ՕՐՎԱ ԹԵԺ ՆՅՈՒԹԵՐԸ

Չինական հորոսկոպի համատեղելի նշանները
Բաժին: Արևելյան | Դիտումներ: 6417 | 12:00 Ավելացրեց: Moder-003

Չինական հորոսկոպի համաձայն՝ գոյություն ունեն 3 նշաններից բաղկացած չորս խմբեր, որոնք իրենք իրենց ներսում ամենահամատեղելին են սիրո, ամուսնության ու բիզնեսի մեջ:

Առաջին եռյակն է՝ Առնետ, Վիշապ և Կապիկ: Այս նշանների տակ ծնված մարդիկ ուժեղ են ու կրքոտ, կարող են ճնշել նրանց, ովքեր իրենց նման հզոր էներգետիկա չունեն: Այս նշանների տակ ծնված մարդկանց միջև փոխհարաբերությունները կարող են կրքոտ ու ինտենսիվ լինել, բայց դա հենց այն է, ինչ նրանց պետք է:

Երկրորդ եռյակն է՝ Ցուլ, Օձ ու Աքաղաղ: Այս նշանների ներկայացուցիչները, որպես կանոն, համբերատար են ու հանգիստ, նրանց հարաբերություններն առանձնանում են կայունությամբ: Հարաբերությունների մեջ նրանք հավատարիմ են ու հուսալի: Նրանք գնահատում են նույնատիպ հատկանիշներ ունեցող ու իրենց արժեքները կիսող մարդկանց:

Երրորդ եռյակն է՝ Վագր, Ձի և Շուն: Այս նշանների ներկայացուցիչները էներգիայով լի են ու անկախ: Մյուս կողմից՝ նրանք իրենց երկրորդ կեսին գտնելու ուժեղ պահանջմունք ունեն: Նրանցից յուրաքանչյուրի համար այս եռյակի նշանների հետ հարաբերությունները ներդաշնակ կլինեն:

Չորրորդ եռյակն է՝ Կատու, Այծ և Խոզ: Այս նշաններին պատկանող մարդիկ մեղմ մոտեցման կողմնակիցներ են ու տանել չեն կարողանում կոպիտ վերաբերմունքը: Նրանք հեշտությամբ կարող են տուժել նրանցից, ովքեր ավելի կոպիտ էություն ունեն, այնպես որ՝ այս նշանները պետք է առավել ուշադիր լինեն կողակցի ընտրության հարցում:

Բաժին: Արևելյան | Դիտումներ: 6417 | Ավելացրեց: Moder-003 | Վարկանիշ: 5.0/11