Մարտի 11-ի լուսնային-արևային աստղագուշակը
| |
| Բաժին: Լուսնային | Դիտումներ: 1177 | 21:00 | |
Մարտի 11-ը կիսում են լուսնային հինգերորդ ու վեցերորդ օրերը: Լուսինը Ցուլի նշանի տակ է: Լուսնային 5-րդ օրը, որը ձգվում է մինչև 09:01-ը, լավ է լինել ճանապարհին: Այսօր պաշտպանում են սկզբունքներն ու մարդկանց: Կարող եք ուտել այն, ինչ ուզենաք. պետք է կուշտ լինեք, բայց շատակերությամբ չզբաղվեք: Խուսափեք ուտելու հարցում սահմանափակումներից: Լուսնային 6-րդ օրը, որը սկսվում է 09:01-ից, սիրո, բարության, տիեզերքի էներգիան յուրացնելու օր է: Լավ նշան է կորած կամ գողացված իրերը գտնելը: Անբարենպաստ է վատ երազները պատմելը. դրանք կարող են իրականություն դառնալ: Օրը լավն է երիտասարդացնող պրոցեդուրաների համար: Հիվանդներն այսօր արագ կառողջանան: Այսօր արևային 26-րդ օրն է: Արեգակը Ձկների նշանի տակ է: Օրը նվիրված է ունեցվածքին, ճամփորդություններին, առաքելություններին ու ուրիշներին օգնելուն: Սա եկամուտների, մեծ գնումների, գործնական միջոցառումների օր է: Խորհուրդ է տրվում հետևել ավանդույթներին ու կարգուկանոնին: Սա ունեցվածքի մասին հոգ տանելու, կարևոր փաստաթղթեր ձևակերպելու, հողի հետ աշխատելու ժամանակահատված է: Կարող եք նվերներ անել: Բարենպաստ կլինի օրգանիզմն ու մաշկը մաքրելը, ատամները բուժելը: Երազում կամ իրական կյանքում մազերը կտրելը վատ նշան է: Ուտելու հարցում սահմանափակումներ չկան, բայց նախապատվությունը տվեք կաթնամթերքին: |
|
