Հունվարի 15-ի լուսնային-արևային աստղագուշակը
| |
| Բաժին: Լուսնային | Դիտումներ: 1520 | 21:00 | |
Հունվարի 15-ը կիսում են լուսնային 10-րդ ու 11-րդ օրերը: Լուսինը Ցուլի նշանի տակ է: Լուսնային 10-րդ օրը, որը ձգվում է մինչև 12:32-ը, հոգևոր ինքնուրույնության, բայց ոչ միայնության օր է: Բարենպաստ է լինել ընտանիքում, հանգստանալ, հյուր կանչել հարազատներին, առևտուր ու գնումներ անել, մեծ գործ սկսել: Հեշտ կընթանան տուն կառուցելու ու վերանորոգման գործերը: Անբարենպաստ է հարաբերությունները խզելը, խոսքը հատկապես գործնական հարաբերությունների մասին է: Խորհուրդ չի տրվում նաև ճամփորդել: Խուսափեք դիետաներից: Այսօր բոլոր հիվանդներն իրենց ավելի թեթև կզգան: Լուսնային 11-րդ օրը, որը սկսվում է 12:32-ից, անկառավարելի հզորության օր է: Նորեկներին խորհուրդ չի տրվում ինչ-որ բան նախաձեռնել կամ փորձարկել: Կարող եք զբաղվել ձեր առողջությամբ, զբոսնել, մարմնամարզություն անել: Այսօր ցանկացած գործ անելիս պետք է առավելագույնս զգույշ լինել: Բարենպաստ է սկսած գործերն ավարտին հասցնելը, ճամփորդելն ու տեղափոխվելը: Անբարենպաստ է մեծ գործեր սկսելը, առևտուր անելը, վտանգավոր աշխատանք կատարելը: Այսօր արևային 1-ին օրն է: Արեգակը Այծեղջյուրի նշանի տակ է: Օրը կապված է ստեղծագործելու, ուրախության, անձնական առաքելության գիտակցման հետ: Խորհուրդ է տրվում ամսվա պլան մշակել: Ցանկացած ստեղծագործ նախաձեռնություն հաջող կլինի: Խուսափեք տխրելուց, ձանձրույթին տրվելուց ու շտապելուց: Կարկանդակներ թխեք ու հյուր կանչեք: Կարող եք գինի խմել: Լավ նշան է երազում տոն, լույս ու կրակ տեսնելը: |
|
