ՕՐՎԱ ԹԵԺ ՆՅՈՒԹԵՐԸ

Ինչպիսի կանայք կարող են գրավել տարբեր նշանի տղամարդկանց
Բաժին: Աստղակերպ | Դիտումներ: 5615 | 15:00 Ավելացրեց: Moder-003

Խոյ

Այս տղամարդիկ սիրում են ուժեղ ու անկախ կանանց, որոնք ասում են այն, ինչ մտածում են և պատրաստ են ընդունել ցանկացած մարտահրավեր:

Ցուլ

Ցուլերի ուշադրությունը կարող են գրավել կանայք, որոնք կարողանում են աջակցել, ի սրտե ուրախանալ ու կանացի լինել: Եթե կինը կարողանա նրան մի լավ թափ տալ ու միաժամանակ կանացի մնալ, դա կլինի լրիվ այն, ինչ պետք է Ցուլին:

Երկվորյակ

Այս տղամարդկանց դուր են գալիս շատ խելացի ու կրեատիվ կանայք, որոնք նաև լավ հումորի զգացում ունեն: Կինը պետք է մշտապես հետաքրքրություն առաջացնի նրա մոտ ու շարունակի անդադար զարմացնել. այդ դեպքում նա դիմադրել չի կարողանա:

Խեցգետին

Խեցգետիններին ավելի շատ դուր են գալիս անմեղության աուրայով ու իրենց անմնացորդ նվիրված կանայք: Նա պետք է զգա, որ օգնում ու պաշտպանում է կնոջը, և միայն այդ դեպքում կկապվի նրա հետ:

Առյուծ

Առյուծներին դուր են գալիս ոչ ստանդարտ ու իրենց վրա վստահ կանայք՝ անթերի դիմահարդարմամբ, իդեալական արտաքինով: Սակայն դրա հետ մեկտեղ կինը պետք է նաև խելացի, ուրախ ու հաջողակ լինի:

Կույս

Կույսերին պարզապես հասարակ աղջիկ է պետք՝ գեղեցիկ, մի քիչ չգնահատված ու շատ խելացի: Նա պետք է զգացմունքային, խելացի ու Կույսերի տարօրինակությունների հանդեպ տոլերանտ լինի: Նա չպետք է շատ էմոցիոնալ ու կպչուն լինի սիրո մեջ, քանի որ տղամարդ Կույսերը դա չեն սիրում:

Կշեռք

Տղամարդ Կշեռքները հավատում են իդեալական հարաբերություններին, այդ իսկ պատճառով իդեալական զուգընկեր են փնտրում: Եվ երբ գտնում են, աշխատում են անել ամենը, որ հարաբերությունները հաջող դասավորվեն: Միայն թե նման իդեալ գտնելն է բավականին դժվար՝ գեղեցիկ, ուրախ, ինքնավստահ, նվիրված ու գեղեցիկ կին, որի հետ նա հուզական ու ֆիզիկական կապվածություն կզգա:

Կարիճ

Այս տղամարդիկ ուզում են լավագույնը լինել ու ամենալավն ունենալ: Այդ իսկ պատճառով նրանք էլ իրենց իդեալն են փնտրում՝ խելացի, սեքսուալ, կրքոտ, արկածախնդիր, սպորտային ու անկախ կնոջ:

Աղեղնավոր

Աղեղնավորներին ակտիվ ու հետաքրքիր կին է պետք, որը կաջակցի նրանց իրենց արկածախնդրությունների ու ավանտյուրաների ժամանակ:

Այծեղջյուր

Այս տղամարդկանց համար բարդ է սիրահարվելն ու բաժանվելը, հատկապես, եթե կինը ինքնավստահ է, բայց կպչուն չէ, սեքսուալ է, բայց  վուլգար չէ, ունի իր կյանքը, կարիերան, հոբին ու հետաքրքրությունները:

Ջրհոս

Այս տղամարդուն պետք է կին, որը թքած կունենա ուրիշների կարծիքի վրա, կապրի այնպես, ինչպես ինքն է ուզում: Հենց դա է գրավում Ջրհոսին:

Ձկներ

Ձուկ տղամարդկանց նուրբ, քնքուշ, նվիրված ու հոգատար կին է պետք՝ սեր սփռող կին-մոր իսկական մարմնավորում: Ձկները հաճախ արվեստով են զբաղվում, այնպես որ նրանց կանայք էլ պետք է սիրեն արվեստն ու գրականությունը:

Բաժին: Աստղակերպ | Դիտումներ: 5615 | Ավելացրեց: Moder-003 | Պիտակներ: աստղակերպ | Վարկանիշ: 5.0/8