ԽՈՅ (Aries, 21.III–20.IV)

Արդյունավետ օր է, որը մեծ հաջողությունների հասնելու հնարավորություն կտա: Դուք նախանձելի նպատակասլաց կլինեք ու շատ բանի կհասնեք: Բայց բոլորը չէ, որ կուրախանան ձեր հաղթանակներով: Թշնամիները կփորձեն արժեզրկել ձեր ձեռքբերումները, հարված հասցնել ձեր հեղինակությանը: Պատրաստ եղեք նրանց հակահարված տալ, նույնիսկ եթե դրա համար ստիպված լինեք կոշտ գործել:

Օգտակար կլինի և՛ մասնագիտական ոլորտում, և՛ անձնական հարաբերություններում նախաձեռնող լինելը: Կգտնվեն մարդիկ, որոնք կաջակցեն ձեր ամենահամարձակ գաղափարներին: Չի բացառվում երկարատև ընկերության կամ գեղեցիկ սիրային պատմության սկիզբը:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ՑՈՒԼ (Taurus, 21.IV–21.V)

Ամենաարդյունավետ օրը չէ: Ստիպված եք լինելու ձեզ վրա ջանքեր գործադրել ուշադրություն պահանջող գործերի վրա կենտրոնանալու համար: Դուք հակված կլինեք երազել, այլ ոչ թե գործել, իրավիճակն ընդհանուրի մեջ գնահատելու փոխարեն չափազանց շատ մտածել մանրուքների մասին:

Հավանական են լարված պահեր, երբ դժվար կլինի հույզերը վերահսկելն ու սեփական դեմքը պահպանելը: Իրական նպատակներ դրեք ու աշխատեք ինքներդ ձեզանից շատ բան չպահանջել: Հաճախ հենց ամեն ինչում անթերի լինելու փորձերը սխալների ու տհաճությունների կհանգեցնեն:

ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։

ԵՐԿՎՈՐՅԱԿՆԵՐ (Gemini, 22.V–21.VI)

Հարմար օր է լուրջ աշխատանքի, բարդ գործերի ու վերջին շրջանում ձեզ անհանգստացնող հարցերին պատասխաններ փնտրելու համար: Ցանկացած նախաձեռնության պատասխանատու մոտեցումը կօգնի հաջողության հասնել ու խուսափել սխալներից: Բացի այդ, դա շատ դուր կգա շրջապատողներին: Չի բացառվում՝ հենց այսօր հուսալի համախոհներ ձեռք բերեք:

Հավանական է կարևոր լուրեր ու հետաքրքիր առաջարկներ ստանաք: Հնարավոր է՝ տեղեկատվություն ստանաք, որը ձեզ կստիպի վերանայել առաջնահերթություններն ու ապագայի ծրագրերը: Հնարավորություն կունենաք հաշտվել այն մարդկանց հետ, որոնց հետ վիճել էիք:

ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4։

ԽԵՑԳԵՏԻՆ (Cancer, 22.VI–22.VII)

Արդյունավետ օր է, որը հարմար է սեփական գործերում կարգուկանոն հաստատելու և այն մարդկանց օգնելու համար, որոնց աջակցություն է պետք: Կարող եք նոր նախագծերի վրա աշխատանք սկսել, ստանձնել այն գործը, որի մասին վերջերս շատ էիք մտածում: Հիմա դուք ունակ կլինեք արագ գտնել շատ խնդիրների լավագույն լուծումը:

Ձեզ կհաջողվի համախոհներ գտնել, որոնց վրա բարդ պահերին կկարողանաք հենվել: Դուք բարյացակամ ու կենսուրախ կլինեք, և այդ հատկանիշները կօգնեն ձեզ շահել շրջապատողների համակրանքը: Չի բացառվում սիրային պատմության սկիզբը:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԱՌՅՈՒԾ (Leo, 23.VII–23.VIII)

Հարմար օր է առաջատարի որակներ ու կազմակերպչական ունակություններ դրսևորելու համար: Ձեզ կհաջողվի ղեկավարել ու ոգեշնչել, դուք առանց կասկածելու ձեզ վրա կվերցնեք ուրիշների համար պատասխանատվությունն ու շատերին կօգնեք հասնել նպատակին: Հնարամտությունն ու նպատակասլացությունը կարևոր հաղթանակներ տոնելու շանս կընձեռեն:

Գործնական ու անձնական բնույթի շատ խնդիրներ հաջող կլուծվեն, եթե ժամանակին նախաձեռնող լինեք: Մի վախեցեք նոր բան փորձելուց: Հենց նման գործողություններն այսօր լավագույն արդյունքը կտան, երբեմն նույնիսկ թույլ կտան բարդ իրավիճակը կտրուկ դեպի լավը փոխել:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5:

ԿՈՒՅՍ (Virgo, 24.VIII–23.IX)

Բարենպաստ օր է հետաքրքիր, իրերի հանդեպ ոչ ստանդարտ հայացք ունեցող մարդկանց հետ շփվելու համար: Դուք շատ բան կսովորեք ուրիշներից՝ ինքներդ էլ չնկատելով, որ ուրիշի փորձից օգուտ եք քաղում: Հեշտությամբ կընկերանաք նրանց հետ, ովքեր ձեզ մոտ համակրանք են առաջացնում:

Չի բացառվում ծանոթությունը, որը ձեր կյանքը գլխովին կփոխի: Կարևորը փոփոխություններից չվախենալը, հին պատկերացումներից, ավանդույթներից չկառչելն է: Կարող եք ուսում սկսել: Դուք արագ կմտապահեք այն ամենն, ինչ կարող է երբևէ պետք գալ:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԿՇԵՌՔ (Libra, 24.IX–23.X)

Հագեցած, հետաքրքիր ու անհանգիստ օր է: Աշխատեք մանրուքների պատճառով չհուզվել: Ապրումները կխանգարեն ձեզ առաջ շարժվել ու մտածել նրա մասին, ինչն իսկապես արժանի է ուշադրության: Եթե առաջնահերթությունները ճիշտ դնեք, շատ բան կհեշտանա:

Հավանական են ծանոթությունները, որոնք մասնագիտական տեսանկյունից շատ օգտակար կլինեն: Չի բացառվում՝ այն մարդը, որը երկար ժամանակ խանգարում էր ձեզ հաջողության հասնել, այսօր փոխի իր բռնած դիրքն ու սկսի ձեզ ամեն հարցում աջակցել: Ամեն անգամ հեշտ չի լինի մտերիմների հետ լեզու գտնելը: Նրանք հաճախ կկասկածեն ձեր գաղափարների վրա, կքննադատեն ձեր ծրագրերը:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5:

ԿԱՐԻՃ (Scorpius, 24.X–22.XI)

Հարմար օր է այն մարդկանց հետ շփվելու համար, որոնց վրա կուզենայիք լավ տպավորություն թողնել: Շրջապատողներին դուր գալը դժվար չի լինի, բավական կլինի միայն ձեզ բնական պահեք: Չի բացառվում՝ իրենց մասին հիշեցնեն հին ծանոթները, ու դուք ուրախ կլինեք շատ բաների մասին զրուցել նրանց հետ:

Նոր նախասիրություններ կհայտնվեն, դուք շատ հետաքրքիր բաներ կիմանաք: Կարող եք օտար լեզու սովորել, ինչ-որ դասընթացների համար հերթագրվել: Երեկոն հարմար է սիրային ժամադրության համար: Զարկ տվեք երևակայությանը, և այն անմոռանալի կդառնա:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԱՂԵՂՆԱՎՈՐ (Sagittarius, 23.XI–21.XII)

Գործերը մի հետաձգեք: Օրվա առաջին կեսին հաջողությունը կուղեկցի ձեզ: Հնարավորություն կունենաք լուծել կարևոր գործնական հարցերը, հարթել այն մարդկանց հետ հարաբերությունները, որոնց աջակցության շնորհիվ կարող եք ամրապնդել ձեր դիրքերն ու մեծացնել եկամուտները: Ավելի ուշ իրականությունը պատրանքներից զատելը կդժվարանա, չեք կարողանա կենտրոնանալ ու ճիշտ որոշումներ ընդունել:

Երեկոն արժե նվիրել հանգստին ու չհոգնեցնող, զվարճացնող զբաղմունքներին: Այդ հատվածում չարժե քննարկել կարևոր թեմաները, դուք կսկսեք դատարկ բաների պատճառով բարկանալ:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։

ԱՅԾԵՂՋՅՈՒՐ (Capricornus, 22.XII-20.I)

Օրվա առաջին կեսը հաջող կդասավորվի: Դրված նպատակներին հասնելն ավելի հեշտ կլինի, քան կանխատեսում էիք: Երբեմն կօգնեն մարդիկ, որոնցից ո՛չ աջակցություն էիք սպասում, ո՛չ լավ վերաբերմունք: Մրցակիցները պատրաստ կլինեն անցնել ձեր կողմը, բայց նրանց վստահելը դեռ վաղ է:

Օրվա երկրորդ կեսին հավանական են դժվարություններ: Դրանք լուրջ չեն լինի, բայց տրամադրությունը կարող են փչացնել: Այդ հատվածի համար այնպիսի գործեր մի ծրագրեք, որոնք կարգապանություն ու կենտրոնացվածություն կպահանջեն: Օգտակար, թեթև զբաղմունք գտեք, և ձեր տրամադրությունն անմիջապես կլավանա:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ՋՐՀՈՍ (Aquarius, 21.I–19.II)

Դժվար կլինի կոնկրետ մեկ բանի վրա կենտրոնանալը, նույնիսկ կարևոր բանի վրա: Դուք կուզենաք մի քանի խնդիր միաժամանակ լուծել, հնարավորինս շատ բան հասցնել: Բայց նման մոտեցման դեպքում սխալները համարյա անխուսափելի կլինեն: Նոր բան ստանձնելուց առաջ անպայման ավարտին հասցրեք ավելի վաղ սկսածը, հակառակ դեպքում դժվար կլինի նոր խնդիրների լուծման վրա կենտրոնանալը:

Օրը հրաշալի է հանգստի ու զվարճանքների, ընկերների հետ շփվելու համար: Հնարավորություն կունենաք լրիվ նոր բանով զբաղվել: Այն Ջրհոսները, որոնք ինչ-որ նոր բան կորոշեն անել, վառ տպավորություններ կստանան:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ՁԿՆԵՐ (Pisces, 20.II–20.III)

Օրվա առաջին կեսին դժվար չի լինի լավ տպավորություն թողնելը, այն մարդկանց հետ ընդհանուր լեզու գտնելը, որոնք հակված չեն շփումների: Կարող եք համատեղ աշխատանքի շուրջ պայմանավորվել, սակայն նկատի ունեցեք, որ այսօր ընդունված որոշումները վերջնական չեն լինելու:

Օրվա երկրորդ կեսին ակտիվությունը կնվազի: Կուզենաք հանգստանալ, և նման հնարավորություն կընձեռվի: Բարենպաստ ժամանակ է բուժիչ ու կոսմետիկ պրոցեդուրաների համար: Հեշտությամբ կհրաժարվեք վնասակար սովորույթներից ու դրանք օգտակարներով կփոխարինեք:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4: