Մարդու բնավորությունն ու էությունն՝ ըստ կենդանակերպի նշանի
| |
| Բաժին: Աստղակերպ | Դիտումներ: 6392 | 15:00 | |
Յուրաքանչյուրս մեր առանձնահատկություններն ունենք: Բայց քչերը գիտեն, որ մեր բնավորության գծերը կամ հատկանիշները պայմանավորված են նաև մեր կենդանակերպի նշանով: Մասնագետները պնդում են, որ կենդանակերպի նշանով որոշակիորեն կարելի է բնորոշել մարդուն: Խոյերն ամենակրքոտն են Խոյերի էներգետիկ դաշտը բավական ուժեղ է: Նրանք հեշտությամբ կարողանում են այնպես անել, որ իրենց սիրեն ու գնահատեն: Նրանք լավ սիրեկան կամ սիրուհի են լինում: Ցուլերն ամենահավակնոտներն են Ցուլերը սովոր են ուտել տորթի ամենահամեղ հատվածները: Կենդանակերպի այս նշանի ներկայացուցիչները սովոր են ստանալ այն, ինչ իրենց հարկավոր է: Ցուլերը կարողանում են իրենց դրսևորել խոհանոցում, տնային գործերում, ինչպես նաև սիրային հարցերում: Նրանք աշխարհին այլ աչքերով են նայում: Երկվորյակներն ամենաինտելեկտուալներն են Կան մարդիկ, ովքեր գիտելիքների մեծ պաշար ունեն, բայց հարկ եղած դեպքում չեն կարողանում դա կիրառել: Երկվորյակներն այս հարցում անթերի են: Նրանք կարողանում են գործնականում օգտագործել իրենց գիտելիքները: Նրանք միշտ տեղեկացված են ու միջավայրում զգում են իրենց այնպես, ինչպես ձուկը ջրում: Խեցգետիններն ամենազգայունն են Կենդանակերպի այս նշանի ներկայացուցիչները շատ զգայուն են, բայց, միաժամանակ, կարողանում են իրենց էմոցիաներն իրենց մեջ պահել: Նրանք կարողանում են իրենց ներսում ընդհանուր հայտարարի գալ: Բայց պետք է ասել, որ վերջիններս նուրբ են, զգայուն ու փխրուն: Առյուծներն ինքնասիրահարված են Կենդանակերպի այս նշանի ներկայացուցիչները ինքնասիրահարված են: Բայց ասվածը պետք է ընկալել դրական իմաստով, չէ՞ որ նա, ով ինքն իրեն չի սիրում, ուրիշին էլ սիրել չի կարող: Առյուծներն անկեղծ են. եթե նրանց հետ շփվելիս զգում եք, որ նրանք համակրում են ձեզ, ապա իմացեք, որ հենց այդպես էլ կա: Կույսերն ամենահավատարիմն են Կենդանակերպի այս նշանի ներկայացուցիչները սիրում են մեկ անգամ: Նրանք միայն մեկ անգամ են կյանքի երկրոդ կես ընտրում: Կույսերը երկար ժամանակ են ծախսում իրենց սիրելիին գտնելու համար ու հավերժ հավատարիմ են լինում նրանց: Կշեռքներն ամենաանմիջականն են Կենդանակերպի այս նշանի ներկայացուցիչները շատ անմիջական են ու շփվող: Նրանք տանել չեն կարողանում միայնությունը: Կշեռքները սիրում են լավ ժամանակ անցկացնել, շփվել հետաքրքիր մարդկանց հետ: Կարիճներն ամենախորամանկն են Մի ասույթ կա` երբեք չնեղացնեք Կարիճներին: Եթե Կարիճը ոխով լցվի, ապա նրան ոչ ոք կանգնեցնել չի կարողանա: Այնպես որ` չհրահրեք նրանց: Աղեղնավորներն ամենագեղեցիկն են Կենդանակերպի այս նշանի ներկայացուցիչները գեղեցիկ արտաքին ունեն: Նրանք ուշադիր են իրենց նկատմամբ և ջանում են միշտ խնամված լինել: Այծեղջյուրներն ամենանպատակասլացն են Այծեղջյուրներն ինքնավստահ են: Ի տարբերություն ուրիշների` նրանք իրենց նպատակին հասնելու համար գործի են դնում իրենց խելքն ու պլանները: Բոլոր ժամանակներում կենդանակերպի այս նշանի ներկայացուցիչները եղել են տաղանդավոր առաջնորդներ ու զորավարներ: Ջրհոսները գյուտարարներ են Կենդանակերպի այս նշանի ներկայացուցիչների համար է ասված այս խոսքը` ծուլությունը կստիպի գյուտեր անել: Ջրհոսներն իրենց շրջակայքում կարողանում են ամեն ինչ հարմարեցնել, կառուցել այնպես, ինչպես իրենց հարմար է: Նրանք գյուտեր անելու հակումներ ունեն, տաղանդավոր են ու խելացի, ուստի կարող են լավ ապագա ունենալ: Ձկներն ամենաուժեղն են Ձկները սենտիմենտալ են, բայց, միաժամանակ, ուժեղ: Նրանք կարողանում են իրենց աշխատանքով լավ արդյունքի հասնել: Նրանք նման են ուռենու: Քամիներից օրորվում են, բայց երբեք չեն կոտրվում: |
|
Նմանատիպ նյութեր