Ֆիզիոգնոմիկայում քթանցքների չափերը ցույց են տալիս ակտիվության հոսքը, ինչպես նաև գումարի հանդեպ մեր վերաբերմունքը: Կարևոր է նաև, թե ինչպես են համընկնում աջ ու ձախ քթանցքների ձևը: Ձախ կողմը կապված է անձնական կյանքի ու ներաշխարհի հետ, իսկ աջը՝ գործնական կյանքի ու արտաքին աշխարհի հետ:

Շատ փոքր քթանցքներ

1. Խնայողություն ու պահպանողականություն
2. Վախենում են աղքատությունից

Շատերը կարող են ձեզ ժլատ համարել, իսկ իրականում դուք պարզապես խնայող ու պահպանողական եք, գիտեք գումարի գինը: Ձեր խնդիրը միայն այն է, որ որքան գումար էլ ունենաք, ձեզ անդադար թվում է, թե դա քիչ է:

Շատ լայն քթանցքներ

• Հնարամտություն
• Առատաձեռնություն

Դուք համարձակ եք, հաճախ ականջի հետև եք գցում վտանգի մասին զգուշացումները, պատրաստ եք հուսահատ քայլերի: Բացի այդ, նաև հնարամիտ եք ու չափից դուրս առատաձեռն: Հիշեք, որ առատաձեռնության մեջ էլ չափը ամեն դեպքում պահպանել է պետք:

Երկար ու նեղ քթանցքներ

• Հուզական առատաձեռնություն

Հուզական աջակցության հարցում, ամենայն հավանականությամբ, դուք շատ առատաձեռն եք, փոխարենը ֆինանսական հարցերում կարող եք խնայող լինել: Կարող եք բարոյական աջակցություն ցուցաբերել, խորհուրդներ տալ, սակայն գումարով օգնել չեք շտապում:

Հսկա ու փքված քթանցքներ

• Ակտիվություն
• Ինքնատիպություն
• Ինքնավստահություն

Դուք ինքնավստահ եք, կենսական ուժով լի, հակված եք գերագնահատել ձեր հնարավորություններն ու ծայրահեղությունների գնալ: Ուզում եք, որ շրջապատը ըստ արժանվույն գնահատի ձեր ձեռքբերումները: Մեծ ստեղծագործական ունակություններով ու հարուստ երևակայություն ունենալով՝ դուք ձեզ անպարտելի եք համարում և երբեմն չափից դուրս շատ բան եք վերցնում ձեզ վրա: Դուք պետք է սովորեք խուսափել ծայրահեղություններից:

Ուղղանկյունաձև քթանցքներ

• Գումարի հանդեպ ավանդական մոտեցում

Դուք բավականին խնայող եք ծախսերի մեջ, ձգտում եք ընտանեկան բյուջեում միշտ փող ներդնել: Փողերը քամուն չեք տալիս, սակայն չեք էլ դողում դրանց վրա:

Փոքր եռանկյունաձև քթանցքներ

• Վախ, որ գումարը չի հերիքի

Բավականին խնայող եք, վախենում եք, որ գումարը կարող է չհերիքել:

Կլոր քթանցքներ

• Առատաձեռնություն
• Ինքնազոհաբերում

Դուք կարող եք անմնացորդ նվիրվել, կիսվել գումարով ու ժամանակով: Գտնում եք, որ ունեցած եկամուտները գերազանցում են ձեր պահանջները, ուստի առանց երկար-բարակ մտածելու կիսում եք այն մտերիմների հետ: