Փոքրիկի բնավորությունն` ըստ հորոսկոպի
| |
| Բաժին: Աստղակերպ | Դիտումներ: 2305 | 22:00 | |
Ծնվելու պահին մոլորակների դասավորությունն ազդում է նորածնի էության վրա: Օրինակ` գարնանը ծնված երեխաները կարող են բնավորության նույն գծերն ունենալ, նման լինեն խառնվածքով: Փոքրիկ Խոյ Մարտի 21-ից մինչև ապրիլի 21-ն ընկած ժամանակահատվածում ծնված երեխաները փոքրիկ խոյեր են: Խոյի բնավորության հիմնական առանձնահատկությունը համառությունն է, որն ի հայտ է գալիս տարբեր իրավիճակներում: Աստղագետների կարծիքով` փոքրիկ խոյն, անշուշտ, ձգտելու է լինել առաջինը: Փոքրիկ խոյը շատ ուշադիր, աշխույժ, հետաքրքիր և շատ զգույշ է, ուստի ավելի լավ է հետևել նրան: Ինքնազբաղ երեխան կարող է վտանգավոր լինել, եթե իրադարձությունները զարգանան նրա ցանկություններին դեմ: Խոյն անասելի առատաձեռն է: Այս նշանի տակ ծնված փոքրիկը սիրելիներին հեշտությամբ կզիջի քաղցրավենիքը, խաղալիքները և այն ամենն, ինչն ունի: Որպես կանոն, նա ունի շատ ընկերներ, քանի որ խոյն իր վրա է սևեռում շրջապատողների ուշադրությունը: Այս երեխան շատ բան է պահանջում: Սերն, ուշադրությունն ու ծնողների աջակցությունը կնպաստեն խոյի բոլոր գաղափարների իրականացմանը: Փոքրիկ ցլեր Ցլի հետ հաղորդակցվելու համար գործի դրեք դիվանագիտությունը: Այս փոքրիկն ունի բարի, լավատեսական տրամադրվածություն և պատրաստ է պատշաճ կերպով արձագանքել ցանկացած առաջարկի: Ցլին հատուկ է հաղորդակցման կիրթ ձևը: Այս երեխայի հետ հաղորդակցման կոշտ տոնը կամ որևէ այլ ագրեսիվ դրսևորում չի հանգեցնի լավ արդյունքների, այլ ընդհակառակը` կփակի դեպի իրեն բոլոր ճանապարհները: Նա չափազանց անկախ, ուժեղ և ֆիզիկապես ակտիվ է, հոգեպես կայուն, կոկիկ, հանգիստ և բարեսիրտ երեխա է, ով, սակայն, չի ձգտում ուշադրության կենտրոնում լինել: Ցուլը նախընտրում է զբաղվել իր գործերով և հետաքրքրված չէ ուրիշներով: Նույնիսկ վաղ տարիքում ցլին հատուկ է սթափ միտքը և ջանասիրությունը: Եթե ցուլը հաջողակ է, ապա ավելի հավանական է, որ դա իր ջանասիրության շնորհիվ է, ոչ թե բախտի, տաղանդի: Այս երեխայի համար կարևոր են շրջապատի գույները, երաժշտական հնչյունները: Գուցե նա չդառնա նկարիչ կամ երաժիշտ, բայց իր անհատական ներդաշնակ զարգացման համար ծնողները պետք է կատարեն փոքրիկ ցլի այս պահանջը: Երկվորյակ փոքրիկներ Երկվորյակների ծնողները հանգստանալու մասին պետք է մոռանան: Հակառակ դեպքում, երկվորյակներին չեն կարող հետևել: Երկվորյակ փոքրիկը միաժամանակ մի քանի բան է անում, երբեմն թվում է, թե նա կարող է միաժամանակ տարբեր վայրերում լինել: Այս զարմանալիորեն հետաքրքրասեր երեխան ամեն ինչից տեղեկատվություն է քաղում: Երկվորյակին ստիպված չեք լինի հիշեցնել գիրք կարդալու մասին: Իհարկե, սովորելու ցանկությունը դրականորեն է ազդում նրանց վրա, երկվորյակներն իմանում են գրեթե բոլոր հարցերի պատասխանները: Երկվորյակները զվարճալի պատմությունների վարպետներ են: Նրանք ունեն վառ երևակայություն, ինչն էլ հմայք է տալիս պատմություններին: Անկախ նրանից, թե որքան դժվար