Փետրվարի 6-ին աշխարհում նշվում է Բջջային հեռախոսից հրաժարվելու համաշխարհային օրը (World Day without Smartphone)
- Բջջային հեռախոսներից կամավոր հրաժարվելու գաղափարը պատկանում է ֆրանսիացի գրող, առաջին SMS-վեպի հեղինակ Ֆիլ Մարսոյին։ Այդ օրը, ըստ գրողի, պետք է դուրս գալ փողոց՝ թողնելով բջջային հեռախոսը տանը և ապրի այնպես, կարծես նման սարք ընդհանրապես գոյություն չունի:
- Մարսոյի կարծիքով ՝ մարդիկ պետք է մտածեն, թե ինչպես են ժամանակակից տեխնոլոգիաները փոխել իրենց սովորությունները։ Դա կօգնի պայքարել ադիկոֆոնիայի դեմ: Այս տերմինը նույնպես ստեղծել է Ֆիլ Մարսոն, և դա նշանակում է ցավոտ կախվածություն բջջային հեռախոսներից և սմարթֆոններից, երբ մարդը վախենում է աշխարհից կտրված լինելուց, ինչը հղի է նյարդային խանգարումներով: Մտածեք այս մասին:
- Տեղեկացրեք ձեր ծանոթներին Բջջային հեռախոսից հրաժարվելու համաշխարհային օրվա բացիկով՝ դրանով միգուցե նրան ազատեք սթրեսային վիճակից (հղումը՝ ամենաներքևում)։
Բոլոր տոների մասին տեղեկացեք՝ անցնելով հետևյալ հղումով
Բջջային հեռախոսն այսօր մեր կյանքից դուրս է մղել.
Լավ հիշողությունը
- Կարևոր ամսաթվերի, հանդիպումների և զանգերի մասին հիշեցումներ, գրառումներ կատարելու, ցուցակներ գրելու ունակությունը. այս ամենը կարելի է անել բջջային հավելվածների միջոցով:
Ժամացույցները
- Այժմ ժամացույցները պետք են միայն նրանց, ովքեր սիրում են պարծենալ իրենց բարեկեցությամբ: Մյուսները ժամանակն իմանում են բջջային հեռախոսի և ևս հարյուր սարքերի միջոցով ՝ ժամաչափով:
Ճշտապահությունը
- Ինչո՞ւ ժամանակին գալ հանդիպման, երբ միշտ կարելի է հաղորդագրություն ուղարկել, որ ուշանում եք:
Թուղթ ու մատիտով խաղերը
- Ծովամարտը, թիքթաքը (x-o-ն), կախաղանը և դպրոցական ձանձրալի դասաժամերի այլ զվարճախաղերը նույնպես տեղափոխվել են հեռախոս:
Աշխարհագրական գիտելիքները
- Ամենուր՝ մեքենաներից մինչև սմարթֆոններում տարածված GPS համակարգը թույլ է տալիս իմանալ A-ից B ճանապարհը, աշխարհագրության իմացությունն այժմ արժեքավոր հմտություն չէ:։
|
