Աստղագուշակ․ ապրիլի 5
| |
| Բաժին: Այսօրվա | Դիտումներ: 2762 | 17:00 | |
ԽՈՅ (Aries, 21.III–20.IV) Շատ հագեցած կլինի օրվա առաջին կեսը: Այդ հատվածում կարող եք մի քանի գործ միաժամանակ անել, ոչինչ չխառնել ու աչքաթող չանել՝ ամեն ինչում հրաշալի արդյունքների հասնելով: Կուրախացնեն մտերիմներին վերաբերող նորությունները և առաջարկները, որոնք կանեն հին ծանոթները: Հավանական են ոչ մեծ դրամական մուտքեր: Դրանք տեղին կլինեն, թույլ կտան շահավետ գնումներ անել: Դուք գրագետ կտնօրինեք գումարը, ավելորդ ծախսեր չեք անի, բայց շատ խնայող էլ չեք լինի այնտեղ, որտեղ դա անելը ցանկալի չէ: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՑՈՒԼ (Taurus, 21.IV–21.V) Գործեր սպասվածից շատ կլինեն: Ամեն ինչ հասցնելու համար ստիպված եք լինելու շտապել: Որոշ Ցուլերի պետք կգա համախոհների օգնությունը, որոնց շնորհիվ նշանի ներկայացուցիչները կկարողանան իրագործել այն, ինչ վաղուց են մտածել: Հնարավոր են անսպասելի հանդիպումներ, անսովոր ծանոթություններ: Առաջին տպավորությունը միշտ չէ, որ ճիշտ կլինի: Արժե զգոն լինել այն մարդկանց հետ, որոնք համառորեն փորձում են շահել ձեր համակրանքը: Օրվա երկրորդ կեսը հարմար է հին ընկերների հետ շփվելու համար: Նրանք կաջակցեն ձեր նախաձեռնությունները, հրաշալի խորհուրդներ կտան: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԵՐԿՎՈՐՅԱԿՆԵՐ (Gemini, 22.V–21.VI) Դուք առավել տպավորվող ու խոցելի կլինեք, հաճախ սուր կարձագանքեք նրան, ինչը մեկ ուրիշ ժամանակ չէիք նկատի: Հնարավոր են ոչ մեծ տարաձայնություններ աշխատավայրում ու տանը: Կկարողանաք արագ ամեն ինչից գլուխ հանել, բայց տհաճ նստվածք կմնա: Նկատի ունեցեք, որ ցանկացած հարց կարելի է հանգիստ ու կառուցողական քննարկել: Դրանից ավելի շատ օգուտ կլինի, քան վեճերի: Ժամանակի ընթացքում դրական միտումների ազդեցությունը կուժեղանա, իսկ օրվա երկրորդ կեսը խոստանում է առաջինից թեթև լինել: Այն հարմար կլինի ամենամտերիմների հետ շփվելու համար: Սիրելի մարդու հետ հանդիպումը դրական հույզեր կպարգևի: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԽԵՑԳԵՏԻՆ (Cancer, 22.VI–22.VII) Օրվա սկիզբը բացառապես հաջող կլինի: Այդ հատվածում դուք գլուխ կհանեք նրանից, ինչը երկար ժամանակ չէր ստացվում: Իրենց օգնությունը կառաջարկեն մարդիկ, որոնցից նման բան չէիք սպասում: Որոշ Խեցգետիններ շատ ազդեցիկ համախոհներ ձեռք կբերեն: Համագործակցությունը կարող է ընկերության կամ սիրային պատմության սկիզբ դնել: Օրվա երկրորդ կեսը նույնպես լավ կդասավորվի, բայց ավելի հանգիստ կանցնի: Այդ հատվածը ավելի հարմար է հանգստի, քան նոր նախաձեռնությունների կամ կարևոր գործերի համար: Ապագայի հետ կապված հետաքրքիր մտքեր ու նոր ծրագրեր կունենաք: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՌՅՈՒԾ (Leo, 23.VII–23.VIII) Ձեզ անհանգիստ օր է սպասվում: Անսովոր հանդիպումներ կլինեն, չեն բացառվում ծանոթությունները, որոնք ուժեղ տպավորություն կթողնեն ու երկար կհիշվեն: Որոշ Առյուծներ նոր գաղափարներ ու ծրագրեր կունենան: Դուք ոգևորությամբ կստանձնեք մտածածը կյանքի կոչելը, կգտնվեն նաև օգնել ցանկացողներ: Օրվա երկրորդ կեսը հարմար է ֆինանսների հետ կապված ցանկացած հարց լուծելու համար: Գործնական հոտառությունը չի հիասթափեցնի նույնիսկ նշանի այն ներկայացուցիչներին, որոնք նախկինում հեռու էին կոմերցիոն գործունեությունից: Երեկոն կուրախացնի հեռվից լավ նորություններով: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿՈՒՅՍ (Virgo, 24.VIII–23.IX) Օրվա սկիզբը կարող է բավական անհանգիստ լինել: Շրջապատողները սովորականից հաճախ կխառնվեն ձեր գործերին, ամեն անգամ իրենց կոռեկտ ու բարեհամբույր չեն պահի: Բայց ձեզ կհաջողվի հարթել բոլոր սուր անկյունները, խուսափել կոնֆլիկտներից, բոլորի հետ լավ հարաբերություններ պահպանել: Ժամանակի ընթացքում դրական միտումների ազդեցությունը կուժեղանա: Օրվա երկրորդ կեսին հավանական են հաճելի ծանոթություններ, ինչպես նաև հանդիպումներ մարդկանց հետ, որոնք վաղուց կարոտում էիք: Չի բացառվում ռոմանտիկ պատմության սկիզբը: Դուք հմայիչ կլինեք, շատերին դուր կգաք, ինչ-որ մեկը կարող է առաջին հայացքից սիրահարվել ձեզ: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԿՇԵՌՔ (Libra, 24.IX–23.X) Մի շտապեք անցնել գործերին: Նախ ամեն ինչ պետք է լավ մտածեք, իսկ օրվա առաջին կեսը դրա համար լավագույնս է հարմար: Ավելի ուշ նշանի որոշ ներկայացուցիչներ հուսալի համախոհներ կգտնեն ու պիտանի խորհուրդներ կստանան: Նույնիսկ ոչ վաղ անցյալի մրցակիցները կարող են ձեր կողմն անցնել, փորձել շահել ձեր վստահությունը: Օրվա երկրորդ կեսը բարենպաստ և արդյունավետ կլինի: Աշխատանքը ձեռքից կգա, դուք արագ կհասնեք անհրաժեշտ արդյունքներին, նույնիսկ եթե լրիվ նոր բան ստանձնեք: Ուսումը հեշտությամբ կտրվի, դուք միանգամից կմտապահեք ամենն, ինչ կարող է կարևոր լինել: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿԱՐԻՃ (Scorpius, 24.X–22.XI) Մի նյարդայնացեք: Օրը շատ հաջող կդասավորվի, եթե հանգստություն պահպանեք: Աշխատեք զգույշ գործել և շրջահայաց լինել: Շատ Կարիճների այսօր պետք կգա ավելի վաղ ձեռք բերած փորձը: Դրա շնորհիվ նշանի ներկայացուցիչները այնպիսի սխալներ չեն անի, որոնց համար ստիպված էին լինելու զղջալ: Կարող եք փորձարկումներ անել, նպատակին տանող անսովոր ուղիներ փնտրել, բայց սխալ կլինի չափից դուրս շատ բան սպասելը կամ արագ հաղթանակների վրա հույս դնելը: Լավ է համբերությամբ զինվեք: Դուք կստանաք այն, ինչին ձգտում էիք, բայց մի փոքր ուշ: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՂԵՂՆԱՎՈՐ (Sagittarius, 23.XI–21.XII) Օրվա առաջին կեսը հարմար է ֆինանսների, աշխատանքի և բիզնեսի հետ կապված հարցերը քննարկելու համար: Գործնական ինտուիցիան շատ ուժեղ կլինի, հաճախ հենց նրա շնորհիվ դուք ճիշտ որոշումներ կընդունեք՝ տիրապետելով միայն նվազագույն տեղեկատվության: Ավելի ուշ կգա միապաղաղ ու բավական ձանձրալի, բայց օգտակար գործերի ժամանակը: Աշխատեք դրանց լուրջ վերաբերվել: Ուշադրություն դարձրեք մանրուքներին, որոնք կարող են կարևոր լինել: Հենց կարգապահությունը կօգնի խուսափել սխալներից, որոնց ուղղումը ժամանակատար կլիներ: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՅԾԵՂՋՅՈՒՐ (Capricornus, 22.XII-20.I) Բարենպաստ օր է շփումների համար: Կուրախացնեն և՛ գործնական, և՛ անձնական հանդիպումները, դուք մարդկանց հետ հրաշալի լեզու կգտնեք: Հեշտությամբ լավ տպավորություն կթողնեք նոր ծանոթների վրա: Մարդիկ միանգամից կնկատեն ձեր ուժեղ կողմերը: Հավանական են համագործակցության, համատեղ նախագծերին մասնակցության առաջարկներ: Հնարավորություն կունենաք ավարտին հասցնել ավելի վաղ սկսած գործերը: Դուք հրաշալի գլուխ կհանեք նրանից, ինչը ուրիշների մոտ չի ստացվել, հաճախ կօգնեք նրանց, ովքեր դժվարությունների են բախվել: Մտերիմներն ուրախ կլինեն հոգատարության և ուշադրության համար, հաճույքով կկիսվեն իրենց ապրումներով, գաղափարներով ու ծրագրերով: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՋՐՀՈՍ (Aquarius, 21.I–19.II) Անհանգիստ օր է: Դուք պետք է հոգ տանեք ոչ միայն ձեր, այլև ուրիշների մասին: Շատերն օգնության կարիք կունենան, մերժել էլ չեք ուզենա: Դուք հաճույքով կաջակցեք նրանց, ովքեր նոր բան են ստանձնում: Ավելի ուշ այդ մարդիկ կարող են ձեր ամենահուսալի համախոհները և ընկերները դառնալ: Օրվա երկրորդ կեսը հարմար է ֆինանսական հարցերը լուծելու համար: Որոշ Ջրհոսներ անսպասելի աղբյուրներից գումար կստանան: Միաժամանակ հնարավոր են հաճելի այցեր: Օրինակ՝ կարող են հյուր գալ հին ծանոթները, որոնց վաղուց չեք տեսել: Զրույցի համար բազում հետաքրքիր թեմաներ կգտնվեն: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՁԿՆԵՐ (Pisces, 20.II–20.III) Հարմար օր է գործնական բանակցությունների և կարևոր թեմաները քննարկելու համար: Դուք հեշտությամբ կգտնեք անհրաժեշտ բառերը, փաստարկներ կբերեք, որոնք կուզենան լսել: Մարդիկ, որոնք նախկինում թերագնահատում էին ձեզ, կփոխեն իրենց կարծիքը: Հնարավոր է հաջողությամբ լուծվեն նախկինում ձեզ ու ձեր մտերիմներին անհանգստացնող հարցերը: Երեկոն հրաշալի է պայմանները փոխելու, կյանքում բազմազանություն մտցնելու համար: Դուք ինքներդ չեք ձանձրանա, շրջապատողներին էլ նման հնարավորություն չեք տա: Այդ իսկ պատճառով շատերը կուզենան ձեզ հետ ժամանակ անցկացնել: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: |
|
