Բնավորության մի շարք առանձնահատկությունների մասին կարելի է պատկերացում կազմել այտոսկրերի կառուցվածքից ու այտերի ձևից:
Արտահայտված այտոսկրեր
- Ուշադրություն եք գրավում
- Շրջապատի խանդն ու նախանձն եք առաջացնում
![http://asoas.ucoz.ru/physiognomy/ppic/cheekcheekbones1.png](http://asoas.ucoz.ru/physiognomy/ppic/cheekcheekbones1.png)
Ինչ-որ մի տեղ մուտք գործելիս անմիջապես ուրիշների ուշադրությունն եք հրավիրում ձեզ վրա: Ձեզ որպես ուժեղ առաջնորդ են ընկալում նույնիսկ եթե ինքներդ ձեզ այդպիսին չեք կարծում: Ձեր խնդիրը կարող է լինել այն, որ շատերին նախանձի առիթ կարող եք տալ: Հիշեք. եթե հանդիպում եք առանց որևէ պատճառի առաջ եկած դիմադրության, արժե մի կողմ քաշվել ու թողնել ուրիշներին ցույց տալու իրենց արժանիքները:
Նեղ այտոսկրեր (բարձր ու իրար մոտ տեղադրված)
- Հզոր էներգիա
- Չեն սիրում դանդաղկոտ մարդկանց հետ աշխատել
![http://asoas.ucoz.ru/physiognomy/ppic/cheekcheekbones3.png](http://asoas.ucoz.ru/physiognomy/ppic/cheekcheekbones3.png)
Շատ էներգիա եք ծախսում ու հաճախ այն վերականգնելու համար հանգստի կարիք եք զգում: Դուք նման եք կարճ տարածության վրա վազորդի, ավելի լավ ձեզ դրսևորում եք այն աշխատանքի մեջ, որտեղ հստակ կարճ ժամկետներ են դրված ու արագ գործողություններ են անհրաժեշտ: Տանել չեք կարողանում դանդաղկոտ մարդկանց ու ձանձրալի, միապաղաղ աշխատանքը: Ձեզ աշխատանքն ավելի լավ է տրվում, եթե ամեն երկու-երեք ժամը մեկ մի քանի րոպեով ընդմիջում անելու հնարավորություն է տրված:
Լայն այտոսկրեր (իրարից հեռու տեղադրված)
- Տոկունություն
- Ուժեղ բնավորություն
![http://asoas.ucoz.ru/physiognomy/ppic/cheekcheekbones4.png](http://asoas.ucoz.ru/physiognomy/ppic/cheekcheekbones4.png)
Կարող եք մեծ տարածություններ հաղթահարել, քանի որ ակտիվության մեծ պաշար ունեք ու բավականին տոկուն եք: Ստանձնած բոլոր գործերն ավարտին եք հասցնում, չեք վախենում դժվարություններից, ուժեղ բնավորություն ունեք ու տրամադրված եք հաղթանակի:
Այտեր
Կլոր այտեր
- Հենվում են լայն աջակցության վրա
- Հիանալի կազմակերպիչներ են
![http://asoas.ucoz.ru/physiognomy/ppic/cheekcheekbones2.png](http://asoas.ucoz.ru/physiognomy/ppic/cheekcheekbones2.png)
Այտերի ու այտոսկրերի նման ձևը խոսում է համբերատարության ու մարդկանց լավ հասկանալու մասին: Շրջապատն ուրախությամբ է օգնում ձեզ: Ինքներդ էլ հեշտությամբ եք համախմբում համախոհներին, մարդկանց մեջ ձեզ հետևելու հետաքրքրություն եք առաջ բերում: Հիանալի կազմակերպիչ եք ու կարողանում եք կոնսենսուսի հասնել:
Կախված այտեր
- Կենսական ակտիվության պակաս
![http://asoas.ucoz.ru/physiognomy/ppic/cheekcheekbones5.png](http://asoas.ucoz.ru/physiognomy/ppic/cheekcheekbones5.png)
Կախված այտերը խոսում են թույլ խառնվածքի ու հնարավոր է նաև ֆիզիկական թուլության մասին: Ավելի շատ կենտրոնացած եք ձեր ներաշխարհի վրա, առաջնորդվում եք ներքին ձայնով և ոչ թե տրամաբանությամբ:
Բուժարարի այտեր (ավելի լայն աչքերի շրջանում)
![http://asoas.ucoz.ru/physiognomy/ppic/cheekcheekbones6.png](http://asoas.ucoz.ru/physiognomy/ppic/cheekcheekbones6.png)
Դուք բուժիչ ու ներշնչող էներգիայով եք շրջապատված: Հիանալի եք բժշկի, բուժքրոջ, ուսուցչի կամ ծնողի դերում: Դուք մարդկանց ներշնչելու, նրանց ակտիվացնելու հիանալի հատկությամբ եք օժտված:
|