Հունիսի 2-ի լուսնային-արևային աստղագուշակը
| |
| Բաժին: Լուսնային | Դիտումներ: 1075 | 21:00 | |
Հունիսի 2-ը կիսում են լուսնային 28-րդ ու 29-րդ օրերը: Լուսինը Ցուլի նշանի տակ է, իսկ 15:47-ից՝ Երկվորյակի: Լուսնային 28-րդ օրը, որը ձգվում է մինչև 04:56-ը, բարձրագույն ճշմարտություններին հասնելու, հոգևոր գիտակցություն ձեռք բերելու, նվերների ու բացահայտումների, երկրային գործերի օր է: Բարենպաստ է զբաղվել խոշոր գործերով, իրեր գնել, օգտակար բույսեր տնկել ու բարի մտքեր տարածել: Այսօր պետք է փորձեք բարձր տրամադրության մեջ լինել, դիտել ձեր ներսը, վերահսկել հույզերը: Անբարենպաստ է ծառեր կտրելը, ծաղիկներ քաղելն ու նվիրելը: Հետևեք զարկերակային ճնշմանը, քիչ կարդացեք ու մի նայեք վառ լույսին: Լուսնային 29-րդ օրը, որը սկսվում է 04:56-ից, ամենավտանգավոր օրերից մեկն է: Այսօր ցանկացած երազ ու կանխագուշակություն սուտ կլինի: Անկումների ու աղետների օր է: Արժե վերջ տալ ձևական կապերին, մի կողմ վանել կպչուն մարդկանց ու կպչուն մտքերը: Բարենպաստ է պատասխանատու լինելը, ձանձրույթի ու տագնապի դեմ պայքարելը, զուսպ, չափավոր ու հնազանդ լինելը, տան ու տնտեսության հարցերով զբաղվելը: Անբարենպաստ է նոր գործեր սկսելը, եղջյուրից իրեր, զարդեր կրելը: Քնելուց առաջ օրգանիզմը մաքրեք ջրով, կարող եք ոտքերը շատ սառը ջրի մեջ պահել: Այսօր արևային 14-րդ օրն է: Արեգակը Երկվորյակի նշանի տակ է: Սա հանգիստ ու ներդաշնակ օր է: Խորհուրդ է տրվում նյութական պլաններ կառուցել, հաշտվել, ամուսնանալ, նվերներ ու բարեգործություն անել: Խորհուրդ չի տրվում վիճել, կաշվից ու մորթուց հագուստ կրել: Ներդաշնակ կլինեն մեղմ երանգները: Նախապատվությունը տվեք կաթնամթերքին: Երազները աղոտ կլինեն ու կշիռ չեն ունենա: |
|
