Hushak.com

ԽՈՅ (Aries, 21.III–20.IV)

Գործեր շատ կլինեն ու հազվադեպ կկարողանաք կենտրոնանալ մեկ կոնկրետ բանի վրա, ստիպված եք լինելու միաժամանակ մի քանի հարցի լուծմամբ զբաղվել: Դա է պատճառը, որ երբեմն չեք նկատի այն, թե ինչ է տեղի ունենում ձեր շուրջը, ժամանակին չեք կարողանա աջակցել նրանց, ովքեր դրա կարիքն ունեն: Կողքից ձեր վարքը կարող է եսասիրական թվալ, բոլորը գոհ չեն լինի ձեզանից:

Թեժ վեճերից ու կոնֆլիկտներից խուսափել ամեն դեպքում կհաջողվի. դուք հիմա պատրաստ կլինեք զիջումների գնալ ու հարթել սուր անկյունները: Օրվա երկրորդ կեսի համար լավ է ոչ մի բարդ ու հոգնեցնող բան չծրագրեք, քանի որ այդ հատվածում հանգստի կարիք կունենաք:

ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 3։

ՑՈՒԼ (Taurus, 21.IV–21.V)

Բարենպաստ օր է կարևոր զրույցների համար: Նշանակություն չունի՝ դրանք աշխատանքին, թե ձեր անձնական կյանքին կվերաբերեն. բոլոր դեպքերում դուք տեղեկատվություն կստանաք, որը կօգնի կարևոր որոշում ընդունել: Կարող եք ստանալ հին ծանոթների աջակցությունը կամ նոր համախոհներ գտնել:

Օգտակար կլինի պայմանների փոփոխությունը, միապաղաղությունից շեղվելը: Այսօր լավ է ոչ մեծ ուղևորություն, հետաքրքիր վայրերով զբոսանք ծրագրեք. դուք միանգամից ձեզ ավելի լավ զգաք: Հնարավոր է՝ չհասցնեք գլուխ հանել բոլոր ծրագրված գործերից, բայց հոգ չէ. ավելի ուշ ամեն ինչ կստացվի:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԵՐԿՎՈՐՅԱԿՆԵՐ (Gemini, 22.V–21.VI)

Օրը հաջող կդասավորվի, եթե շատ չշտապեք ու չփորձեք հազար ու մի գործից միաժամանակ գլուխ հանել: Արժե, որ համբերությամբ զինվեն նրանք, ովքեր պետկազմակերպություների հետ պիտի գործ ունենան ու սպասեն փաստաթղթերի ձևակերպմանը. այստեղ ամեն ինչ կձգձգվի, հազիվ թե կարողանաք դրա վրա ինչ-որ կերպ ազդել:

Հաճախ օգնության կհասնի հումորի զգացումը. ցավալի պատահարները զվարճալի կթվան, անհաջող զուգադիպությունների վրա էլ կարող եք պարզապես ծիծաղել: Ձեզ հետ գործ ունենալը հեշտ ու հաճելի կլինի, ուստի զարմանալի չէ, որ շատերը կուզենան ձեզ հետ մոտիկից ծանոթանալ ու ընկերանալ:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԽԵՑԳԵՏԻՆ (Cancer, 22.VI–22.VII)

Օրը հոգսաշատ կլինի, բայց դա ձեզ դուր կգա: Կուրախացնի մտերիմների համար օգտակար մի բան անելու, բարդ իրավիճակում հայտնված մարդկանց օգնելու հնարավորությունը: Ձեզ մոտ շատ բան լավ կստացվի, հրաշալի գաղափարներ կունենաք, որոնք կկարողանաք անհապաղ իրագործել: Դուք ծրագրվածից ավելին կհասցնեք, և միայն հանգստի համար երբեմն ժամանակ չի մնա:

Հավանական են հաջող գնումներ, ընդհանուր առմամբ օրն էլ բարենպաստ կլինի ֆինանսների տեսանկյունից: Չեն բացառվում շահավետ գործարքները, առաջարկները, որոնք եկամուտների արագ աճ կխոստանան: Գումարին վերաբերող հարցերում կարող եք հույս դնել ինտուիցիայի վրա, որը հուսախաբ չի անի:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։

