Հունվարի 19-ի լուսնային-արևային աստղագուշակը
| |
| Բաժին: Լուսնային | Դիտումներ: 1188 | 21:00 | |
Հունվարի 19-ը կիսում են լուսնային 14-րդ ու 15-րդ օրերը: Լուսինը Երկվորյակի նշանի տակ է, իսկ 06:43-ից՝ Խեցգետնի: Լուսնային 14-րդ օրը, որը ձգվում է մինչև 14:45-ը, կարևոր օր է: Այն ֆիզիկական աշխարհում իրական գործողությունների, ինքնակատարելագործման նոր փուլ մտնելու օր է: Բարենպաստ է ճամփորդելը, կոմերցիայով, ինչպես նաև կարևոր գլոբալ գործերով զբաղվելը, աշխատանքը փոխելը, սովորելն ու կարդալը, ֆիզիկական աշխատանք կատարելը: Խորհուրդ չի տրվում ծանրաբեռնել տեսողությունը: Օրվա հիվանդությունները արագ ու հեշտ կանցնեն: Խորհուրդ է տրվում մաքրել օրգանիզմը թույներից: Հոգեկանն այսօր ծանրաբեռնված կլինի, հնարավոր են տրամադրության տատանումներ: Լուսնային 15-րդ օրը, որը սկսվում է 14:45-ից, մարմնական գայթակղությունների օր է, այնպես որ՝ չափավորություն զարգացրեք ձեր մեջ: Օգտակար կլինի արդարությունը պաշտպանելը: Խորհուրդ է տրվում համեստ լինել ու պայքարել ծուլության դեմ: Խուսափեք վիճելուց, նվերներ ընդունելուց, ընտանեկան խնդիրները լուծելուց: Նախապատվությունը տվեք ճապոնական խոհանոցին, շատ հատիկավորներ օգտագործեք: Այսօր արևային 5-րդ օրն է: Արեգակը Այծեղջյուրի նշանի տակ է: Խորհուրդ է տրվում շատ աշխատել: Սա կարևոր փաստաթղթեր ստորագրելու օր է: Խուսափեք սեռական կապերից: Լավ նշան են կոնկրետ, իրական երազները: |
|
