Ժողովրդական բժշկություն. Դափնու տերևի օգտակար հատկանիշները
| |
| Բաժին: Խորհուրդներ | Դիտումներ: 511 | 12:00 | |
Բարձր զարկերակային ճնշումը, դիաբետը, անքնությունը, արյան մեջ խոլեսթերինի բարձր մակարդակը բավականին տարածված խնդիրներ են։ Այս խնդիրները չի կարելի անուշադրության մատնել․ հարկավոր է դիմել բժշկի և հետևել նրա ցուցումներին։ Թվարկված խնդիրների դեմ պայքարում կարող է օգտակար լինել նաև դափնու տերևը․ այն պարունակում է վիտամիններ և հանքանյութեր, որոնք անհրաժեշտ են առողջության համար։ Այն կարող է օգնել պայքարելու զարկերակային բարձր ճնշման, անքնության, արյան մեջ խոլեսթերինի բարձր մակարդակի դեպքում։ Դափնու տերևը կարող է օգտագործվել առողջական հետևյալ խնդիրների դեպքում․
Բաղադրիչներ.
Պատրաստման և օգտագործման եղանակը։ Ջուրը եռացրեք, ավելացրեք դափնու տերևը, թողեք մի քանի րոպե եռա։ Թուրմը հարկավոր է օգտագործել ամեն առավոտ՝ քաղցած վիճակում և քնելուց առաջ։ Դափնու տերևի թուրմը դեռ հնուց օգտագործվել է արևելյան և արևմտյան Եվրոպայի, ինչպես նաև՝ Ասիայի ժողովրդական բժշկության մեջ: Դափնու տերևը համարվում է բնական հակաբիոտիկ, բացի այդ, այն խթանում է նյութափոխանակությունը: Դափնու տերևի բաղադրության մեջ եղած տանինների շնորհիվ այն համարվում է բորբոքումներն ու այտուցները բուժող միջոց: Իսկ եթե դափնու թուրմը ճիշտ պատրաստեք, այն կլավացնի իմունիտետը. հարկավոր է միայն կանոնավոր կերպով այն օգտագործել: Դափնու թուրմը սովորաբար օգտագործվում է օրգանիզմից անցանկալի աղերը դուրս բերելու նպատակով: Այս թուրմի մեջ առկա ակտիվ տարրերն ազդում են լեղապարկի քարերի, հոդերում աղերի կուտակման, ինչպես նաև խոլեցիստիտին հատուկ բորբոքումների վրա: Բացի այդ, դափնու թուրմը նաև օգնում է շաքարախտով տառապող մարդկանց, ինչպես նաև նրանց, ովքեր թութք ունեն: Սակայն դա չի նշանակում, որ այս թուրմը պետք է ամեն օր օգտագործել, քանի որ դրա բուժական կուրսը տևում է տարեկան 3 շաբաթից ոչ ավելի: Դափնու տերևից թուրմ պատրաստելու համար պետք է 10-15 հատ տերևների վրա լցնել 300 մլ ջուր, դնել կրակին, հասցնել եռման և եփել ցածր կրակի վրա 3-5 րոպե: Ստացված թուրմը լցնել թերմոսի մեջ, թողնել 4 ժամ, ապա քամել: Օրական մի քանի անգամ 1ճ/գ խմեք այս թուրմից: Այս կուրսը պետք է տևի 3 օր: Ապա 2 շաբաթ դադար տալ և կրկնել: Այս թուրմը խորհուրդ չի տրվում նրանց, ովքեր փորկապության հակում ունեն: Դափնու տերևի թուրմը՝ հայմորիտի բուժման համար 3 տուփ դափնու տերևների վրա լցնել ջուր այնքան, մինչև տերևները ծածկվեն, ամբողջը դնել կրակին: Հասցնել եռման: Կրակն անջատել, վերցնել մաքուր սրբիչ, այն թաթախել թուրմի մեջ, ապա սրբիչը դնել քթի սկզբնամասում (հոնքերի մեջտեղի հատվածում) և ճակատին: Խորհուրդ է տրվում գլուխը փաթաթել որևէ տաք կտորով: Երբ զգաք, որ սրբիչը սառչել է, կրկին թրջեք տաք թուրմի մեջ: Այսպես արեք առնվազն 3-4 անգամ: Ավելի լավ է գործողությունը կատարել քնելուց առաջ: Բուժման կուրսը՝ 1շաբաթ: Դափնու տերևը՝ շաքարախտի դեպքում Դափնու 10 տերևի վրա 3 բաժակ եռացրած ջուր լցրեք: Լավ կլինի այս թուրմի համար օգտագործել ապակե կամ էմալապատ կաթսա: Խառնուրդը թողեք թրմվի 3 ժամ: Օրական 3անգամ կես բաժակի չափով խմել՝ ուտելուց կես ժամ առաջ: Կարող եք նաև հետևյալ բաղադրությանը հետևել Դափնու 10-15 տերևի վրա լցնել 0.3 լ սառը ջուր, հասցնել եռման, թողնել եռա 5 րոպե: Ամբողջը լցնել թերմոսի մեջ, թողնել ամբողջ գիշեր: Առավոտյան քամել և օրվա ընթացքում քիչ-քիչ խմել: Այսպես պետք է բուժվել 3 օր, ապա 2 շաբաթ դադար տալ և կրկնել կուրսը: Դափնու տերևը, որն օգտագործվում է՝ որպես համեմունք, մի խումբ օգտակար հատկություններ ունի: Ներկայացնում ենք թե ինչու է հարկավոր դափնու տերև օգտագործել: Պայքարում է նյարդային լարվածության դեմ: Դափնու տերևն այրելու դեպքում ծուխ է արտադրվում, որի բաղադրիչները հանգստացնող ազդեցություն են ունենում: Հանգստացնում է բորբոքումը: Դափնու տերևը միացություն է պարունակում, որը բնական հակաբորբոքային միջոց է: Դափնու տերևի պարբերական օգտագործումը թույլ է տալիս հանգստացնել բորբոքային պրոցեսները: Պաշտպանում է իմունային համակարգը: Օրգանիզմի նորմալ աշխատանքի համար դրան վիտամիններ և հանքանյութեր են հարկավոր: Դափնու տերևը միացություններ է պարունակում, որոնք հակաօքսիդանտ հատկություններ ունեն: Կարող է օգնել դիաբետի դեպքում: ԱՄՆ-ում հրապարակված հետազոտություններից մեկի համաձայն՝ օրվա ընթացքում 1-3 գրամ դափնու տերևի պարբերական օգտագործումը կարող է օգնել մեղմել նշանները, որոնցով ուղեկցվում է 2-րդ տիպի շաքարային դիաբետը: Հեշտացնում է շնչառական համակարգի օրգանների աշխատանքը: Դափնու տերևն օգնում է շնչառական համակարգի օրգանների աշխատանքին: Դափնու տերևի յուղն օգտագործելու դեպքում կարող եք խթանել խորխի դուրսբերումը: Դափնու տերևի յուղն օգտակար է մաշկին: Այս յուղը մաշկի խնամքի լավագույն միջոցներից է: Այն մեծ քանակով վիտամիններ, հանքանյութեր և հակաօքսիդանտներ է պարունակում, բացի այդ՝ հակաբորբոքային հատկություն ունի, պայքարում է միկրոբների դեմ: Այս ամենը թույլ է տալիս մաքուր պահել մաշկը, պաշտպանել ազատ ռադիկալների վնասակար ազդեցությունից: Իջեցնում է ջերմությունը: Դափնու տերևի յուղը կարող է օգնել նաև պայքարել վարակների դեմ: Այն կօգնի կարգավորել մարմնի ջերմաստիճանը և խթանել քրտնարտադրությունը՝ բարձր ջերմությունն իջեցնելու համար: Հանգստացնում է մկանները: Դափնու տերևն օգնում է հանգստացնել նյարդային համակարգը, լավացնել արյան շրջանառությունը: Արդյունքում՝ այն կարող է թեթևացնել մարդկանց վիճակը, ում հաճախ է անհանգստացնում գլխացավը, միգրենը: Դափնու տերևով մերսումը կօգնի թուլանալ, լավացնել ինքնազգացողությունը: Ցանկացած միջոց օգտագործելուց առաջ պարտադիր խորհրդակցեք բժշկի հետ։ |
|
Նմանատիպ նյութեր