Ամանի մեջ կոտրել 3-4 հատ ձու, լավ հարել, ավելացնել մեկ ճաշի գդալ հալած յուղ, նույնքան ձեթ, 10 ճաշի գդալ ալյուր, աղ, լավ խառնել և աստիճանաբար ավելացնել 0.5 լիտր գոլ կաթ և խառնել, որպեսզի կոշտուկները վերանան. կարելի է նաև մաղով քամել:
ՊԱՏՐԱՍՏՄԱՆ ԵՂԱՆԱԿԸ
- Լավ տաքացրած թավայի հատակին ձեթ քսել (միայն մեկ անգամ) և համապատասխան շերեփով խմորը լցնել մեջը ու ձեռքի արագ շարժումով թափահարել այնպես, որպեսզի խմորը հավասարապես տարածվի, ապա 1-2 րոպե կրակի վրա պահելուց հետո բլիթը շուռ տալ, բայց չթողնել շատ կարմրի:
- Բլիթները պետք է լինեն շատ բարակ ու նուրբ: Բոլոր բլիթները թխելուց հետո յուրաքանչյուրի մեջ լցնել մսով լցոն, փաթաթել այնպես, որ միսը լրիվ փակված լինի: Յուղով տապակել և մատուցել տաք վիճակում:
ԼՑՈՆ
- 1 կգ տավարի միսը խաշելուց հետո աղալ, յուղով տապակել, ավելացնել 0,5 թեյի բաժակ խաշած բրինձ, 2-3 խաշած ու կտրտած ձու և համեմունքներ:
- Բարակաբլիթ կարելի է պատրաստել նաև կարտոֆիլով, միայն բրինձով, տապակած կաղամբով, նաև միայն մսով:
ԽՈՐՀՈՒՐԴ՝ Բլիթները պետք է լինեն շատ բարակ ու նուրբ:
Բաղադրատոմսը՝ Ամալյա Բաղդասարյանի
|
