Աստղագուշակ․ հուլիսի 22
| |
| Բաժին: Այսօրվա | Դիտումներ: 2401 | 17:00 | |
ԽՈՅ (Aries, 21.III–20.IV) Դժվար կլինի նույնիսկ ինքներդ ձեզ հետ հաշտ լինելը, այնպես որ՝ մի զարմացեք շրջապատողների հետ ծագած տարաձայնությունների վրա: Լարված հուզական դաշտի պատճառով ձեր տրամադրությունը փոփոխական կլինի, ամեն դատարկ բան կարող է հանել հավասարակշռությունից: Տհաճ ապրումներից խուսափելն ավելի հեշտ կլինի, եթե օգտակար բանով զբաղվեք: Բարդ գործերը կօգնեն հավաքել մտքերն ու լավատեսորեն տրամադրվել: Դուք գլուխ կհանեք նրանից, ինչը նախկինում երկար ժամանակ անել չէր ստացվում, եթե համբերատար ու համառ լինեք: Օրվա երկրորդ կեսին օգտակար տեղեկատվություն ստանալու, մյուսներից վաղ կարևոր լուրեր իմանալու շանս կա: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ՑՈՒԼ (Taurus, 21.IV–21.V) Կարևոր կլինի սեփական հնարավորությունները չգերագնահատելը: Կթվա, թե ամեն ինչ ձեր ուժերի սահմաններում է: Բայց դա այդպես չէ. ինչքան շուտ խոստովանեք, այնքան արագ կհասկանաք՝ ինչպես է պետք գործել: Օրը հարմար է համախոհներ փնտրելու և նրանց հետ համագործակցության մասին պայմանավորվելու համար: Դուք շատերին կկարողանաք վարակել ձեր ոգևորվածությամբ: Հիմա սկսվող գործնական հարաբերություններն ավելի ուշ ոչ ֆորմալ բնույթ կստանան՝ ընկերական կամ սիրային: Դեպի ձեզ կձգտեն ամենատարբեր մարդիկ, և դուք յուրաքանչյուրի հետ կկարողանաք ընդհանուր լեզու գտնել: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ԵՐԿՎՈՐՅԱԿՆԵՐ (Gemini, 22.V–21.VI) Այսօր առողջ բանականությունն ու մանրուքներին ուշադրությունը կարևոր կդառնան: Հիմա շատ հեշտ կլինի սխալվելը, մոլորությունների և կարծրատիպերի գերի դառնալը: Կարող եք լսել հին ծանոթների խորհուրդները, բայց կարևոր է հիշել, որ պատասխանատվությունը ձեզ վրա է ընկնելու և վերջնական որոշումները դուք պիտի ընդունեք: Չեն բացառվում տարաձայնությունները շրջապատողների հետ, բայց ձեր ուժերի սահմաններում կլինի լուրջ կոնֆլիկտից խուսափելը: Նրբանկատ եղեք նրանց հետ, որոնք թանկ են ձեզ համար: Նույնիսկ խորհուրդներ չարժե տալ, եթե դրանք չեն խնդրել, իսկ քննադատությունների համար էլ ավելի անհարմար պահ է: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ԽԵՑԳԵՏԻՆ (Cancer, 22.VI–22.VII) Բարենպաստ օր է շփումների համար: Դուք հեշտությամբ մոտեցում կգտնեք ամենատարբեր մարդկանց: Կհաջողվի հաշտեցնել նրանց, ովքեր վիճել էին, հարթել հին տարաձայնությունները ու պարզապես թեթևացնել ձեր ու շրջապատողների կյանքը: Եթե վաղուց էիք մտադրվել քննարկել կարևոր հարցերը, բայց ձեր մեջ խիզախություն չէիք գտնում անցնել դրանց, փորձեք դա այսօր անել: Հնարավոր են հաճելի իրադարձություններ տանը, ինչպես նաև լավ նորություններ՝ կապված ամենամտերիմ մարդկանց հետ: Չեն բացառվում ուշադրության նշանները, որոնց համար ուրախ կլինեք: Հավանական են սիրային անակնկալներ, որոնք երկար ժամանակ կհիշվեն: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՌՅՈՒԾ (Leo, 23.VII–23.VIII) Օրվա առաջին կեսը անսովոր գաղափարներ կբերի: Հաճախ դրանք կծնվեն հենց այն ժամանակ, երբ շրջապատողները արդեն կորցրած կլինեն հաջողության հասնելու հույսը: Դուք կգտնեք բոլորին օգնելու ձևը, և դա, իհարկե, աննկատ չի մնա: Ամենայն հավանականությամբ շատերը կուզենան ընկերանալ ձեզ հետ: Որոշ Առյուծներ շատ օգտակար համախոհներ կգտնեն: Օրվա երկրորդ կեսն ավելի հանգիստ կանցնի: Այն ընթացիկ գործերի վրա կենտրոնանալու, ուշադրություն պահանջող բոլոր հարցերը լուծելու հնարավորություն կտա: Հավանական են հաջողություններ ուսման մեջ: Ձեզ համար որևէ դժվարություն չի ներկայացնի ինչ-որ կարևոր բան հիշելը: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5:
ԿՈՒՅՍ (Virgo, 24.VIII–23.IX) Ամենակարևոր բաները արժե ծրագրել օրվա առաջին կեսի համար: Այն հարմար է գործերի ու պատասխանատու հանդիպումների համար: Կարող եք քննարկել ֆինանսական հարցերը, ինչպես նաև այն ամենը, ինչ վերաբերում է երկարաժամկետ համագործակցությանը: Դուք շրջահայաց կլինեք, ճիշտ կգնահատեք հեռանկարները, հաճախ աննշան մանրուքներից էլ կկռահեք, թե ինչպես են զարգանալու իրադարձությունները: Օրվա երկրորդ կեսին պետք է կենտրոնանալ տնային գործերի, անձնական խնդիրները լուծելու վրա: Մտերիմները ձեր օգնության կարիքը կունենան, աշխատեք չմերժել նրանց: Օգտակար կլինի ընտանեկան գործերի վրա կենտրոնանալը: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԿՇԵՌՔ (Libra, 24.IX–23.X) Օրը բավական հոգնեցնող կլինի: Այն ուժեղ ապրումներ ու հուզումներ կբերի: Դժվար կլինի միայնակ փորձություններ հաղթահարելը. բարեբախտաբար, կողքին կլինեն մարդիկ, որոնց կարող եք դիմել օգնության խնդրանքով: Հիշեք, որ երկար քննարկումներ վարելն անցանկալի է: Այնպես որ՝ լավ է մանրուքների մեջ չխորանաք, սկսեք ամենակարևորից: Արժե հիշել այն մասին, որ դրական միտումների ազդեցությունը ժամանակի ընթացքում ուժեղանալու է: Այնպես որ՝ մի հուսահատվեք, եթե առավոտյան ինչ-որ բան չստացվի. արժե ևս մեկ փորձ անել երեկոյան: Ավելի վաղ գործած սխալներն ուղղելու հնարավորություն կլինի: Բաց մի թողեք այն: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿԱՐԻՃ (Scorpius, 24.X–22.XI) Օրվա առաջին կեսը զգուշություն է պահանջում: Լավագույն ժամանակը չէ նոր բան սկսելու համար: Վտանգ կա՝ գերագնահատեք ձեր հնարավորությունները, սխալներ անեք, որոնք ուղղելը բարդ կլինի: Երբեմն կարծես հատուկ բոլոր հնարավոր լուծումներից ամենաանհաջողը կընտրեք, խնդիրներ կստեղծեք ձեր ու ձեր մտերիմների համար: Օրվա երկրորդ կեսին դրական միտումների ազդեցությունը կուժեղանա: Այդ հատվածում հավանական են հաջող զուգադիպություններ, հաճելի անակնկալներ, հանդիպումներ, որոնց համար շատ ուրախ կլինեք: Դուք հաջողությամբ ավարտին կհասցնեք մեծ ուժեր խլած գործերը: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՂԵՂՆԱՎՈՐ (Sagittarius, 23.XI–21.XII) Բարենպաստ օր է: Հատկապես լավը կլինի նրա առաջին կեսը. գործերը լավ կընթանան, շատ բան կհաջողվի անել: Չի բացառվում ֆինանսական հարցերի հաջող լուծումը, նշանի որոշ ներկայացուցիչների նշանակալի դրամական մուտքեր են սպասվում: Մի շտապեք ծախսել ստացածը. շուտով գումարը ուրիշ կարևոր բանի համար է պետք գալու: Օրվա երկրորդ կեսը լավ ժամանակ է անձնական հարաբերությունների տեսանկյունից: Մտերիմների հետ շփումները կբարձրացնեն տրամադրությունը: Դուք բոլորին գրավող գործեր կգտնեք, զվարճանքներ կհորինեք, կոգևորեք նրանց, ովքեր հուսահատվել են: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՅԾԵՂՋՅՈՒՐ (Capricornus, 22.XII-20.I) Չնայած որոշակի դժվարություններին, օրը վատ չի դասավորվի: Դուք ձեր գաղափարներից ու ծրագրերից չեք հրաժարվի, նույնիսկ եթե մտածածն իրագործել միանգամից չստացվի: Համառությունը կօգնի շատ գործերում հրաշալի արդյունքների հասնել: Այն, որ չեք հանձնվի այնտեղ, որտեղ մյուսները նահանջել են, կշահի շրջապատողների հարգանքը: Ուշադրություն դարձրեք մտերիմների հետ հարաբերություններին: Նրանց պետք է ձեր աջակցությունը, այնպես որ՝ աշխատեք չմերժել նրանց: Օրվա երկրորդ կեսին պետք է զբաղվեք կենցաղային հարցերի լուծմամբ: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՋՐՀՈՍ (Aquarius, 21.I–19.II) Բարենպաստ օր է շփումների համար: Դուք լավ լեզու կգտնեք մարդկանց հետ, հաճախ կես խոսքից կհասկանաք նույնիսկ նրանց, որոնց առաջին անգամ եք տեսնում: Հիմա սկսվող աշխատանքային հարաբերություններն ավելի ուշ ընկերական կամ սիրային բնույթ կստանան, և այստեղ ամեն ինչ կախված կլինի ձեր ցանկությունից: Հեշտ չի տրվի կազմակերպչական հարցերի լուծումը, վտանգ կա՝ ինչ-որ բան մոռանաք, բաց թողնեք կամ իրար խառնեք: Եթե գործ ունեք փաստաթղթերի հետ, մի ծուլացեք ամեն տառը ստուգել, քանի որ անփութությունը թանկ կարժենա: Օրվա երկրորդ կեսին լավ է հոգնեցնող բաներ չծրագրեք. ամենայն հավանականությամբ այդ հատվածում հանգստի կարիք եք ունենալու: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՁԿՆԵՐ (Pisces, 20.II–20.III) Օրվա սկիզբը բարենպաստ է: Հարմար ժամանակ է հին ծրագրերն իրագործելու, վաղուց մտածածը կյանքի կոչելու համար: Շատ բան լավ կստացվի, հաճախ հաջողությունների կհասնեք համարձակ գաղափարների շնորհիվ: Եթե օգնության կարիք ունենաք, ամենայն հավանականությամբ կստանաք այն: Օրվա երկրորդ կեսը քիչ հաջող կլինի, չնայած՝ այն նույնպես վատ չի անցնի: Հարմար ժամանակ է ընտանեկան գործերի, ամենամտերիմ մարդկանց հետ շփվելու համար: Ինչով էլ զբաղվեք, մի շտապեք: Հենց շտապողականությունը կարող է սխալների հանգեցնել: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: |
|
