Հունվարի 20-ի լուսնային-արևային աստղագուշակը
| |
| Բաժին: Լուսնային | Դիտումներ: 1069 | 21:00 | |
Հունվարի 20-ը կիսում են լուսնային 15-րդ ու 16-րդ օրերը: Լուսինը Խեցգետնի նշանի տակ է: Լուսնային 15-րդ օրը, որը ձգվում է մինչև 15:49-ը, մարմնական գայթակղությունների օր է, այնպես որ՝ չափավորություն զարգացրեք ձեր մեջ: Օգտակար կլինի արդարությունը պաշտպանելը: Խորհուրդ է տրվում համեստ լինել ու պայքարել ծուլության դեմ: Խուսափեք վիճելուց, նվերներ ընդունելուց, ընտանեկան խնդիրները լուծելուց: Նախապատվությունը տվեք ճապոնական խոհանոցին, շատ հատիկավորներ օգտագործեք: Լուսնային 16-րդ օրը, որը սկսվում է 15:49-ից, ամենամաքուր օրերից մեկն է, երբ չարությունը, ագրեսիվությունն ու նախանձը դեպի անկում կտանեն: Սա ինքնամաքրման, ապագայի գործերի համար նախագծեր մշակելու օր է: Բարենպաստ է մաքրությամբ և այլ օգտակար գործերով զբաղվելը, հաշվետվությունները կազմելը, մարդկանց հետ շփվելը, ֆիզիկական վարժություններ անելն ու ինքնակատարելագործմամբ զբաղվելը: Հանգստություն ու չափավորություն պահպանեք: Խուսափեք չարություն, ագրեսիա ու նախանձ դրսևորելուց: Այսօր արևային 6-րդ օրն է: Արեգակը Այծեղջյուրի նշանի տակ է, իսկ 11:59-ից՝ Ջրհոսի: Սա ներքին հավատը գիտակցելու, կոմպլեքսների դեմ տարած հաղթանակի, կերպափոխության, բարեկամական կապեր հաստատելու օր է: Խորհուրդ է տրվում հետևել առողջությանը, զբաղվել երեխաներով: Խուսափեք վիրահատություններից: Հնարավորինս շատ հեղուկ օգտագործեք: |
|
