Մարտի 20-ի լուսնային-արևային աստղագուշակը
| |
| Բաժին: Լուսնային | Դիտումներ: 1150 | 21:00 | |
Մարտի 20-ը կիսում են լուսնային 14-րդ ու 15-րդ օրերը: Լուսինը Կույսի նշանի տակ է: Լուսնային 14-րդ օրը, որը ձգվում է մինչև 17:48-ը, ֆիզիկական աշխարհում իրական գործողությունների օր է: Կատարելագործման նոր փուլին անցնելու ժամանակն է: Բարենպաստ է ճամփորդելը, խաղալը, կոմերցիայով, ինչպես նաև կարևոր գլոբալ գործերով զբաղվելը, աշխատանքը փոխելը, սովորելն ու կարդալը, ֆիզիկական աշխատանք անելը: Անբարենպաստ է տեսողությունը ծանրաբեռնելը, օծանելիքը չարաշահելը: Հոգեկանն այսօր ծանրաբեռնված կլինի: Հնարավոր են տրամադրության անկումներ: Լուսնային 15-րդ օրը, որը սկսվում է 17:48-ից, մարմնական գայթակղությունների օր է, պետք է չափավորություն զարգացնեք ձեր մեջ, հաղթեք բնազդներին: Օգտակար կլինի արդարությունը պաշտպանելը: Բարենպաստ է համեստ լինելն ու ծուլության դեմ պայքարելը: Խորհուրդ չի տրվում հայհոյել, նվերներ ընդունել, լուծել ընտանեկան խնդիրները: Խուսափեք խնձոր ուտելուց ու սեռական կապերից: Նախապատվությունը տվեք ճապոնական խոհանոցին, հատիկավորներին: Այսօր արևային 5-րդ օրն է: Արեգակը Ձկների նշանի տակ է: Օրը հնազանդություն է պահանջում: Խորհուրդ չեն տրվում սեռական կապերը: Խորհուրդ է տրվում շատ աշխատել ու կարևոր փաստաթղթեր ստորագրել: Նախապատվությունը տվեք հատիկավորներին, արմատապտուղներին, շիլաներին: Լավը կլինեն կոնկրետ, իրականությանը մոտ երազները: |
|
