լինի: Ավելի քչին չեք համաձայնվի:

Կիսված քթի ծայրը նաև պայմաններին հեշտությամբ հարմարվելու, ամաչկոտության, շփման հանդեպ ձգտման մասին է խոսում:

Կլոր (փոքր գունդ քթի ծայրին)

• Գեղարվեստական ճաշակ
• Գնահատում է գեղեցիկը

Դուք արվեստի իսկական գիտակ եք ու մեծ ձգտում ունեք դեպի գեղեցիկը: Հնարավոր է նույնիսկ, որ ինքներդ էլ նկարիչ եք: Ինչ-որ բան դիտելիս անմիջապես կարողանում եք գնահատել որակը: Դուք էսթետ եք, ուստի շատ կարևոր է, որ ձեզ շրջապատի գեղեցիկը:

Նեղ (կարծես երկու կողմերից սեղմված լինի)

• Հեշտությամբ եք հրաժեշտ տալիս գումարին

Դուք կախված չեք գումարից ու հեշտությամբ եք այն ծախսում: Սև օրվա համար գումար  հետ գցելը ձեզ հատուկ չէ: Դուք ավելի շատ այն փիլիսոփայության կողմնակիցն եք, որ կյանքը շատ կարճ է, որպեսզի անհանգստանաք գումարի հարցով: Այս հատկանիշն էլ ավելի արտահայտված է, եթե քթի ծայրը նեղ է, իսկ քթանցքները՝ լայն: