ՓԼԱՎՆԵՐ
| |
| Բաժին: Խոհանոց | Դիտումներ: 356 | 10:00 | |
ԲՐՆՁՈՎ ՓԼԱՎ Որոշ տնտեսուհիներ դժգոհում են, որ իրենց պատրաստած փլավը հաջող չի ստացվում, քանի որ այն կպչուն է լինում: Ամենևին անհանգստանալ պետք չէ, եթե պատրաստեք ստորև նշված եղանակով. 1. Եռացող ջրի մեջ ճաշի աղից մի քիչ ավելի աղ լցրեք և բրինձը եռացրեք այնքան, որպեսզի այն լրիվ չեփվի, այլ մի քիչ հում մնա: Այնուհետև քամել, կաթսայի մեջ առատ յուղ լցնել, ավելացնել բրինձը, թեթևակի խառնել (կաթսան թափահարելով) կրակից վերցնել, կափարիչով լավ փակել, սրբիչով հերմետիկ փաթաթել կաթսան ու թողնել 0,5-1 ժամ մնա: Փլավի որակը կախված է հետևյալից.
Եթե անհրաժեշտ է անմիջապես մատուցել, երկրորդ եղանակով պատրաստեք: 2. Լվացած բրինձը յուղով բովել այնքան, որ դառնա հազիվ նկատելի վարդագույն, ավելացնել աղ, տաք ջուր (1:2 հարաբերությամբ), միջին կրակով եփել: Երբ ջուրը սպառվի և երեսին անցքեր երևան, վերցնել կրակից, կափարիչով փակել, սրբիչով փաթաթել կաթսան և թողնել 20-25 րոպե, որից հետո մատուցել: Չամիչով պատրաստելիս այն տապակել յուղով, լցնել արդեն պատրաստի փլավի վրա, խառնել զգուշությամբ և ծածկել վերը նշված ձևով: ՎԵՐՄԻՇԵԼՈՎ ՓԼԱՎ Որոշակի դժվարություն է հարուցում նաև վերմիշելով փլավը: Գաղտնիքը նրանում է, որ վերմիշելով փլավի համար նույնպես յուղը պետք է առատ լինի: Վերմիշելը յուղով բովել, ավելացնել այնքան տաք ջուր, որ վերմիշելի մակերեսից 1-2 մատ բարձր լինի: Ավելացնել աղ և միջինից մի քիչ ուժեղ կրակով եփել: Երբ շատ քիչ ջուր մնա (մի քիչ թանձր) վերցնել կրակից, սրբիչով կաթսան փաթաթել, թողնել 10-20 րոպե հանգստանա: Թույլ կրակի դեպքում կստացվի կպչուն զանգված: ՄՍՈՎ ՓԼԱՎ Եթե ունեք շատ քիչ փափուկ միս և չեք կողմնորոշվում ինչ պատրաստել, ապա պետք է աղալ, յուղով տապակել, ավելացնել ջրով բացած 1 ճ/գ տոմատի մածուկ, աղ, սև, կարմիր պղպեղ, խառնել փլավին: Սկուտեղի մեջ լցնելուց հետո կողքերը զարդարել լոլիկով, կանաչ պղպեղով, ձմռանը՝ թթու վարունգով: Բաղադրատոմսը՝ Ամալյա Բաղդասարյանի |
|
Նմանատիպ նյութեր