Աստղագուշակ․ հուլիսի 19
| |
| Բաժին: Այսօրվա | Դիտումներ: 2869 | 17:00 | |
ԽՈՅ (Aries, 21.III–20.IV) Համբերատարությունը, ինքնատիրապետումը և ուրիշների թուլությունների նկատմամբ ներողամտությունը այսօր կարևոր կլինեն: Պրովոկացիաներին մի տրվեք, աշխատեք ձեզ հնարավորինս հանգիստ պահել անկախ նրանից, թե ինչ կանեն շրջապատողները: Եթե ոչ ոքի չհաջողվի հանել ձեզ հավասարակշռությունից, շատ խնդիրներ իրենք իրենց կլուծվեն: Օգտակար կլինի հին գործերին վերադառնալը. ամենայն հավանականությամբ, այսօր կկարողանաք դրանք ավարտին հասցնել: Զգույշ եղեք ֆինանսական հարցերը լուծելիս: Այստեղ ամեն ինչ հաճախ այնքան հեշտ ու միանշանակ չի լինի, որքան ձեզ է թվում: Իրավիճակից գլուխ հանելու և սխալներից խուսափելու համար ժամանակ է պետք: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ՑՈՒԼ (Taurus, 21.IV–21.V) Դժվարություններ կարող են ծագել, բայց դուք դրանցից գլուխ կհանեք: Կհաջողվի ճիշտ դնել առաջնահերթությունները, հասկանալ, թե ինչ է պետք ստանձնել առաջին հերթին: Հանգստությունն ու ուժերի հանդեպ վստահությունը կօգնեն գլուխ հանել բոլոր փորձություններից: Դուք ժամանակը զուր չեք վատնի, կաշխատեք սկսածն ավարտին հասցնել: Հնարավոր են դրամական մուտքեր: Վերջին շրջանում անհանգստացնող ինչ-ինչ հարցեր հաջողությամբ կլուծվեն: Հնարավոր են անսպասելի այցեր, որոնց համար ուրախ կլինեք: Ընկերները լավ նորություններ ու անսովոր գաղափարներ կհայտնեն: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԵՐԿՎՈՐՅԱԿՆԵՐ (Gemini, 22.V–21.VI) Բարենպաստ օր է շփումների համար: Լավ կանցնեն գործնական և անձնական հանդիպումները, ձեզ կհաջողվի արագ լեզու գտնել ամենատարբեր մարդկանց հետ: Հնարավորություն կունենաք նոր գործեր ստանձնել: Դրանք բարդ չեն թվա, դուք արագ կհասնեք առաջին արդյունքներին ու կհասկանաք՝ ինչպես գործել հետագայում: Դուք հրաշալի կտեսնեք իրավիճակն իր ամբողջության մեջ, սակայն այնտեղ, որտեղ մանրուքներին ուշադրություն դարձնելու կարիք լինի, դժվարություններ կառաջանան: Դուք հաճախ կշեղվեք, երբեմն կսխալվեք: Բայց լուրջ խնդիրներ չեն առաջանա, քանի որ ձեզ կհաջողվի ժամանակին ամեն ինչ ուղղել: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԽԵՑԳԵՏԻՆ (Cancer, 22.VI–22.VII) Բարենպաստ, թեթև ու ոգեշնչող օր է: Չի բացառվում՝ հենց այսօր գաղափարներ ու ծրագրեր ունենաք, որոնք ձեզ իսկապես կոգեշնչեն, կշեղեն միապաղաղությունից ու կօգնեն լրիվ նոր բան ստանձնել: Հաճախ հաջող կլինեն փորձարկումները. ինտուիցիան կհուշի՝ ինչպես գործել: Կուրախացնեն ընկերների հետ հանդիպումները: Զրույցի համար բազում թեմաներ կգտնվեն, դուք ինչ-որ հետաքրքիր բան կիմանաք: Երեկոն հարմար է ամենամտերիմ մարդու հետ ապրումներով կիսվելու համար: Նա կհասկանա ձեզ ու կփորձի աջակցել: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՌՅՈՒԾ (Leo, 23.VII–23.VIII) Ամեն ինչ չէ, որ հեշտությամբ կտրվի, բայց հաջողության հասնելու շանսեր կան: Հաճախ օգտակար կլինի այն, ինչ ավելի վաղ եք սովորել: Շրջապատողներին հաճելիորեն կզարմացնեն ձեր գիտելիքներն ու փորձը, ինչպես նաև արագ ճիշտ որոշում ընդունելու և ոչ ոքի վրա պատասխանատվությունը չգցելու կարողությունը: Չի բացառվում՝ ձեզ համագործակցություն առաջարկեն մարդիկ, որոնցից շատ բան է կախված: Այսօր սկսվող գործնական հարաբերությունները շուտով ընկերական կամ սիրային բնույթ կստանան, եթե ցանկանաք: Երեկոն հաճելի անակնկալներ է խոստանում և մտերիմներին ուրախացնելու շանս կընձեռի: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5:
ԿՈՒՅՍ (Virgo, 24.VIII–23.IX) Շփումների տեսանկյունից բարդ օր է: Ամեն անգամ ընդհանուր լեզու չեք գտնի շրջապատողների հետ, շատերին կնյարդայնացնի ամեն ինչում անկախ լինելու ձեր ձգտումը: Երբեմն վեճեր կառաջանան, որոնք կշեղեն գործերից: Դուք կփորձեք հարթել սուր անկյունները, բայց դա ամեն անգամ չի ստացվի: Լավ է հետաձգեք կարևոր հարցերի քննարկումը: Կարող եք հաջողության հասնել ուսման մեջ, ինչպես նաև ոչ միայն գիտելիքներ ու փորձ, այլև իրավիճակի մեջ արագ կողմնորոշվելու, նվազագույն տեղեկատվությամբ ճիշտ որոշումներ ընդունելու կարողություն պահանջող աշխատանքի մեջ: Երեկոն ձեզ ու ձեր մտերիմների համար լավ նորություններ կբերի: ԲԻԶՆԵՍԸ՝ 5, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ԿՇԵՌՔ (Libra, 24.IX–23.X) Ոչ մի տեղ մի շտապեք: Շտապողական որոշումները, չմտածված խոսքերն ու արարքները իրենց հետ խնդիրներ կբերեն: Եթե ուշադիր ու շրջահայաց լինեք, շատ լավ բաներ կանեք և՛ ձեր, և՛ մյուսների համար: Այսօր ծրագրած ցանկացած հանդիպման արժե լուրջ նախապատրաստվել: Ամեն անգամ չի հաջողվի ճիշտ որոշումներ ընդունել, հատկապես եթե ինչ-որ մեկը փորձի ձեզ վրա ճնշում գործադրել: Նշանի շատ ներկայացուցիչների համար օգտակար կլինի միայնակ մնալը: Ինտուիցիայի հուշումները լսելն ավելի հեշտ կլինի, երբ դրանք չխլացնեն շրջապատողների ձայները: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿԱՐԻՃ (Scorpius, 24.X–22.XI) Օրը բավական անօգուտ կանցնի, եթե ինքներդ չփորձեք այն արդյունավետ դարձնել: Խուսափեք դատարկ զրույցներից, այն հարցերի քննարկումից, որոնք ոչ ոքի, մեծ հաշվով, հետաքրքիր չեն: Հեռու մնացեք բամբասանքների սիրահարներից. այդ մարդկանց հետ շփումները կվնասեն ձեր հեղինակությանը: Կապերին ընտրողաբար մոտեցեք, զգույշ եղեք նոր ծանոթների հետ: Ցավոք, շատ կասկածելի մարդկանց դուք հեշտ զոհ կթվաք: Օրվա երկրորդ կեսը հարմար է տնային գործերի, ինչպես նաև կենցաղային տեխնիկա գնելու համար, որը կհեշտացնի ձեր առօրյա հոգսերը: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ԱՂԵՂՆԱՎՈՐ (Sagittarius, 23.XI–21.XII) Լավագույն օրը չէ որոշումներ ընդունելու և դրանք շրջապատողների հետ քննարկելու համար: Ձեր որոշ գաղափարներ այնքան լավը չեն լինի, որքան առաջին հայացքից կթվան, իսկ դատողությունները երբեմն մակերեսային կլինեն: Կյանքում ինչ-որ բան փոխելուց առաջ համոզվեք, որ դրա համար բարենպաստ պահն է, իսկ ձեր գործողությունները չեն վնասի մտերիմներին: Նշանի շատ ներկայացուցիչների համար այսօր սովորականից բարդ կլինի հասկանալը, թե ինչ են ուզում և ակնկալում շրջապատողները: Բարեբախտաբար, կողքին կլինեն մարդիկ, որոնք լավ խորհուրդներ կտան: Ձեր խնդիրն այն է, որ ժամանակին լսեք նրանց: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ԱՅԾԵՂՋՅՈՒՐ (Capricornus, 22.XII-20.I) Բարդ, լարված և շատ արդյունավետ օր է: Այն հնարավորություն կտա շատ գործերում հրաշալի արդյունքների հասնել, այդ թվում՝ այն գործերում, որոնցում շատերն արդեն անհաջողության են հանդիպել: Երբեմն ինչ-որ բան կստանձնեք առանց հաջողության հույս ունենալու, բայց կհասնեք այդ հաջողությանը: Բայց հեշտ չի լինելու, և արագ հաղթանակների վրա լավ է հույս չդնեք: Ամենայն հավանականությամբ, համախոհների կարիք կլինի: Օգնության խնդրանքով արժե դիմել մարդկանց, որոնց հետ արդեն գործ ունեցել եք: Նոր ծանոթները խոստումներ կտան ու հաճելի խոսքեր կշռայլեն, բայց ամեն անգամ չեն կարողանա արդարացնել ձեր նույնիսկ ամենահամեստ սպասումները: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՋՐՀՈՍ (Aquarius, 21.I–19.II) Հրաշալի օր է շփումների համար: Եթե պետք է հաշտվեք նրանց հետ, որոնց հետ երկար ժամանակ վեճի մեջ էիք կամ լավ տպավորություն թողնել այն մարդու վրա, որին ոչ ոք դուր չի գալիս, բաց մի թողեք ձեր շանսը: Այսօր ունակ կլինեք կռահել այն մարդկանց ցանկությունները, որոնց համարյա չեք ճանաչում, ակնկարկներից հասկանալ, թե ինչպես կդասավորվեն հարաբերությունները: Կարգապահություն ու կենտրոնացվածություն պահանջող գործերը սովորականից դժվարությամբ կտրվեն: Ամեն անգամ չեք ուզենա դրանցով զբաղվել, մտքերն անընդհատ ուրիշ բանի հետ կլինեն: Մտածեք՝ չի կարելի արդյոք ինչ-որ բան հետաձգել, իսկ ազատ ժամանակը նվիրել հանգստին: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՁԿՆԵՐ (Pisces, 20.II–20.III) Վառ, հագեցած օր է, որը լավ բաներ է խոստանում: Այն հարմար է նոր գործեր ստանձնելու կամ այն խնդիրներին վերադառնալու համար, որոնք անլուծելի էիք համարել ու կիսատ էիք թողել: Հիմա դուք հնարավորություններ կտեսնեք, որոնք նախկինում ոչ ոք չի նկատել: Մարդիկ, որոնք նախկինում կասկածում էին ձեր տաղանդներին, կփոխեն իրենց կարծիքը, կհասկանան, որ շատ բանի եք ունակ: Հավանական է ձեզ համար բարենպաստ ձևով լուծվեն բարդ ֆինանսական կամ ունեցվածքի հետ կապված հարցերը: Օրը հարմար է խանութներով շրջելու համար. ջրի գնով հրաշալի իրեր գնելու հնարավորություն կլինի: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: |
|