է, պետք չէ սահմանափակել երկվորյակի ազատությունը, այդպես կարող եք կործանել նրա բնավորությունը: Մայրական քնքշությունը, հայրական ըմբռնումն ու հավասարը հավասարին շփումը երկվորյակների համար ներդաշնակ զարգացման բանաձևն են: Փոքրիկ Խեցգետիններ Փոքրիկ խեցգետին ունեցող ծնողներին կարելի է նախանձել: Այս երեխան հանգիստ, ողջամիտ, բարեսիրտ, հնազանդ, ջանասեր և նվիրված է: Փոքրիկ խեցգետինը զգայուն է շրջակա միջավայրի նկատմամբ: Նա հիշում է ամեն պահը, որ տեղի է ունեցել իր հետ, և երբ նա մեծանա, կհիշի իր մանկության արկածների մասին: Նա ունի վառ երևակայություն, ուստի այս նշանի տակ ծնված երեխային հաճախ կարելի է գտնել մեկուսացած, մտախոհ, մտացածին զրուցակցի հետ խաղալիս կամ խոսելիս: Մի՛ անհանգստացեք, բայց նաև երեխային երկար միայնակ մի՛ թողեք: Նուրբ հուզականության պատճառով խեցգետնիկը կարող է վախկոտ թվալ: Այս դեպքում չափահասների աջակցությունը շատ կարևոր է, հատկապես վաղ տարիքում: Փոքրիկ առյուծներ Փոքրիկ Առյուծը պատրաստ է ամբողջ օրը զվարճանալ, խաղալ: Առյուծիկը օժտված է հպարտությամբ, պահանջկոտությամբ և փառասիրությամբ: Առյուծի դաստիարակության մեջ ծնողները պետք է ճիշտ ուղղորդեն այս բոլոր հատկությունները, մասնավորապես` էներգիան` աշխատունակության, հպարտությունը` հաջողության, պահանջկոտությունը` արդյունավետության: Փառասիրությունն առանձին նուրբ աշխատանք է պահանջում, որպեսզի երեխան ուշադրություն դարձնի ոչ միայն իր, այլև իր շրջապատի մարդկանց վրա: Առյուծը գիտի, թե ինչպես է հնարավոր հաճելի լինել շրջապատի մարդկանց համար. դա պետք չէ նրան սովորեցնել: Նրան պետք է սովորեցնել աշխատասիրություն: Սա ծնողներին հեշտ չի տրվի: Եթե կարողանաք Առյուծին ճիշտ սկզբունքներով դաստիարակել, ապա արդյունքը կգերազանցի բոլոր ակնկալիքները: Կստացվի մի գեղեցիկ, հպարտ, խիզախ, խելացի մարդ` մեծ ու բարի սրտով: Փոքրիկ Կույս Հասկացող, խելացի, կարգապահ և խելամիտ երեխա է: Նա Ձեր կողքին է, երբ հարկավոր է և բացարձակ աննկատ է, երբ ծնողները զբաղված են: Երազա՞նք: Մասամբ դա այդպես է: Փոքրիկ կույսը լսում և կատարում է ցանկացած հանձնարարություն, օգնում է տնային հարցերում, նրա սենյակում տիրում է զարմանալի կարգ ու կանոն, բայց բավական է մեկը խախտի այդ ներդաշնակությունը, նա չի դադարի քթի տակ մրթմրթալ: Փոքրիկ կույսին քննադատել խորհուրդ չի տրվում, ավելի ճիշտ կլինի նրբանկատ դիտողություն անել, որը անմիջապես հաշվի կառնվի, քանի որ կույսը ձգտում է իդեալական լինել: Փոքրիկ կշեռքներ Սեպտեմբերի 22-ից հոկտեմբերի 21-ը ծնված երեխան ծնողներին շատ դժվարություն չի պատճառում, ընդհակառակը՝ նա այնքան զգույշ և պատասխանատու է, որ զարմանում ես: Փոքրիկ կշեռքն ուտում է այն ամենն, ինչ առաջարկում են, ուրախությամբ միանում է ցանկացած նախաձեռնության, նա նաև իր ձեռքն է վերցնում ղեկը: Ծնողներն իրենց երեխայի մասին մշտապես լսում են գովասանքի խոսքեր, և դա շատ ուրախացնող է: Փոքրիկ Կարիճ Նորածին կարիճն անմիջապես ցույց է տալիս իր ուժը. որպես կանոն՝ նա մեծ և ուժեղ երեխա է, ունի շատ ուժեղ ինտուիցիա: Եթե խոսենք փաստերով, ապա փոքրիկ կարիճները փոքր տարիքում շատ քիչ են իրենք իրենց վնասում, քանի որ 6-րդ զգայարանով, կարծես, զգում են, որ դա ցավ կպատճառի և կվնասի իրենց: Կարիճին դաստիարակելը շատ դժվար գործ է: Այս կենդանակերպի ներկայացուցիչը բավականաչափ ուժ ու վճռականություն ունի՝ ցանկացած ճանապարհ անցնելու համար: Եթե Կարիճը ունենա կարեկցանքի, համբերության, հարգանքի և առատաձեռնության զգացում, ապա կստացվի իդեալական մարդ: Փոքրիկ աղեղնավոր Աղեղնավորը հանրային մարդ է: Արդեն օրորոցից փոքրիկը տանել չի կարողանում մենակությունը, այնպես որ, փոքրիկի օրօրոցը հանգիստ կարող եք դնել աղմկոտ սենյակում, դա չի խանգարի երեխային քնել: Անկեղծությունն ու ուղղախոսությունը կուղեկցի նրան ամբողջ կյանքում: Եթե ինչ-որ պահի նա գտնի, որ անհրաժեշտ է հակադրվել հասարակության սկզբունքերին, նա հեշտությամբ կմոռանա պարկեշտության մասին և կհետևի իր համոզմունքներին: Աղեղնավորը երեխա է` արդարության բարձր զգացումով: Նույնիսկ ծնողները կարող են կորցնել հեղինակությունը փոքրիկ Աղեղնավորի աչքում, եթե անարժանորեն վարվեն: Այդ իսկ պատճառով վեճերում ծնողները պետք է ավելի զգույշ լինեն և փորձեն երեխային սովորեցնել փոխզիջման գնալ: Այծեղջյուր փոքրիկը Ըստ մանկական աստղագուշակի` այծեղջյուրը ծնվում է արդեն իսկ հասունացած: Երբեմն թվում է, թե նրանց երեխայական զվարճանքները չեն հետաքրքրում: Ցավոք, այս երեխան շատ շփվող չէ և շատ ընկերներ չունի տարեկիցների շրջանում: Նա ավելի շատ սիրում է շփվել ծնողների և իրենից մեծերի հետ: Այս շփումը շատ լավ է ազդում երեխայի զարգացման վրա: Երիտասարդ տարիքում նա ավելի հասուն է, քան իր հասակակիցները: Փոքրիկ այծեղջյուրը բավականին ճշտապահ և կարգապահ է: Նրա պատասխանատվությունը և աշխատասիրությունը դրականորեն են ազդում ուսումնական գործընթացի վրա: Խնդիր կարող է լինել այծեղջյուրի չափազանց ամաչկոտությունը, դրա համար ծնողները պետք է աշխատեն «Այծի» ինքնագնահատականի վրա: Մեծանալով և հաղթահարելով, ամաչկոտությունը` Այծեղջուրները հաճախ են հասնում կարիերայի բարձունքին: Աստղագուշակ փոքրիկ Ջրհոսի համար Եթե ընտանիքում Ջրհոս է ծնվել, ապա ձանձրույթը տանից հավերժ վտարված է: Այս երեխան զարմացնում է իր անսպառ էներգիայով: Ջրհոսը նպատակին հասնելու համար օգտագործում է բոլոր հնարավոր միջոցներն ու ծանոթությունները: Ջրհոս երեխան կարիք ունի կազմակերպվելու, նա պետք է ուշադրություն դարձնի նաև իր ֆիզիկական զարգացմանը, քանի որ այս հարցը հաճախ անցնում է հետին պլան: Փոքրիկ ձկներ Փոքրիկ Ձկները խիստ ակտիվ են, որը օրվա ընթացքում հոգնած ծնողներին երեկոյան ակտիվացնում է: Կենդանակերպի այս նշանի տակ ծնված երեխաների մասին հիմնականում ասում են՝ «չի քնում, գոռում է». պատրաստվեք` Ձեզ անքուն գիշերներ են սպասվում: Ձկների դաստիարակության համար ստիպված կլինեք համբերատար աշխատել: Այս նուրբ, զգացմունքային, երևակայությամբ լի երեխաները դժվար են ադապտացվում իրականությանը: |
|
Նմանատիպ նյութեր