ԱՌՅՈՒԾ (Leo, 23.VII–23.VIII)

Օրը հրաշալի կլինի կարևոր հարցերը լուծելու համար: Այնպիսի խոչընդոտ չի առաջանա, որը չկարողանայիք հաղթահարել, այնպիսի խնդիրներ չեն լինի, որոնցից չկարողանայիք գլուխ հանել: Եթե ստիպված լինեք միաժամանակ մի քանի գործով զբաղվել, ոչինչ չեք խառնի ու չեք մոռանա, ստանձնած ամեն ինչում անհրաժեշտ արդյունքների կհասնեք:

Դուք հրաշալի լեզու կգտնեք նույնիսկ այն մարդկանց հետ, որոնց հետ նախկինում հաշտ չէիք. դա հաճախ կօգնի գործերում: Հատկապես կուրախացնեն մտերիմների հետ շփումները, քանի որ իրար կես խոսքից կհասկանաք:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5:

ԿՈՒՅՍ (Virgo, 24.VIII–23.IX)

Շրջապատողների հանդեպ ուշադիր եղեք: Չարժե ասել այն ամենը, ինչ կգա մտքին, երբեմն նույնիսկ ամենամեղմ քննադատություններից լավ է խուսափեք: Ամեն անգամ չի հաջողվի ճիշտ հասկանալ նույնիսկ մտերիմներին, երբեմն բարդ կլինի լավ հարաբերություններ պահպանել այն մարդկանց հետ, որոնց հետ առաջ շատ լավ լեզու էիք գտնում: Սակայն կարելի է խուսափել կոնֆլիկտներից, հարթել սուր անկյունները. ամեն ինչ ձեր ուժերի սահմաններում կլինի:

Օրը հրաշալի կլինի կարևոր ու բարդ հարցերի մասին մտածելու համար: Դուք կնկատեք այն, ինչին մյուսներն ուշադրություն չեն դարձրել, ձեր դիտումներից ճիշտ եզրակացություններ կանեք: Հեշտությամբ որոշակիություն կմտցնեք ապագայի աշխատանքային ծրագրերում:

ԲԻԶՆԵՍԸ՝ 5, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։

ԿՇԵՌՔ (Libra, 24.IX–23.X)

Այսօր չափազանց մեծ ուշադրություն կհատկացնեք մանրուքներին, երբեմն կվշտանաք մի բանի պատճառով, ինչին մեկ ուրիշ ժամանակ պարզապես ուշադրություն չէիք դարձնի: Շրջապատողները կփորձեն աջակցել ձեզ, օգնել ավելի դրական տրամադրվել, բայց նրանց դա ամեն անգամ չի հաջողվի:

Աստիճանաբար դրական միտումների ազդեցությունը կուժեղանա, օրվա երկրորդ կեսն էլ ուրախության առիթներ և ոգեշնչող իրադարձություններ կբերի: Հենց այդ հատվածն է հարմար կարևոր հանդիպումների, լուրջ զրույցների ու այնպիսի գործերի համար, որոնց բարեհաջող ավարտը հետաքրքրում է ոչ միայն ձեզ:

ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4:

ԿԱՐԻՃ (Scorpius, 24.X–22.XI)

Եթե ուզում եք արագ ու լավ գլուխ հանել կարևոր առաջադրանքից, ապա ինքնուրույն գործեք: Դա ավելի հեշտ կլինի, քան ինչ-որ մեկի հետ համագործակցության մասին պայմանավորվելը կամ օգնականներին բացատրելը, թե ինչ եք նրանցից ուզում: Միաժամանակ ապագայի մասին զրույցները, երկարաժամկետ ծրագրերի քննարկումները կառուցողական և օգտակար կլինեն: Երբ խոսքը անհապաղ, այդ պահին անհրաժեշտ գործողությունների մասին չլինի, տարաձայնություններ ու անհասկացողություն չի լինի:

Տանը ցավալի խնդիրներ կլինեն, որոնց լուծումը ձեզանից ոչ մեծ, չծրագրած ծախսեր կպահանջի:

ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4։

ԱՂԵՂՆԱՎՈՐ (Sagittarius, 23.XI–21.XII)

Շատ բան պիտի անեք, և դուք լրջորեն կանհանգստանաք՝ արդյոք հասցնելու եք անել այն ամենը, ինչ ծրագրել էիք: Կարևոր կլինի մանրուքներից չկառչելը, քանի որ հենց դրանք կխանգարեն առաջ շարժվել: Եթե կենտրոնանաք ձեր ամենակարևոր նպատակներին հասնելու վրա, ապա անպայման ամեն ինչ կստացվի:

Հնարավոր են անսպասելի իրադարձություններ, զարմանալի զուգադիպություններ: Դրանց պատճառով ստիպված եք լինելու փոխել ծրագրերը, և այստեղ ինչ-որ բան ձեռնարկելը բարդ կլինի: Բայց շատ անհանգստանալու կարիք էլ չկա, քանի որ ամեն ինչ ընդհանուր առմամբ լավ կդասավորվի, ինտուիցիան էլ կհուշի՝ ինչպես է լավ վարվել, ձեր իմպրովիզները հաջող կլինեն:

ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4։

ԱՅԾԵՂՋՅՈՒՐ (Capricornus, 22.XII-20.I)

Շրջապատողները սովորականից հաճախ կխառնվեն ձեր գործերին, ընդ որում՝ երբեմն նույնիսկ չեն էլ փորձի դա նրբանկատորեն անել: Կնյարդայնացնեն անտեղի խորհուրդները, քննադատությունները, նույնիսկ եթե դրանցում առողջ հատիկ լինի: Բոլորին չի հաջողվի վերահսկել հույզերը, ոչ ոքի հետ չվիճել ու հասնել նրան, ինչ պետք է հենց իրենց, այլ ոչ թե մեկ ուրիշին:

Կուզենաք ծրագրեր կառուցել ու մտորել ապագայի մասին: Սակայն հիմա մտածած ամեն ինչ չէ, որ իսկապես կհաջողվի իրագործել: Աշխատեք իրատես լինել. դա կօգնի խուսափել պատրանքներից ու զուր հույսերից:

ԲԻԶՆԵՍԸ՝ 3, ՍԵՐԸ՝ 3, ԱՌՈՂՋՈՒԹՅՈՒՆԸ՝ 3։

ՋՐՀՈՍ (Aquarius, 21.I–19.II)

Հրաշալի օր է աշխատանքի համար: Կարևոր չէ՝ ինքնուրույն եք գործում, թե միավորում եք ջանքերը նրանց հետ, ովքեր կիսում են ձեր հետաքրքրությունները: Բոլոր դեպքերում կարող եք հրաշալի արդյունքների հասնել, լուծել այն խնդիրները, որոնք նախկինում փակուղու առաջ են կանգնեցրել: Ե՛վ լավ ծանոթ գործերը, և՛ լրիվ նորերը հեշտությամբ կտրվեն:

Ստեղծագործ մոտեցումը թույլ կտա հաջողության հասնել այնտեղ, որտեղ նախկինում իրավիճակը համարյա անհույս էր թվում: Ձեր որոշումներն ու արարքները կզարմացնեն շատերին, հետաքրքրություն կառաջացնեն և ուշադրություն կգրավեն. դա ձեզ օգուտ կտա:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ՁԿՆԵՐ (Pisces, 20.II–20.III)

Օրն առանց փոքրիկ թյուրիմացությունների չի անցնի, բայց լուրջ խնդիրներ չի բերի: Աշխատանքային հարցերը քննարկելիս զգույշ է պետք լինել: Կարևոր կլինի մի կողմից ավելորդ բաներ չխոսելը, մյուս կողմից՝ զրուցակիցներին անհրաժեշտ ողջ տեղեկատվությունը տալը, հակառակ դեպքում՝ նրանք հազիվ թե կարողանան ձեզ ճիշտ հասկանալ:

Անձնական հարաբերություններում խնդիրներ չեն առաջանա: Օրը հրաշալի է մտերիմների հետ շփվելու, ընկերների հետ հանդիպելու, ընտանեկան միջոցառումների ու ռոմանտիկ ժամադրությունների համար: Լավ կանցնեն ուղևորությունները. նոր վայրերը ձեզ կոգեշնչեն, պայմանների փոփոխությունն էլ կբարձրացնի տրամադրությունը:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: