Աստղագուշակ․ մայիսի 13
| |
| Բաժին: Այսօրվա | Դիտումներ: 2233 | 17:00 | |
ԽՈՅ (Aries, 21.III–20.IV) Հետևեք ավանդույթներին ու մի խախտեք ընդունված կանոնները: Շրջապատի համար էքստրավագանտ, ցնցող կամ պարզապես տարօրինակ արարքներից հետ կանգնեք: Իսկ ահա չափավորությունը ու պահպանողական լինելն այսօր շատ տեղին կլինեն: Հենց դրանք ձեզ թույլ կտան լավ տպավորություն թողնել: Ցանկալի է հետևել նախկինում կազմած պլաններին: Եթե պլաններ չունեք, նոր գործեր մի ստանձնեք, քանի դեռ վստահ չեք, որ հներն ավարտին եք հասցրել: Տանը սովորականից շատ հոգսեր կլինեն: Հնարավոր են անսպասելի ծախսեր: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ՑՈՒԼ (Taurus, 21.IV–21.V) Չնայած դժվարություններին ու ձգձգումներին, որոնք այսօր շատ կլինեն, ամեն ինչ կհասցնեք: Լավ կանցնեն գործնական բանակցությունները, շահավետ գործարքներ կնքելու շանս կա: Շրջապատողները կուզենան շփվել ձեզ հետ. ոմանք ձեր խորհուրդների կարիքը կունենան, ոմանք էլ՝ ձեր բարոյական աջակցության ու օգնության: Զարմանալի չէ, որ օրվա երկրորդ կեսին ուզենաք ինքներդ ձեզ հետ միայնակ մնալ: Ուղևորությունները ավելի ժամանակատար կլինեն, քան սպասում էիք. հանդիպումների մասին պայմանավորվելիս նկատի առեք դա: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԵՐԿՎՈՐՅԱԿՆԵՐ (Gemini, 22.V–21.VI) Լավագույն օրը չէ աշխատանքի ու օգտակար գործերի համար: Առաջնահերթությունները դնելը դժվար կլինի, չեք կարողանա որոշել, ինչ է պետք ստանձնել առաջին հերթին: Իրենց օգնությունը խոստացած մարդիկ զբաղված կլինեն սեփական խնդիրներով, և դուք ստիպված եք լինելու միայնակ հաղթահարել դժվարությունները: Փոխարենը անձնական հարաբերություններում գերակշռող կլինեն դրական միտումները: Հնարավոր է անսպասելի ժամադրություն կամ այնպիսի միջոցառման հրավեր, որին վաղուց էիք ուզում մասնակցել: Մտերիմների հետ կարող եք խոսել ամեն ինչի մասին. նրանք ձեզ ճիշտ կհասկանան, կփորձեն օգնել ձեզ ու ոչնչով չվշտացնել: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԽԵՑԳԵՏԻՆ (Cancer, 22.VI–22.VII) Զգույշ եղեք: Այսօր պետք է ամեն քայլը կշռադատեք: Լավ է լեզուն ատամների արանքում պահեք ու ոչ ոքի հետ չանկեղծանաք: Ցանկալի չէ ստանձնել կարևոր գործերը, հատկապես եթե դրանք կապված են թեկուզ աննշան ռիսկի հետ: Հավանական են ֆինանսական կորուստներ, անհաջող գործարքներ ու գնումներ: Երբեմն անուշադիր կլինեք, ինչ-որ կարևոր բան աչքաթող կանեք: Իսկ ահա սիրո մեջ հաջողակ կլինեք: Հնարավոր է նոր հարաբերությունների սկիզբ, իսկ արդեն եղած հարաբերություններն ավելի ներդաշնակ կդառնան: Կարող եք լրիվ անկեղծ լինել ձեզ համար թանկ մարդկանց հետ: Այդ մարդիկ ձեզ միշտ ճիշտ կհասականան: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՌՅՈՒԾ (Leo, 23.VII–23.VIII) Օրվա առաջին կեսը լարված կլինի: Շատ բան սպասվածի նման չի ընթանա, բացի այդ, հաճախ տարաձայնություններ ու վեճեր կառաջանան: Պետք է հանգստություն պահպանեք, հակառակ դեպքում սխալներ կանեք: Տարաձայնություններից խուսափելու հարցում հաճախ կօգնի հումորի զգացումը, բայց մի կատակեք նրանց հետ, որոնցից կախված է ձեր կարիերայի աճը: Հնարավոր են չարդարացված ծախսեր, անհաջող գնումներ: Օրվա երկրորդ կեսը հանգստանալու ու ուժերը վերականգնելու հնարավորություն կտա: Այդ ժամանակը հարմար է մտերիմ ընկերների հետ շփումների համար. նրանց աջակցության շնորհիվ ձեզ ավելի վստահ կզգաք: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4: ԿՈՒՅՍ (Virgo, 24.VIII–23.IX) Հագեցած ու հետաքրքիր օր է: Չնայած ուշադրություն պահանջող գործեր շատ կլինեն, բայց դուք հանգստություն կպահպանեք ու չեք կասկածի ձեր մտահղացումների հաջող իրագործման վրա: Ինտուիցիան ձեզ չի ստի. ամեն ինչ շատ լավ կդասավորվի, որոշ հարցեր ավելի արագ կլուծեք, քան ակնկալում էիք: Օրը հարմար է կյանքում ինչ-որ բան փոխելու համար: Մի շտապեք ու սկսեք քչից. առաջին քայլերը հաջող կլինեն, իսկ ավելի ուշ կհասկանաք, որ պատրաստ եք շարունակել առաջ շարժվել: Կարող եք գնումներ անել, զարդեր ու աքսեսուարներ ձեռք բերել: Իմիջային համարձակ փորձարկումները հաջող կլինեն: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԿՇԵՌՔ (Libra, 24.IX–23.X) Հույզերով ու ապրումներով լի բարդ օր է: Չեն բացառվում բարկության նոպաները, որոնցից կտուժեն ձեզ համար ամենակարևոր մարդիկ: Զգացմունքները տիրապետել չեն կարողանա նույնիսկ նրանք, ովքեր սովորաբար սառնարյուն ու զուսպ են: Չեն բացառվում լուրջ տարաձայնությունները գործընկերների ու մտերիմների հետ: Հիշեք, որ միշտ պետք չէ անել այն, ինչ ուզում եք տվյալ պահին: Ինքներդ ձեզ մի քիչ ժամանակ տվեք ու կհասկանաք՝ ինչպես է պետք վարվել: Երեկոյան կհաջողվի կարևոր ինֆորմացիա ստանալ, պատասխաններ գտնել վերջին շրջանում անհանգստացնող հարցերին: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5: ԿԱՐԻՃ (Scorpius, 24.X–22.XI) Շատ բան պետք է անեք՝ լուծեք բարդ հարցերը, լարված բանակցություններ անցկացնեք, ավարտեք ավելի վաղ սկսած մասշտաբային աշխատանքը: Այս ամենը ձեզ ուրիշ ժամանակ չէր վախեցնի, բայց այսօր նման բեռը շատ ծանր կթվա: Օգնականներ փնտրեք. կողքին կլինեն մարդիկ, ովքեր պատրաստ կլինեն ձեռք մեկնել: Համատեղ գործունեությունը կարող է ընկերական հարաբերությունների կամ սիրային պատմության սկիզբ դնել: Զգույշ եղեք ձեր փորձարկումների մեջ: Օրը հարմար չէ ռիսկի դիմելու, հաջողակ լինելու վրա հյուս դնելու համար: Եթե պատրաստ լինեք տհաճ անակնկալների, կկարողանաք խուսափել կորուստներից: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4։ ԱՂԵՂՆԱՎՈՐ (Sagittarius, 23.XI–21.XII) Ամեն ինչ այնքան հեշտ չի դասավորվի, որքան կուզենայիք: Նույնիսկ սովորական հարցերի լուծումը ջանքեր կպահանջի, իսկ ոչ ստանդարտ իրավիճակի բախվելիս լրիվ խուճապի կմատնվեք: Հնարավոր են խնդիրներ անհրաժեշտ ինֆորմացիան ստանալու հարցում: Երբեմն ստիպված եք լինելու հույս դնել բացառապես ինտուիցիայի հուշումների վրա: Բարեբախտաբար, այն հուսախաբ չի անի: Շատ խնդիրներից գլուխ հանելն ավելի հեշտ կլինի, եթե լսեք ավագ հարազատների խորհուրդները: Օրվա երկրորդ կեսը ընտանեկան կապերն ամրապնդելու հնարավորություն կտա: Ցանկացած ընտանեկան միջոցառում օրվա այդ հատվածում լավ կանցնի: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՅԾԵՂՋՅՈՒՐ (Capricornus, 22.XII-20.I) Արդյունավետ օր է, շատ գործերում կարող եք հիանալի արդյունքների հասնել: Հավանական է համագործակցության սկիզբ, որը ձեր առաջ նոր հեռանկարներ կբացի: Օրը հետաքրքիր ծանոթություններ ու այնպիսի մարդկանց հետ հանդիպումներ է խոստանում, որոնք կարևոր դեր կխաղան ձեր կյանքում: Կուրախացնեն ընկերների հետ շփումները: Իրար կես խոսքից կհասկանաք, ոչ մի պարագայում չեք վիճի: Հնարավոր են փոփոխություններ ռոմանտիկ հարաբերություններում: Հիմա նախկինից լավ կհասկանաք սիրելիին, կփնտրեք ու կգտնեք նրան ուրախացնելու ձևը: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՋՐՀՈՍ (Aquarius, 21.I–19.II) Շատ բան կհասցնեք, եթե հենց առավոտվանից ստանձնեք գործերը ու ոչինչ չհետաձգեք: Պետք է ճիշտ գնահատել ուժերն ու հնարավորությունները: Ամեն ինչ ինքնուրույն անել չի ստացվի, և ինչքան շուտ դիմեք օգնության հարցով, այնքան լավ: Կարևոր ծառայություններ կմատուցեն մարդիկ, որոնց ժամանակին բարդ իրավիճակներում աջակցել եք: Բարենպաստ օր է ցանկացած ուղևորության համար, պայմանների փոփոխությունն օգուտ կտա ու կոգեշնչի: Հնարավոր են դրամական մուտքեր: Գնումների հարցում էլ մի շտապեք. հիմա հակված կլինեք թեթևամտության ու կարող եք չափից դուրս շատ ծախսել: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՁԿՆԵՐ (Pisces, 20.II–20.III) Օրվա առաջին կեսը զգուշություն է պահանջում: Հեշտությամբ սխալ կանեք, որը լուրջ տհաճությունների կբերի: Բայց աստիճանաբար դրական միտումների ազդեցությունը կուժեղանա, կզգաք աստղերի աջակցությունը: Կարող եք գործնական բանակցություններ անցկացնել, հանդիպել մարդկանց հետ, որոնց վրա ուզում եք բարենպաստ տպավորություն թողնել: Սիրահարներին հաճելի անակնկալներ ու լավ նորություններ են սպասվում: Հավանական են նորություններ հին ընկերներից ու հեռվում ապրող բարեկամներից, որոնց վաղուց չեք հանդիպել: Հնարավորություն կունենաք հաշտվել մեկի հետ, ում հետ վիճել էիք: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: |
|
