ԽՈՅ (Aries, 21.III–20.IV)

Այսօր դուք սովորականից ավելի խոցելի ու նեղացկոտ կլինեք, երբեմն սուր կարձագանքեք դատարկ բաներին, սրտին մոտ կընդունեք նկատողությունները, որոնց վրա մեկ ուրիշ ժամանակ պարզապես կծիծաղեիք: Այդ իսկ պատճառով կարևոր հարցերի քննարկումն ամեն անգամ հաջող չի անցնի. դուք մանրուքներից կկառչեք, փոխարենը կարող եք բաց թողնել գլխավորը: Մտածեք՝ արդյոք ավելի լավ չի լինի, եթե նման զրույցները հետաձգեք:

Օրը բարենպաստ կլինի լավ ծանոթ աշխատանքի համար: Դուք հաջողությամբ կավարտեք այն գործերը, որոնց վրա երկար ժամանակ աշխատել եք ու հրաշալի արդյունք կստանաք: Նոր բան սովորելը երբեմն դժվար կլինի, բայց դուք համառ կլինեք ու ամեն ինչից գլուխ կհանեք:

ԲԻԶՆԵՍԸ՝ 5, ՍԵՐԸ՝ 3, ԱՌՈՂՋՈՒԹՅՈՒՆԸ՝ 4։

ՑՈՒԼ (Taurus, 21.IV–21.V)

Վեճերից ու տարաձայնություններից խուսափել հազիվ թե ստացվի, բայց դրանք չեն կարողանա փչացնել հարաբերությունները: Դուք կհարգեք ուրիշի տեսակետը, կհասկանաք, որ երբեմն ավելի օգտակար է զիջումների գնալը, քան ձերը պնդելը: Շատ Ցուլերի համար այսօր օգտակար կլինի կենսափորձը, որի շնորհիվ նշանի ներկայացուցիչները ցանկացած պայմաններում արագ ճիշտ որոշումներ կընդունեն:

Հարմար օր է կենտրոնացվածություն, կարգապահություն, մանրուքներին ուշադրություն պահանջող գործերի համար: Դուք ոչինչ աչքաթող չեք անի, կնկատեք մանրուքները, սխալներ չեք անի: Փաստաթղթերի ձևակերպման, պետկազմակերպություններին ուղղված հարցումներ կազմելու հետ կապված խնդիրներ չեն առաջանա:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԵՐԿՎՈՐՅԱԿՆԵՐ (Gemini, 22.V–21.VI)

Շատ բան լավ կդասավորվի, անհանգստանալու պատճառ էլ չեք ունենա: Իրադարձությունների հաջող ընթացքը թույլ կտա հասնել կարևոր նպատակին կամ լուծել այն խնդիրը, որը վերջին ժամանակներս անհանգստացնում էր և՛ ձեզ, և՛ ձեր մտերիմներին: Կարող եք ուղղել ավելի վաղ գործած սխալները, լրացնել բաց թողածը: Դուք ժամանակը զուր չեք վատնի, սպասվածից ավելին կհասցնեք: Թշնամիներն ու մրցակիցները պարզապես չեն հասցնի ձեր հետևից, նույնիսկ եթե շատ փորձեն:

Օրվա երկրորդ կեսը կուրախացնի հաճելի անակնկալներով: Կիրականանան նշանի որոշ ներկայացուցիչների երազանքները, հնարավորություն կա ստանաք հենց այն, ինչի մասին վաղուց էիք երազում:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԽԵՑԳԵՏԻՆ (Cancer, 22.VI–22.VII)

Ուշադրություն դարձրեք, թե ինչպես են դասավորվում գործընկերների հետ ձեր հարաբերությունները: Հիմա շատ կարևոր կլինի կոնֆլիկտներից և նույնիսկ աննշան փոխադարձ դժգոհություններից խուսափելը. դրանք կարող են հետագա համագործակցության համար խոչընդոտ դառնալ:

Մնացած հարցերում օրը բարենպաստ է: Դուք հաջողությամբ կավարտեք այն գործը, որին մեծ ուժեր եք նվիրել, հրաշալի արդյունքի կհասնեք այնտեղ, որտեղ դա անել նախկինում չէր հաջողվում: Հեշտությամբ կմտապահվի օգտակար ու պիտանի ամեն բան, դուք շատ բան ոտքի վրա կյուրացնեք: Տանը խնդիրներ չեն առաջանա, մտերիմների հետ հրաշալի լեզու կգտնեք:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԱՌՅՈՒԾ (Leo, 23.VII–23.VIII)

Շրջապատողները սովորականից հաճախ կխառնվեն ձեր գործերին, և դա օրվա առաջին կեսին կարող է նյարդայնացնել: Երբեմն կկասկածեք՝ արդյոք ինքներդ եք նպատակները դրել, թե ինչ-որ մեկը ձեզ ստիպում է այդպես վարվել: Օգտակար կլինի թեկուզ կարճ ժամանակով մենակ մնալը, տեղի ունեցող իրադարձությունների շուրջ մտորելը. դա թույլ կտա որոշակիություն մտցնել ծրագրերում:

Մնացած հարցերում օրը բարենպաստ է: Այն հարմար կլինի բարդ գործերի համար. դուք ուշադիր կլինեք, սխալներ չեք անի, ամեն ինչից հրաշալի գլուխ կհանեք: Ինչ-որ անսպասելի պատահար, հաջող զուգադիպություն թույլ կտա ձեզ լավ գումար աշխատել:

ԲԻԶՆԵՍԸ՝ 5, ՍԵՐԸ՝ 3, ԱՌՈՂՋՈՒԹՅՈՒՆԸ՝ 5:

ԿՈՒՅՍ (Virgo, 24.VIII–23.IX)

Հրաշալի օր է կարևոր զրույցների, ձեզ հետաքրքրող գործերը քննարկելու համար: Կկարողանաք նոր ու ազդեցիկ համախոհներ գտնել: Ձեր գաղափարների ու ծրագրերի մասին այնպես կպատմեք, որ ոչ ոք դրանց հանդեպ անտարբեր չի մնա. կգտնվեն մարդիկ, որոնք կուզենան օգնել մտածածն իրագործելու հարցում:

Նոր բան ստանձնելուց առաջ համոզվեք, որ հին գործերը հաջողությամբ ավարտված են և ուշադրություն չեն պահանջի: Այսօր ձեզ համար դժվար կլինի մի քանի հարց միաժամանակ լուծելը, մի քանի բանի մասին մտածելը: Լավ է հետևողականորեն գործեք: 

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԿՇԵՌՔ (Libra, 24.IX–23.X)

Լավ է չվիճեք: Շրջապատողները ամեն հարցում համաձայն չեն լինի ձեզ հետ, բայց համոզիչ փաստարկներ ներկայացնել էլ չեք կարողանա: Մի փոքր սպասեք, և ձեր ճշմարտացիությունը շուտով բոլորի համար ակնհայտ կդառնա: Գործերում լավ է հույս դնեք փորձված համախոհների վրա, իսկ նորերի հետ զգույշ լինեք: Այդպիսի մոտեցումը թույլ կտա խուսափել տհաճ պահերից, ցավալի անհաջողություններից:

Գումարի հետ կապված ցանկացած հարց լավ է առանց շտապելու լուծեք: Նույնիսկ մանր-մունր գնումները արժե ինչպես հարկն է մտածել, քանի որ անպիտան բան ձեռք բերելու վտանգ կա:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5:

ԿԱՐԻՃ (Scorpius, 24.X–22.XI)

Դուք համառ ու ինքնավստահ կլինեք, և դա հաճախ կօգնի հաջողության հասնել: Բարդ առաջադրանքները չեն վախեցնի ձեզ, հակառակը՝ հետաքրքրություն ու ոգևորվածություն կառաջացնեն: Դուք կստանձնեք այն, ինչից ուրիշները գլուխ չեն հանել ու հրաշալի արդյունքների կհասնեք: Ձեր հաջողություններով հիանալով՝ շատերը կուզենան ձեզ հետ ավելի մոտիկից ծանոթանալ:

Օրը հրաշալի կլինի շփումների համար: Դուք շատերի վրա լավ տպավորություն կթողնեք, դուր կգաք նույնիսկ նրանց, ովքեր սովորաբար ուրիշների մեջ միայն թերություններն են նկատում: Երեկոն կուրախացնի լավ նորություններով, որոնք հաճախ կապված կլինեն մոտ ապագայի համար ծրագրված ուղևորությունների հետ:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԱՂԵՂՆԱՎՈՐ (Sagittarius, 23.XI–21.XII)

Նոր գործերը լավ է ստանձնեք օրվա սկզբին, քանի որ դրանցից այդ հատվածում գլուխ հանելն ավելի հեշտ կլինի, միանգամից կհասկանաք, թե ինչպես է պետք գործել: Այդ նույն հատվածում կհաջողվի արագ լուծել կապեր պահանջող ու պետկազմակերպություններին դիմելու հետ կապված փաստաթղթերի ձևակերպման հարցերը:

Օրվա երկրորդ կեսը հրաշալի կլինի հանգստի, հաճելի հանդիպումների, տրամադրությունը բարձրացնող զբաղմունքների համար: Աշխատեք չհոգնել, չզբաղվել բարդ գործերով, խուսափել սթրեսային պահերից: Օգտակար կլինի պայմանների փոփոխությունը, զբոսնելը կամ ոչ մեծ ուղևորության մեկնելը:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։

ԱՅԾԵՂՋՅՈՒՐ (Capricornus, 22.XII-20.I)

Ինչպես էլ դասավորվի օրը, ինչ էլ որ պատահի, դուք հանգստություն կպահպանեք: Եվ ճիշտ էլ կվարվեք, քանի որ հենց դա կօգնի ճիշտ որոշումներ ընդունել, գլուխ հանել ոչ միանշանակ իրավիճակներից, իսկ երբեմն պարզապես հասկանալ, թե ինչ և ինչու է տեղի ունենում: Ձեզ հետ շփումները շատերին կօգնեն դրական տրամադրվել: Շատերը կուզենան ձեր մասին ավելի շատ բան իմանալ, քանի որ կկռահեն, որ դա կարող է օգտակար լինել նրանց համար:

Օրը հարմար է ռոմանտիկ ժամադրության և այն մարդու հետ շփվելու համար, որը յուրահատուկ թանկ է ձեզ համար: Հիմա դուք իրար լավ կհասկանաք, հարաբերություններն էլ իսկապես կմտերմանան:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ՋՐՀՈՍ (Aquarius, 21.I–19.II)

Հոգնեցնող, բայց արդյունավետ օր է: Դուք շատ բան կհասցնեք՝ ոչ միայն գլուխ կհանեք սեփական գործերից, այլև կօգնեք նրանց, ովքեր բարդ իրավիճակում են հայտնվել: Հազիվ թե կարողանաք խուսափել խառնաշփոթից, բայց դա ձեզ չի խանգարի, միայն կստիպի օրվա առաջին կեսին մի փոքր հուզվել:

Դրական միտումների ազդեցությունը ժամ առ ժամ կուժեղանա: Հասկանալով, որ հաջողությունը սարերի հետևում չէ՝ դուք վճռականորեն կգործեք: Օրվա երկրորդ կեսը հարմար ժամանակ կլինի գործնական և անձնական հարաբերություններում նախաձեռնող լինելու, կարևոր քայլեր անելու համար: Կասկած չկա, որ ձեր գաղափարներն աջակցություն կստանան:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։

ՁԿՆԵՐ (Pisces, 20.II–20.III)

Մի շտապեք: Օրվա սկիզբը հարմար չի լինի կարևոր գործեր ստանձնելու կամ լուրջ հարցերը քննարկելու համար. լավ է զբաղվեք ավելի հեշտ մի բանով: Այդ հատվածում բազում զարմանալի լուրեր կստանաք: Չարժե ամեն ինչին միանգամից հավատալ. չի բացառվում՝ ինչ-որ մեկը փորձի ձեզ մոլորության մեջ գցել:

Օրվա երկրորդ կեսը, հակառակը, հաջող կդասավորվի: Լավ շրջան է ծրագրեր կառուցելու համար. դուք լավ կհասկանաք, թե ինչի եք ուզում հասնել և արագ կկռահեք, թե ինչպես կարելի է դա անել: Հավանական են դրամական մուտքեր, այդ թվում՝ անսպասելի աղբյուրներից:

ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4: