Աստղագուշակ․ նոյեմբերի 19
| |
| Բաժին: Այսօրվա | Դիտումներ: 2416 | 17:00 | |
ԽՈՅ (Aries, 21.III–20.IV) Հետաքրքիր է լինելու: Այսօր դուք ուրախ կլինեք ձեր կյանքում նոր բան մտցնելու ցանկացած հնարավորության համար, այդ իսկ պատճառով ոգևորությամբ կհամաձայնեք անսովոր առաջարկներին, ոգեշնչված իմպրովիզներ կանեք ու չեք վախենա համարձակ փորձարկումներից: Հրաշալի գաղափարներ կունենաք, հնարավոր են մտքի փայլատակումներ: Հավանական է՝ հասկանաք, որ պետք է փոխել ծրագրերն ու ձգտել լրիվ նոր նպատակների: Միակ ոլորտը, որտեղ չեն բացառվում տհաճ անակնկալները՝ ֆինանսներն են: Այդ իսկ պատճառով գումարի հետ կապված որոշումների հարցում մի շտապեք և աշխատեք ուշադիր լինել գործարքներ կնքելիս: ԲԻԶՆԵՍԸ՝ 3, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՑՈՒԼ (Taurus, 21.IV–21.V) Ամեն անգամ հեշտ չի լինի շրջապատողների հետ լեզու գտնելը. դուք հաճախ կտաքանաք դատարկ բաների պատճառով, կնյարդայնանաք, եթե ինչ-որ բան ձեր ուզածով չլինի, կբարկանաք ուրիշների հիմարությունների պատճառով: Բայց լուրջ կոնֆլիկտներ չեն լինի, իսկ փոքրիկ տարաձայնությունները արագ կհաջողվի հարթել: Օրվա երկրորդ կեսին գործեր կհայտնվեն, որոնց վրա պետք է կենտրոնանաք, իսկ մնացած ամեն ինչ երկրորդ պլանում կհայտնվի: Հնարավոր են աշխատանքի հետ կապված անսովոր առաջարկներ: Չի բացառվում դրանք կապված լինեն ձեր հին գաղափարների հետ. վերջապես կհայտնվեն մարդիկ, որոնք պատրաստ կլինեն օգնել դրանց իրագործման հարցում: Նման դեպքերում կարելի է առանց երկար մտածելու համաձայնել: ԲԻԶՆԵՍԸ՝ 5, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4։ ԵՐԿՎՈՐՅԱԿՆԵՐ (Gemini, 22.V–21.VI) Հրաշալի, արդյունավետ օր է: Այն հարմար կլինի բարդ գործերի համար. դուք միանգամից կհասկանաք, թե ինչպես կարելի է արագ հասնել անհրաժեշտ արդյունքին: Նոր ծրագրեր կհայտնվեն: Ինչ-որ մեկին դրանք չափազանց համարձակ կթվան, իսկ դուք վստահ կլինեք, որ կարողանալու եք այդ ծրագրերը կյանքի կոչել ու չեք սխալվի: Արժե նախաձեռնող լինել: Դա վերաբերում է և՛ գործնական ոլորտին, և՛ անձնական հարաբերություններին: Կարող եք քայլ անել դեպի այն մարդը, որին վաղուց եք համակրում: Հավանական են հաճելի ընտանեկան իրադարձություններ, երկար սպասված փոփոխություններ ընտանիքում կամ մտերիմների հետ կապված լավ նորություններ: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԽԵՑԳԵՏԻՆ (Cancer, 22.VI–22.VII) Այսօր համառությունն ու հաստատակամությունը հնարավորություն կտան հասնելու նրան, ինչն առաջ անհնար էր թվում: Դուք կկարողանաք հաղթել ուժեղ մրցակիցներին, վերջ տալ խնդիրների շարքին, հասնել վաղուց դրված նպատակին: Բայց այդ ամենը ջանքեր կպահանջի. հեշտ հաղթանակների վրա հույս դնել չարժե: Կփոխվեն շրջապատողների հետ հարաբերությունները: Դուք ավելի լավ կհասկանաք նրանց, ովքեր ձեր կողքին են, կկռահեք, թե ինչով են նրանք ղեկավարվում, ինչու են վարվում այս և ոչ թե այլ կերպ: Շատ տարաձայնություններ կմնան անցյալում, քանի որ պարզ կդառնա՝ դրանք պարզ անհասկացողության պատճառով են եղել: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՌՅՈՒԾ (Leo, 23.VII–23.VIII) Հարմար օր է կարևոր հանդիպումների ու բարդ բանակցությունների համար: Դուք շատերին կկարողանաք համոզել ձեր ճշմարտացիությունը, փաստարկներ կգտնեք, որոնց հետ չհամաձայնել չի լինի: Ոչ վաղ անցյալի թշնամիները կհասկանան, որ ավելի լավ է համագործակցեն ձեզ հետ, քան պայքարեն ու ձեզ իրենց աջակցությունը կառաջարկեն: Դրական միտումների ազդեցությունը նկատելի կլինի անձնական հարաբերություններում: Դուք հեշտությամբ լեզու կգտնեք ձեզ համար թանկ մարդկանց հետ, հաճախ կկռահեք, թե ինչ կա մտերիմների հոգում: Կուրախացնեն ընկերների հետ հանդիպումները, սիրային ժամադրություններն էլ լավ կանցնեն: Օրը հրաշալի կլինի զգացմունքները խոստովանելու համար: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿՈՒՅՍ (Virgo, 24.VIII–23.IX) Խուսափեք թեթևամտության ցանկացած դրսևորումից: Եթե հենց առավոտվանից լուրջ տրամադրվեք ու երկար ժամանակով չհետաձգեք բարդ, տհաճ գործերը, ապա օրը հաջող ու արդյունավետ կդասավորվի: Հին ծանոթները շատ հարցերում կօգնեն, ընդ որում՝ դա մեծ հաճույքով կանեն. նրանց վրա ամեն հարցում կարող եք հույս դնել: Հոգսեր սպասվածից շատ կլինեն: Բայց դուք ամեն ինչից գլուխ կհանեք, քանի որ առաջնահերթությունները ճիշտ կդնեք ու դատարկ բաների վրա շատ ժամանակ չեք վատնի: Երեկոն հաճելի ռոմանտիկ անակնկալներ է խոստանում: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԿՇԵՌՔ (Libra, 24.IX–23.X) Բարենպաստ օր է շփումների համար: Դուք միանման լավ լեզու կգտնեք և՛ հին ծանոթների, և՛ նորերի հետ: Հաջող կանցնեն հասարակական ելույթները, մասնագիտական միջոցառումների ժամանակ ուշադրության կենտրոնում կհայտնվեք, և դա ձեզ կօգնի պիտանի ծանոթություններ հաստատել, լավ տպավորություն թողնել նրանց վրա, ովքեր կարող են օգտակար լինել: Բազմաթիվ բարդ գործերից հրաշալի գլուխ կհանեք, քանի որ ամպերում չեք սավառնի, ձեր հնարավորություններն ու իրավիճակը ճիշտ կգնահատեք: Միայն ֆինանսների ոլորտում են հնարավոր ոչ մեծ դժվարություններ, որոնք, սակայն, ժամանակավոր բնույթ կկրեն: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿԱՐԻՃ (Scorpius, 24.X–22.XI) Ուշադիր է պետք լսել ինտուիցիայի հուշումները, որոնք այսօր ճիշտ ու կարևոր կլինեն: Դրանց շնորհիվ դուք արագ կկողմնորոշվեք բարդ իրավիճակում, սխալներ չեք անի, որոնք կարող էին թանկ արժենալ: Կհաջողվի նաև հասկանալ, թե ինչու են շրջապատողները գործում այս և ոչ թե այլ կերպ: Դա կօգնի խուսափել անտեղի վեճերից: Ուշադիր պետք է լինեն այն Կարիճները, որոնք այսօր ծրագրել են զբաղվել կարևոր փաստաթղթերի ձևակերպմամբ կամ դիմել պետկազմակերպություններին: Եթե ինչ-որ կարևոր մասնիկ բաց թողնեք, ապա ձեր բոլոր ջանքերը զուր կանցնեն: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՂԵՂՆԱՎՈՐ (Sagittarius, 23.XI–21.XII) Օրը բացարձակապես հարմար չէ գումարը քամուն տալու կամ առանց մտածելու գործարքներ կնքելու համար: Ցանկացած ֆինանսական հարց լուծելիս լավ է չշտապեք. վատ չի լինի, եթե գոնե խորհրդակցեք այն մարդու հետ, որի կարծիքին վստահում եք: Մնացած ոլորտներում կգերակշռեն դրական միտումները, այնպես որ՝ այսօր ուրախության առիթներ շատ կունենաք: Ներդաշնակ կդասավորվեն անձնական հարաբերությունները, և դա շատ կուրախացնի Աղեղնավորներին: Կարող եք հանգիստ խոսել նրա մասին, ինչի պատճառով նախկինում տարաձայնություններ են եղել: Եթե սիրելիի հետ վիճել էիք, այսօր հաշտվելը դժվար չի լինի: ԲԻԶՆԵՍԸ՝ 3, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՅԾԵՂՋՅՈՒՐ (Capricornus, 22.XII-20.I) Դուք շատ ու շատ օգտակար բաներ կհասցնեք անել, ընդ որում՝ ոչ միայն ձեր, այլև ուրիշների համար: Քանի դեռ մյուսները սավառնում են ամպերում, դուք կգործեք: Հաճախ առաջինը մտքին եկած որոշումները ամենահաջողը կլինեն, և դուք կհասկանաք դա: Այսօր աստղերը հատկապես բարյացակամ կլինեն այն Այծեղջյուրների հանդեպ, որոնց գործունեությունը կապված է ուրիշների խնդիրների լուծման կամ բարդ իրավիճակում հայտնված մարդկանց օգնելու հետ: Ուշադրություն դարձրեք մտերիմների հետ հարաբերություններին: Աշխատեք պահել ձեր տված խոստումները, հուսախաբ չանել նրանց, ովքեր վստահել են ձեզ: Դա թույլ կտա խուսափել դժգոհություններից ու վիրավորանքներից: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՋՐՀՈՍ (Aquarius, 21.I–19.II) Պատրաստ եղեք միաժամանակ մի քանի հարց լուծելուն, պիտի շեղվեք սեփական գործերից ուրիշներին օգնելու համար: Օրը հանգիստ չի անցնի, բայց արդյունավետ կլինի: Բացի այդ, կհաջողվի փորձ ձեռք բերել, որը ձեզ դեռ շատ պետք կգա: Դուք հրաշալի լեզու կգտնեք շրջապատողների հետ: Շատերին ձեզ հետ շփումները կօգնեն վերականգնել հոգեկան հավասարակշռությունն ու լավատեսական տրամադրվածությունը: Բայց մարդիկ դեպի ձեզ կձգտեն ոչ միայն հուզական աջակցություն ստանալու հույսով: Դուք անսովոր մարդ կթվաք, որի մասին կուզենան ավելի շատ բան իմանալ: Չի բացառվում զարմանալի ռոմանտիկ պատմության սկիզբը: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՁԿՆԵՐ (Pisces, 20.II–20.III) Հագեցած, հետաքրքիր և արդյունավետ օր է: Դուք նախանձելի նպատակասլացություն կդրսևորեք ու հրաշալի արդյունքների կհասնեք այնտեղ, որտեղ մյուսներն անհաջողության են հանդիպել: Հաջողությամբ կլուծվեն աշխատանքի հետ կապված ամենաբարդ հարցերը: Չեն բացառվում մասնագիտական աճ խոստացող առաջարկները: Ամեն անգամ հեշտ չի լինի շրջապատողների հետ պայմանավորվելը: Երբեմն ինչ-որ մեկը կփորձի ձեզ վրա ճնշումներ բանեցնել, պարտադրել իր կամքը: Դա կնյարդայնացնի, բայց դուք բացասական հույզերին չեք տրվի, հանգիստ կպաշտպանեք ձեր հետաքրքրությունները, կառուցողական երկխոսություն կվարեք նույնիսկ նրանց հետ, ովքեր տհաճությամբ են կապի դուրս գալիս: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: |
|
