Աստղագուշակ․ 2023 թվականի նոյեմբերի 13
| |
| Բաժին: Այսօրվա | Դիտումներ: 3652 | 17:00 | |
ԽՈՅ (Aries, 21.III–20.IV) Օրը հազիվ թե անհանգստության լուրջ առիթներ բերի: Կգերակշռեն դրական միտումները, ձեր նախաձեռնություններից շատերը հաջող կլինեն: Դուք ժամանակը զուր չեք վատնի, ուստի կհասցնեք ծրագրածից ավելին անել: Կարող եք զբաղվել պաշտոնական նամակներ կազմելով, դիմել պետկազմակերպություններին փաստաթղթերը ձևակերպելու նպատակով: Օրը բարենպաստ կլինի մտերիմների հետ շփվելու համար: Տարաձայնությունների պատճառներ չեն լինի, իսկ ահա ուրախության առիթներ շատ կլինեն: Անձնական հարաբերություններին վերաբերող հարցերում կարող եք ինտուիցիային ապավինել: Այն հուսախաբ չի անի: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՑՈՒԼ (Taurus, 21.IV–21.V) Օրվա սկզբին մանրուքների պատճառով մի տագնապեք: Հավանական է ինչ-որ բան ծրագրի համաձայն չընթանա, բայց դուք նույնիսկ դրանից կարող եք օգուտ քաղել: Մտածեք, թե ինչպես կարող եք նոր պայմաններում ավելի հեշտ հասնել նպատակներին: Դա դժվար չի լինի հատկապես այն Ցուլերի համար, որոնք պատրաստ են իրենց ձևով գործել ու հույս դնել բացառապես սեփական ուժերի վրա: Բայց դրական միտումների ազդեցությունն էլ կուժեղանա: Օրվա երկրորդ կեսը ուրախության առիթներ կբերի: Այն հարմար կլինի մտերիմների հետ շփվելու և այն մարդկանց հետ հանդիպելու համար, որոնց կուզենայիք դուր գալ: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։ ԵՐԿՎՈՐՅԱԿՆԵՐ (Gemini, 22.V–21.VI) Օրը կուրախացնի հաճելի անակնկալներով ու ոգեշնչող լուրերով: Գործեր քիչ չեք ունենա, ընդ որում՝ արդեն ծանոթներին կարող են ավելանալ լրիվ նորերը: Դժվարությունները ձեզ չեն վախեցնի, այլ հակառակը՝ դուք ոգևորությամբ կստանձնեք ցանկացած առաջադրանք: Դա շատ դուր կգա շրջապատողներին: Նախկինում ձեզ համարյա չնկատող մարդիկ կուզենան մոտիկից ծանոթանալ, ընկերանալ: Հնարավոր է նոր գործնական հարաբերությունների սկիզբ, չեն բացառվում անսովոր ու շատ գրավիչ համագործակցության առաջարկները: Մի շտապեք համաձայնել. նախ արժե ուսումնասիրել պայմաններն ու ամեն ինչ լավ կշռադատել: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԽԵՑԳԵՏԻՆ (Cancer, 22.VI–22.VII) Եթե պետք է կարևոր բանի մասին մտածեք, դրան նվիրեք օրվա սկիզբը: Հենց այդ հատվածում կկարողանաք պատասխաններ գտնել բարդ հարցերին, գլուխ հանել մի բանից, ինչը չափազանց բարդ ու խճճված էր թվում: Դուք ոչ մի մանրուք աչքաթող չեք անի, ուշադիր կլինեք, կտեսնեք այն, ինչ առաջ ոչ ոք չի նկատել: Օրվա երկրորդ կեսը հարմար կլինի հանգստի և զվարճանքների համար: Այն հաճելի հանդիպումներ է խոստանում: Հնարավորություն կունենաք շփվել մարդկանց հետ, որոնց կարոտել էիք: Դուք նրանցից ինչ-որ հետաքրքիր ու պիտանի բան կիմանաք: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՌՅՈՒԾ (Leo, 23.VII–23.VIII) Օրը հարմար կլինի կարևոր գործնական բանակցությունների և այն մարդկանց հետ հանդիպելու համար, որոնց կուզենայիք դուր գալ: Լավ տպավորություն թողնելը դժվար չի լինի, բավական կլինի ձեզ բնական ու անկաշկանդ պահեք: Բաց մի թողեք հին կապերը վերականգնելու շանսը. չի բացառվում, որ մոտ ժամանակներս դրանք կրկին օգտակար լինեն ձեզ: Առավոտյան հնարավորություն կունենաք լուծել ավելի վաղ ծագած խնդիրները; Օրվա երկրորդ կեսը կուրախացնի դրամական մուտքերով, հարմար կլինի գնումներ անելու համար: Հավանական են հաճելի իրադարձություններ ընտանիքում: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿՈՒՅՍ (Virgo, 24.VIII–23.IX) Չնայած օրը հասարակ չի լինի, բայց հուզվելու կարիք չկա: Աստղերը ձեր կողմից կլինեն, նրանց աջակցությամբ շատ բանի կհասնեք: Այո, պիտի ջանքեր գործադրեք, բայց դա ձեզ երբևէ չի վախեցրել ու հիմա էլ չի վախեցնի: Անկախ պայմաններից, դուք խուճապի չեք մատնվի և անպայման կգտնեք անհրաժեշտ արդյունքն ստանալու ձևը: Օրվա առաջին կեսին գործեր ու առաջադրանքներ սովորականից շատ կլինեն: Երկրորդին հանգստանալու, ուժերը վերականգնելու հնարավորություն կլինի: Չեն բացառվում հաճելի ծանոթությունները, նաև հանդիպումները մարդկանց հետ, որոնց մասին լավ բաներ շատ եք լսել: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԿՇԵՌՔ (Libra, 24.IX–23.X) Օրը հարմար կլինի ավելի վաղ սկսածն ավարտելու կամ լավ ծանոթ առաջադրանքների վրա կենտրոնանալու համար: Առօրյա գործերը ձեզ հոգնեցնող ու ձանձրալի չեն թվա, դուք հրաշալի գլուխ կհանեք ստանձնած ամեն ինչից: Որոշ Կշեռքներ նոր համախոհներ կգտնեն, որոնց աջակցությունը թույլ կտա ավելի արագ հասնել ցանկացած նպատակի: Հնարավորություն կունենաք հանդիպել հին ծանոթներին, վերականգնել նախկինում թանկ հարաբերությունները: Անցյալում կմնան ձեզ վշտացնող տարաձայնությունները, հեշտությամբ կպայմանավորվեք ապագայի ընդհանուր ծրագրերի շուրջ: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿԱՐԻՃ (Scorpius, 24.X–22.XI) Օրը շատ արդյունավետ կանցնի: Դուք միանգամից մի քանի լուրջ խնդիր կլուծեք, որոնք վերջին ժամանակներս անհանգստացնում էին ձեզ ու ձեր մտերիմներին: Կհաջողվի որոշակիություն մտցնել ապագայի ծրագրերում, դուք կհասկանաք՝ ինչպես է պետք գործել կարևոր նպատակին հասնելու համար: Ինտուիցիան շատ ուժեղ կլինի, ոչ ոք չի կարողանա ձեզ խաբել, խճճել կամ շեղել: Կուրախացնեն հին ընկերների հետ հանդիպումները: Նրանց աջակցությամբ դուք ձեզ ավելի ինքնավստահ կզգաք, մի կողմ կվանեք կասկածները, որոնք խանգարում էին առաջ շարժվել: Օրը հարմար կլինի նաև ընտանեկան միջոցառումների, հարազատների հետ շփվելու համար: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՂԵՂՆԱՎՈՐ (Sagittarius, 23.XI–21.XII) Օրը լավ կանցնի ու հաճելի իրադարձություններ կբերի: Այն հատկապես հաջող կլինի ստեղծագործ զբաղմունքների, հնարամտություն պահանջող ցանկացած գործի համար: Ինչ-ինչ դժվարություններ կարող են ծագել կենտրոնացվածություն, կարգապահություն, մանրուքներին ուշադրություն պահանջող գործերում: Բայց ձեր կողքին շատ տեղին կհայտնվեն մարդիկ, որոնք պատրաստ կլինեն օգնել կամ լավ խորհուրդ տալ: Որոշ Աղեղնավորներ կհասկանան՝ ինչ է պետք անել, որպեսզի հին ցանկությունները իրականանան: Բայց շտապելու կարիք չկա: Դուք բավարար ժամանակ կունենաք գործողությունների ծրագիր կազմելու համար, ինչը հաստատ ձեզ չի խանգարի: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՅԾԵՂՋՅՈՒՐ (Capricornus, 22.XII-20.I) Հաջող օր է սպասվում: Այն լուրջ դժվարություններ չի բերի, ճանապարհին անհաղթահարելի արգելքներ չեն առաջանա: Չի բացառվում ուզենաք վերադառնալ հին ծրագրերին, իրագործել վաղուց առաջ եկած գաղափարները: Մտածածը կյանքի կոչելու շանս կունենաք, սակայն դրա համար երևակայության ու հնարամտության կարիք կլինի: Հավանական են անսովոր հանդիպումներ ու հետաքրքիր ծանոթություններ: Չի բացառվում ռոմանտիկ պատմության սկիզբը: Նոր հարաբերություններն արագ կզարգանան, եթե նախաձեռնող լինեք: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՋՐՀՈՍ (Aquarius, 21.I–19.II) Այսօր ձեզ շատ զրույցներ են սպասվում, տարաձայնություններն էլ չեն բացառվում: Աշխատեք շատ ժամանակ չծախսել անիմաստ քննարկումների վրա, քանի որ ցավալի կլինի դրանց պատճառով ինչ-որ բան չհասցնելը: Լավ է խուսափեք թեժ վեճերից. մի փոքր ժամանակ կանցնի, և բոլորը կհասկանան, որ դուք ճիշտ եք եղել: Զգուշությունը չի խանգարի ֆինանսական հարցերը լուծելիս: Խոշոր գնումներ անելուց առաջ խորհրդակցեք մարդկանց հետ, որոնց խորհուրդները ձեզ բազմիցս օգնել են: Օրը բարենպաստ կլինի ուղևորությունների և հեռվից եկած մարդկանց հետ շփվելու համար: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՁԿՆԵՐ (Pisces, 20.II–20.III) Օրը վատ չի անցնի, բայց հուզական դաշտը բավական լարված կլինի: Իսկ դա նշանակում է, որ մանրուքների պատճառով հուզվելու եք, հեշտությամբ եք կորցնելու հոգեկան հավասարակշռությունը: Որոշ Ձկներ հակված կլինեն ուրիշի ազդեցության տակ ընկնելուն, իսկ դա նրանց օգուտ չի տա: Սակայն խնդիրներից կհաջողվի խուսափել, եթե կարևոր որոշումների հարցում չշտապեք ու ծրագրեր կառուցելուց առաջ հանգիստ մտածեք տեղի ունեցողի շուրջ: Տրամադրությունը կբարձրացնեն լավ ծանոթ ընտանեկան գործերը, հատկապես եթե դրանցով մտերիմների հետ զբաղվեք: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4: |
|
