Մարդկանց էության մութ կողմերի հորոսկոպ
| |
| Բաժին: Հին աշխարհ | Դիտումներ: 6721 | 20:00 | |
Հին ժամանակներում շատ ժողովուրդներ ստվերային հորոսկոպն ընդունում էին ոչ պակաս լրջությամբ, քան աստղակերպինը։ Շատ քչերին է հայտնի այն մասին, որ աստղակերպի բոլորին հայտնի նշաններից բացի, գոյություն ունի ևս մեկ հորոսկոպ, որը պատմում է մարդկանց էության մութ կողմերի մասին։ Հին ժամանակներում շատ ժողովուրդներ ստվերային հորոսկոպն ընդունում էին ոչ պակաս լրջությամբ, քան աստղակերպինը։ Այս 2 հորոսկոպները լրացնում են իրար։ Կենտավրոս (08.01 - 12.02) Կենտավրոսը կիսամարդ - կիսաձի է։ Այս նշանի տակ ծնված մարդկանց մոտ գազանային էությունը միշտ գերակշռում է մարդկայինի վրա։ Կենտավրոսի նշանի տակ ծնվածները հազվադեպ են կարողանում վերահսկել նախանձը, սեռական ցանկությունը, կատաղությունը, ինչպես նաև՝ վախը։ Անկախ անձնավորություններ են, դրա համար հաճախ նրանց բոլոր գործողություններին վերահսկում են էմոցիաները, այլ ոչ թե՝ բանականության ձայնը։ Հարպիա (13.02 - 18.03) Դիցաբանության մեջ Հարպիան նկարագրվում է՝ որպես թևավոր էակ։ Այս արարածի ճանկերը մահաբեր են։ Հարպիան հանդիսանում է վրիժառության խորհրդանիշ։ Այս նշանի տակ ծնված մարդուն հեշտ չէ ներել իրեն վիրավորողին։ Նախանձը և դժգոհությունը կարող են նրա մեջ ապրել երկար ժամանակ։ Եթե մարդ-հարպիայի թշնամիները պարտվում են, կամ նրանց հետևում է դժբախտությունը, ապա այս նշանի մարդիկ բավարարվածություն են զգում։ Պեգաս (19.03 - 24.04) Պեգասը դիցաբանության մեջ հանդիպում է թևավոր ձիու տեսքով։ Պեգասի նշանի տակ ծնված մարդն իրեն բարձր է դասում բոլորից և սավառնում է օդում։ Բայց հաճախ՝ միայն իր պատկերացումներում։ Մարդ-պեգասները հպարտ են։ Հաստատ համոզված են, որ իրենք ստեղծված են մեծ նպատակի և լավագույն ճակատագրի համար, այլ ոչ նրա, ինչ իրենց է բաժին հասել։ Միատոն աշխատանքը կարող է նրանց խելագարեցնել։ Ռոմանտիզմը նրանց համար օտար է և անհասկանալի։ Դա հանգեցնում է մեկ բանի. նրանցից չի հեռանում այն միտքը, որ ամեն ինչ անպայման պետք է ավելի լավ լինի, քան կա տվյալ պահին։ Կերբերոս (25.04 - 30.05) Շատերին է հայտնի, որ Կերբերոսը երեքգլխանի շուն է, որը պահպանում է մեռյալների թագավորության մուտքը։ Կերբերոսը գերազանց խորհրդանշում է այդ նշանի տակ ծնված մարդկանց։ Շատ չար և ագրեսիվ անձնավորություններ են։ Պատրաստ են պատառոտել իրենց վիրավորողներին։ Եթե մարդ-կերբերոսներն ազատություն չեն տալիս իրենց կատաղությանը, ապա նրանց մոտ դեպրեսիա է սկսվում։ Նրանք ապրում են անընդհատ սթրեսի մեջ։ Սատիր (31.05 - 03.07) Այս մարդկանց առաջնորդում է ոչ այլ ինչ, քան սեքսը։ Նրանց համար ուրիշ ոչինչ գոյություն չունի, և սեքսը կառավարում է նրանց։ Ամենահետաքրքիրն այն է, որ նրանք այդ մասին գիտեն և չեն թաքցնում։ Սատիրի նշանի տակ ծնված կանայք հաճախ քանդում են ուրիշների ընտանիքները։ Տղամարդ-սատիրներն ամոթ չունեցող կնամոլներ են։ Այնտեղ, որտեղ նրանք են, միշտ լինում են քանդված ընտանիքներ և կոտրված սրտեր։ Մարդ-սատիրներին ուղղակի անհրաժեշտ է այսպիսի կյանք վարել և անպայման բավարարել ցանկությունները։ Հակառակ դեպքում՝ նրանք դառնում են սեռապես մտահոգ և ծայրահեղ վտանգավոր։ Սիրենա (04.07 - 10.08) Դիցաբանության մեջ Սիրենան հայտնի է, որպես ծովային հավերժահարս, ով տիրապետում է նավերին հրապուրող քաղցր ձայնի։ Եվ շատ նավեր քաղցրաձայն ջրահարսներին փնտրելիս փշրվում էին՝ ժայռերին զարնվելով։ Այս նշանի տակ ծնված մարդիկ նպատակներին հասնելու համար միացնում են իրենց հմայքի 100 տոկոսը, և նրանց համար կարևոր չէ, թե դա ինչպես կանդրադառնա շրջապատի վրա։ Կին-սիրենաները՝ որպես կանոն, շիկահեր են։ Նրանց կարծեցյալ անօգնականությունը թույլ է տալիս գերազանց խաղալ տղամարդկանց հետ։ Պետք է նշել, որ տղամարդիկ էլ ներկայանում են՝ որպես միամիտ պատանիներ։ Արծվառյուծ (11.08 - 15.09) Այս արարածը կիսաարծիվ-կիսաառյուծ է, ով տիրապետում է մեծ ուժի։ Վայրագությամբ և ռազմատենչությամբ նրա հետ ոչ ոք չի կարող հավասարվել։ Այս խորհրդանիշը ճշտությամբ բնութագրում է այն մարդկանց, ովքեր ծնվել են այս նշանի տակ։ Ուղնուծուծով ֆանատիկոսներ են։ Այն, ինչին նրանք հավատում են, կպաշտպանեն ակտիվ և ռադիկալ գործողություններով։ Հին դարերում Արծվառյուծի նշանի տակ ծնված մարդիկ ներքաշված էին լինում տարբեր կուլուարային խաղերի մեջ, որոնց արդյունքը միշտ լինում էր գաղափարական մոտիվներով մահապատիժը։ Քիմեռ (16.09 - 22.10) Քիմեռը բազմաթիվ դեմքեր ունեցող դիցաբանական արարած է։ Որպես կանոն՝ գերադասում է ներկայանալ Օձ-Այծ-Առյուծ կերպարով։ Այս նշանի տակ ծնված մարդիկ երեսպաշտ են։ Կախված իրավիճակից՝ փոխում են դիմակները։ Սֆինքս (23.10 - 30.11) Մարդ-սֆինքսներն օժտված են սառը հաշվենկատությամբ և արտասովոր խորամանկությամբ։ Միշտ աշխատում են ուրիշներից ավելի խորամանկ լինել։ Հարկավոր է նշել, որ դա նրանց մոտ ստացվում է առանց դժվարության։ Նրանք կախված են նյութական բարիքներից, դրա համար, եթե Սֆինքսին հաջողվում է գումար տնտեսել, նա շատ երջանիկ է լինում։ Մինոտավրոս (01.12 - 07.01) Այս արարածը ցլի գլխով մարդ է։ Մինոտավրոսի նշանի տակ ծնված մարդիկ իրենց գազանային էության ստրուկն են։ Նրանք երբեք չեն կարող առաջատարներ դառնալ։ Նրանց ճակատագիրը հոտի մաս լինելն է։ Մինոտավրոսներն ընդունակ չեն կարևոր որոշումներ կայացնել, նրանց համար շատ ավելի հեշտ է անել այն, ինչ ուրիշներն են ասում։ Նրանք հեշտությամբ ենթարկվում են ուրիշի կամքին, բայց միայն այն դեպքում, եթե այն չի հակասում իրենց առաջնային կենդանական բնազդին։ |
|
Նմանատիպ նյութեր