Hushak.com

Նռան թեյը կարող է հագեցնել ծարավը նույնիսկ շոգ եղանակին, հաճելի համ ունի և պարբերաբար օգտագործման դեպքում կարող է օգտակար լինել առողջությանը։ Թեյերի շրջանում այն ամենաշատ վիտամիններն է պարունակում։ Բացի վիտամիններից՝ նռան թեյը հարուստ է նաև միկրոէլեմենտներով, օգտակար թթուներով։

Հարկավոր է նռան թեյ խմել, եթե օրգանիզմին չեն բավարարում հետևյալ նյութերը.

• վիտամիններ C, B1, B2, B6, B15, PP,
• ամինաթթուներ (նուռը շուրջ 15 ամինաթթու է պարունակում),
• օրգանական թթուներ,
• երկաթ, կալիում, կալցիում և այլն։

Նռան թեյն օգտակար է հետևյալ դեպքերում.

• հակաբորբոքային միջոց,
• հակավիրոսային միջոց (օգնում է բարձրացնել օրգանիզմի պաշտպանական կարողությունները մեծ քանակով վիտամինների, հատկապես՝ վիտամին C-ի պարունակության շնորհիվ),
• իմունիտետը բարձրացնող միջոց,
• միջոց, որն օգնում է վերականգնել ուժերը հիվանդությունից հետո,
• աղեստամոքսային տրակտի աշխատանքը լավացնող միջոց,
• նյութափոխանակությունը լավացնող միջոց, որն օգնում է օրգանիզմից դուրս բերել տոքսիններն ու շլակները,
• անեմիայի դեպքում (բարձրացնում է հեմոգլոբինի մակարդակը՝ արյունը հարստացնելով երկաթով),
• սրտի լավ աշխատանքի համար (կալիումի շնորհիվ),
• դիարեայից ազատվելու համար,
• հորմոնալ խանգարումների դեպքում (եթե թեյը պատրաստեք նռան կեղևից),
• հանգստացնող միջոց (օգնում է արագ քնել, ազատվել անհանգստությունից),
• ոախտահանող միջոց բերանի խոռոչի և կոկորդի համար,
• որպես հակաօքսիդանտ,
• որպես միզամուղ։

Հարկավոր է ուշադրություն դարձնել այն հանգամանքին, որ որոշ դեպքերում նռան թեյի օգտագործումն, առհասարակ, խորհուրդ չի տրվում, քանի որ այն կարող է սրել վիճակը և կողմնակի ազդեցություն ունենալ օրգանիզմի վրա։

Ո՞ր դեպքերում է հակացուցված նռան թեյը.

• հղիություն և կրծքով կերակրման շրջան,
• երեխաներին,
• գաստրիտի, ստամոքսի խոցի դեպքում,
• պանկրեատիտի դեպքում,
• մշտական փորկապության դեպքում,
• ալերգիայի հակվածության դեպքում։

Որպեսզի նռան հյութը չվնասի առողջությանը, հարկավոր է օրվա ընթացքում սահմանափակվել մեկ բաժակով։

Ինչպես պատրաստել։ 1 թեյի գդալ նռան չորացրած ծաղիկների ու կեղևի վրա մեկ բաժակ եռացրած ջուր ավելացրեք։ Թողեք թրմվի 15 րոպե։ Եթե թեյը խիտ է ստացվել, կարող եք եռացրած ջուր ավելացնել։ Ցանկության դեպքում կարող եք մեղր օգտագործել, իսկ շաքարի ավելացում խորհուրդ չի տրվում։