Աստղագուշակ․ օգոստոսի 26
| |
| Բաժին: Այսօրվա | Դիտումներ: 2512 | 17:00 | |
ԽՈՅ (Aries, 21.III–20.IV) Հազիվ թե կարողանաք մեկ կոնկրետ բանի վրա կենտրոնանալ, բայց դա չի խանգարի հաջողության հասնելուն: Դուք հեշտությամբ մի գործից մյուսին կանցնեք՝ ոչ մի բան չմոռանալով ու չխառնելով: Ձեր ու ձեր մտերիմների համար կարևոր ֆինանսական, ունեցվածքի հետ կապված հարցերը լուծելու հնարավորություն կունենաք: Դուք հաճույքով կօգնեք շրջապատողներին, նրանք էլ նույնկերպ կպատասխանեն: Օրվա երկրորդ կեսը հարմար չէ միայնակ կարևոր որոշումներ ընդունելու համար: Օգտակար կլինի այն մարդկանց հետ խորհրդակցելը, որոնց վստահում եք: Չի բացառվում՝ արժեքավոր տեղեկատվությամբ կիսվեն մարդիկ, որոնցից նման բան չէիք սպասում: ԲԻԶՆԵՍԸ՝ 5, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ՑՈՒԼ (Taurus, 21.IV–21.V) Այսօր կենտրոնանալը սովորականից բարդ է լինելու: Կուզենաք հետաձգել ծրագրած գործերը ու զբաղվել ինչ-որ հաճելի բանով: Միայն պարտքի զգացումը ձեզ հետ կպահի նման քայլից: Օրվա առաջին կեսը ցավալի թյուրիմացություններ կբերի, որոնց պատճառով տրամադրությունը ժամանակավորապես կփչանա: Բարեբախտաբար, ավելի ուշ ուրախության առիթներ կունենաք, իսկ որոշ Ցուլերի հյուր կգա ոգեշնչվածությունը: Հավանական են անսովոր հանդիպումներ: Դրանք ոչ միայն կբարձրացնեն ձեր տրամադրությունը, այլև երկար ժամանակ կհիշվեն, հետաքրքիր մտքեր կտան: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԵՐԿՎՈՐՅԱԿՆԵՐ (Gemini, 22.V–21.VI) Օրը հարմար է աշխատանքի և ուսման, ինչպես նաև լուրջ գործերի համար: Դուք հեշտությամբ կկենտրոնանաք, ի մի կբերեք մտքերն ու ճիշտ որոշում կընդունեք, նույնիսկ եթե իրավիճակը ոչ միանշանակ լինի: Հավանական են հաճելի հանդիպումներ, արդյունավետ կլինի ձեզ համար կարևոր հարցերի քննարկումը: Առավոտը լավ գաղափարներ կբերի, որոնց իրագործմանը կարող եք միանգամից անցնել: Օրվա երկրորդ կեսը առաջինից լարված կլինի, անսպասելի իրադարձություններ կբերի ու կստիպի փոխել ծրագրերը: Բայց այդ հատվածում էլ կգերակշռի դրական միտումների ազդեցությունը: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԽԵՑԳԵՏԻՆ (Cancer, 22.VI–22.VII) Օրն սկսեք օգտակար գործերից: Անհրաժեշտ արդյունքների հասնելու համար պիտի ջանքեր գործադրեք, բայց հաջողությունները ձեզ կոգեշնչեն, էներգիա կհաղորդեն, որն անհրաժեշտ կլինի առաջ շարժվելու համար: Ընկերները կաջակցեն ձեր գաղափարները, ինչի շնորհիվ էլ կկարողանաք հրաշալի արդյունքների հասնել: Օրվա երկրորդ կեսը անօգուտ, բայց ուրախ կանցնի: Անսպասելի պատահարների պատճառով ստիպված եք լինելու արագ փոխել ծրագրերը, բայց նորերը հներից լավը կլինեն: Հնարավոր են աննշան ֆինանսական կորուստներ, գնումների հարցում շտապել չարժե: ԲԻԶՆԵՍԸ՝ 5, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4։ ԱՌՅՈՒԾ (Leo, 23.VII–23.VIII) Բարենպաստ, արդյունավետ օր է: Հաջող կլուծվեն նախկինում հանգիստ չտվող հարցերը: Դուք հնարամիտ կլինեք, և դա կօգնի հաղթել մրցակիցներին, զինաթափ անել թշնամիներին: Հեշտությամբ լավ տպավորություն կթողնեք շրջապատողների վրա. ձեզ կհաջողվի դուր գալ նույնիսկ շատ պահանջկոտ մարդկանց: Հավանական են դրամական մուտքեր, այդ թվում՝ անսպասելի աղբյուրներից: Օրը հարմար է գնումների համար. դուք անսխալ կընտրեք իրեր, որոնք երկար ժամանակ կուրախացնեն և՛ ձեզ, և՛ ձեր մտերիմներին: Չեն բացառվում սիրային անակնկալները: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿՈՒՅՍ (Virgo, 24.VIII–23.IX) Աշխատանքի համար ամենաբարենպաստ օրը չէ: Հաճախ թյուրիմացություններ կառաջանան, որոնք կխանգարեն կենտրոնանալ գործերի վրա, երբեմն անհաջող որոշումներ կընդունեք ու չեք ուզենա հրաժարվել դրանցից, այլ տարբերակներ դիտարկել: Խորհուրդները միայն կշեղեն, նույնիսկ եթե շրջապատողները դրանք ի սրտե տան: Անձնական հարաբերություններում կգերակշռեն դրական միտումները: Դուք լավ լեզու կգտնեք ամենատարբեր մարդկանց հետ, բոլորին արագ մոտեցում կգտնեք: Չի բացառվում ընկերական հարաբերությունների կամ սիրային պատմության սկիզբը: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԿՇԵՌՔ (Libra, 24.IX–23.X) Զգույշ եղեք: Ցանկացած գործ այսօր լուրջ մոտեցում, կենտրոնացվածություն ու մանրուքներին ուշադրություն կպահանջի: Հավանական են տարաձայնություններ հին համախոհների, վեճեր՝ ընկերների հետ: Կարևոր կլինի ինքնատիրապետումը պահպանելը: Հենց դուք կգտնեք այն լուծումը, որը բոլորին կգոհացնի և կհարթեք բոլոր սուր անկյունները: Մոտ ապագային վերաբերող անսովոր գաղափարներ կունենաք: Շուտով դուք ոգևորությամբ կստանձնեք ձեր ծրագրերի իրագործումը: Կարևոր կլինի չշտապելը. սպասեք իրադարձությունների բարենպաստ ընթացքին, և այդժամ անհրաժեշտ արդյունքին հասնելն էլ կհեշտանա: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5: ԿԱՐԻՃ (Scorpius, 24.X–22.XI) Հարմար օր է նոր գործերի համար: Հատկապես լավ կտրվի այն, ինչ հնարամտություն է պահանջում: Հաճախ ձեր գաղափարները այնքան հաջող կլինեն, որ շրջապատողներն իրենք օգնություն կառաջարկեն՝ կյանքի կոչելու մտածածը: Սուր կլինի գործնական հոտառությունը: Հաջողությունը ձեզ կուղեկցի կոմերցիոն գործունեության մեջ: Բիզնեսի հետ կապված հրաշալի գաղափարներ կունենաք: Նշանի որոշ ներկայացուցիչներ եկամուտները մեծացնելու ինքնատիպ եղանակ կգտնեն: Հաջողակ կլինեք սիրո մեջ, բայց եթե միայն չվախենաք նախաձեռնող լինելուց ու ճակատագրին ընդառաջ առաջին քայլն անելուց: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՂԵՂՆԱՎՈՐ (Sagittarius, 23.XI–21.XII) Ոչ միանշանակ օր է: Այն բավական լարված ու անհանգիստ կլինի: Նշանի բոլոր ներկայացուցիչներին չի հաջողվի զբաղվել նրանով, ինչով կուզենային. լրիվ այլ գործեր ուշադրություն կպահանջեն: Չի բացառվում՝ ստիպված լինեք մեծ ժամանակ ծախսել ուրիշների սխալներն ուղղելու և կարգուկանոն հաստատելու վրա: Բայց նկատելի կլինեն նաև դրական միտումները: Դրանք հատկապես ուժեղ կլինեն անձնական հարաբերությունների ոլորտում: Մտերիմների հետ շփումները կուրախացնեն, լավ կանցնեն և՛ ընկերական հանդիպումները, և՛ սիրային ժամադրությունները: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՅԾԵՂՋՅՈՒՐ (Capricornus, 22.XII-20.I) Դուք հրաշալի լեզու կգտնեք մտերիմների հետ, նրանց հետ ինչի մասին ասես կկարողանաք պայմանավորվել: Նույնիսկ եթե փոքրիկ տարաձայնություններ առաջանան, լուրջ կոնֆլիկտից կկարողանաք խուսափել: Դուք կգտնեք սուր անկյունները հարթելու և վիճողների հաշտեցնելու ձևը: Գործերում հնարավոր են ձգձգումներ, բայց դուք դրանք սրտին մոտ չեք ընդունի. հասկանալի կլինի, որ շուտով ամեն ինչից գլուխ կհանեք: Հարմար օր է հին գաղափարներին վերադառնալու համար. հիմա դուք կհասկանաք, թե ինչպես կարելի է դրանք իրագործել: Չեն բացառվում հանդիպումները հին ծանոթների հետ, որոնց մասին վերջերս շատ էիք մտածում: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՋՐՀՈՍ (Aquarius, 21.I–19.II) Հարմար օր է հերթական անգամ այն խնդիրների շուրջ մտածելու համար, որոնք երկար ժամանակ հանգիստ չեն տալիս: Այսօր դուք շատ բաների նորովի կնայեք, իսկ դա կօգնի որոշում ընդունել: Պետք կգան ձեր դիվանագիտական տաղանդները: Դրանց շնորհիվ դուք կկարողանաք հաշտեցնել վիճողներին, օգնել մտերիմներին լեզու գտնել իրար հետ: Լավ կանցնեն սիրային ժամադրությունները: Դուք կգտնեք ձեզ համար թանկ մարդկանց ուրախացնելու և հաճելիորեն զարմացնելու ձևը: Հեշտությամբ բարենպաստ տպավորություն կթողնեք նոր ծանոթների վրա. ձեր լավագույն հատկանիշները աչքի կզարնեն: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՁԿՆԵՐ (Pisces, 20.II–20.III) Ամեն ինչ կստացվի: Ոչ մի րոպե մի մոռացեք հիշեցնել սա ձեզ, և այդժամ օրն էլ վատ չի դասավորվի, դուք կհասնեք ավելիին, քան ակնկալում էիք: Չի բացառվում՝ օգնեն հին ծանոթները, ընկերները, որոնք նախկինում էլ բազմիցս աջակցել են ձեզ: Տարաձայնությունների առիթներ չեն լինի: Հարմար օր է ուսում սկսելու համար: Դուք արագ կմտապահեք այն, ինչ կարող է պետք գալ, ոչինչ աչքաթող չեք անի, ճիշտ եզրակացություններ կանեք: Կգտնվեն մարդիկ, որոնք կուզենան ձեզ հետ կիսվել իրենց փորձով կամ պարզապես ինչ-որ հետաքրքիր բան պատմել: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: |
|
