Աստղագուշակ․ 2022 թվականի օգոստոսի 8
| |
| Բաժին: Այսօրվա | Դիտումներ: 1747 | 17:00 | |
ԽՈՅ (Aries, 21.III–20.IV) Ձեր գործնական հոտառությունն այսօր շատ սուր կլինի: Լսեք նրա հուշումները ֆինանսների հետ կապված հարցերում, և դուք սխալներ չեք անի: Հնարավորություն կունենաք շահավետ գործարքներ կնքել, մեծացնել եկամուտները: Կարող եք նշանակալի հաջողությունների հասնել աշխատանքի մեջ, գլուխ հանել այն առաջադրանքներից, որոնք շատերին փակուղու առաջ կկանգնեցնեին: Օրը հարմար կլինի և՛ գործնական ոլորտում, և՛ անձնական հարաբերություններում նախաձեռնող լինելու համար: Ձեզ մոտ առաջ եկած գաղափարները շատերի սրտով կլինեն: Եթե դրանց իրագործման հարցում օգնության կարիք զգաք, անպայման կստանաք այն: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՑՈՒԼ (Taurus, 21.IV–21.V) Օրվա սկզբին պատրանքներ մի կառուցեք ու դատարկ երազանքներով մի տարվեք: Այդ հատվածում կարևոր կլինի իրատես լինելը, սեփական ուժերն ու հնարավորությունները սթափ գնահատելը: Մի շտապեք խոստումներ տալ ու կապվել պարտավորություններով: Շատ բան, ինչը հիմա հասարակ է թվում, իրականում բարդ կլինի: Օրվա երկրորդ կեսը ավելի թեթև ու հաճելի կանցնի: Այն հաջող զուգադիպություններ, հեռվից լավ նորություններ է խոստանում: Կուրախացնեն հին ծանոթների հետ հանդիպումները. զրույցի համար բազում հետաքրքիր թեմաներ կգտնեք, իսկ ահա տարաձայնությունների առիթներ չեն լինի: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԵՐԿՎՈՐՅԱԿՆԵՐ (Gemini, 22.V–21.VI) Չնայած օրը որոշ դժվարություններ կբերի, բայց այն բարդ անվանել չի կարելի: Օրը կուրախացնի նրանց, ովքեր լրիվ նոր բան կստանձնեն: Հեշտությամբ կհասնեք առաջին հաջողություններին, արագ կհամոզվեք, որ նպատակին տանող ճիշտ ուղի եք ընտրել: Հավանական են կարևոր բացահայտումներ, լավ նորություններ ու հետաքրքիր առաջարկներ: Չեն բացառվում տարաձայնությունները մտերիմների հետ, ընտանեկան վեճերը: Դուք կաշխատեք կոնֆլիկտ թույլ չտալ, ժամանակին հարթել իրավիճակը, և դա ձեզ մոտ կստացվի: Եթե այսօր ուղևորության եք մեկնելու, պատրաստ եղեք ճանապարհին ձգձգումների, ցավալի պատահարների ու թյուրիմացությունների: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։ ԽԵՑԳԵՏԻՆ (Cancer, 22.VI–22.VII) Հարմար օր է գաղափարներով կիսվելու, նոր ծրագրերի մասին պատմելու համար: Ձեր ոգևորությունը վարակիչ կլինի, և շատերը կուզենան օգնել ձեզ իրագործել մտածածը: Ընդհանուր գործերից կարող է երկարատև ընկերություն և նույնիսկ սիրային պատմություն սկսվել: Հաջող կանցնեն ուղևորությունները, պայմանների փոփոխությունը շատ Խեցգետինների համար օգտակար կլինի: Օրը բարենպաստ կլինի նաև պաշտոնական փաստաթղթեր կազմելու, պետկազմակերպություններին դիմելու համար: Երեկոն կուրախացնի նրանց, ովքեր վերջին ժամանակներս զբաղված էին կենցաղային խնդիրների լուծմամբ: Այդ խնդիրներն անցյալում կմնան, և դուք ձեզ ավելի ազատ կզգաք: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՌՅՈՒԾ (Leo, 23.VII–23.VIII) Զգույշ եղեք: Այսօր հեշտությամբ ցավալի սխալներ կանեք, կտրվեք պրովոկացիաներին, կասեք կամ կանեք մի բան, ինչի համար ավելի ուշ կզղջաք: Արժե ընտրողաբար մոտենալ գործնական ու անձնական հարաբերություններին: Մի շտապեք վստահել նրանց, ովքեր փորձում են շահել ձեր համակրանքը: Ձեզ հաճույքով կաջակցեն մտերիմները, որոնց կարող եք դիմել և՛ խորհուրդների, և՛ գործերում օգնության խնդրանքով: Հին ընկերները կբարձրացնեն ձեր տրամադրությունը, կուրախացնեն հաճելի անակնկալներով: Երեկոն հրաշալի կլինի հին նախասիրության մասին հիշելու համար: Այն բազում վառ հույզեր կպարգևի: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿՈՒՅՍ (Virgo, 24.VIII–23.IX) Օրը հրաշալի կլինի ուսման, հետազոտական աշխատանքի, ինչպես նաև բարդ ու շատ կարևոր բաների մասին մտորելու համար: Դուք ուշադրություն կդարձնեք նրան, ինչն ուրիշները չեն նկատել ու ճիշտ եզրահանգումներ կանեք: Որոշ Կույսեր կհասկանան՝ ինչ է պետք նախաձեռնել վաղուց դրված նպատակներին հասնելու համար: Մարդկանց հետ լեզու գտնելը շատ հեշտ կլինի, և դա կօգնի աշխատանքի մեջ: Չեն բացառվում ծանոթությունները, որոնցից ձեզ համար կարևոր ընկերական կամ գործնական հարաբերություններ կսկսվեն: Երեկոն հարմար կլինի ընտանեկան միջոցառումների, ամենամտերիմների հետ շփվելու համար: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԿՇԵՌՔ (Libra, 24.IX–23.X) Լուրջ զրույցները լավ է հետաձգեք: Օրվա առաջին կեսը դրանց համար հարմար չի լինի, բացի այդ, ձեզ համար էլ լավ կլինի, եթե նորից ամեն ինչի մասին մտածեք, համոզիչ փաստարկներ գտնեք: Մինչև կեսօր ստացված ցանկացած տեղեկատվություն պետք է ուշադիր ստուգել, քանի որ վտանգ կա՝ ինչ-որ մեկը փորձի ձեզ մոլորության մեջ գցել: Օրվա երկրորդ կեսը բարենպաստ կլինի հին գործերն ավարտելու և այն հարցերը լուծելու համար, որոնց մասին վերջերս զրույցներ շատ եք ունեցել: Ինչքան երեկոն մոտենա, այնքան հեշտ կլինի նախկինում բարդ թվացող բաներից գլուխ հանելը: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿԱՐԻՃ (Scorpius, 24.X–22.XI) Վճռական գործեք, դուք հաջողությունների հասնելու շանս ունեք: Հաջողությունը կուղեկցի մասնագիտական ոլորտի ձեր համարձակ նախաձեռնություններին: Հնարավոր է՝ հասկանաք, թե ինչպես կարելի է մեծացնել սեփական եկամուտները կամ շահավետ գործարքներ կկնքեք: Նկատելիորեն կփոխվեն գործընկերների և ղեկավարության հետ հարաբերությունները: Դուք կսկսեք ավելի լավ հասկանալ նրանց, ում հետ աշխատում եք: Այսօր պիտի զբաղվեք ոչ միայն սեփական, այլև ուրիշների գործերով, լուծեք այլ մարդկանց մեղքով առաջացած խնդիրները: Դուք ամեն ինչից գլուխ կհանեք, բայց ջանքերի գնով, այդ իսկ պատճառով երեկոյան կուզենաք հանգստանալ: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։ ԱՂԵՂՆԱՎՈՐ (Sagittarius, 23.XI–21.XII) Օրը հագեցած կլինի և ապրումներ կբերի: Կենտրոնանալը դժվար կլինի: Շատ Աղեղնավորներ այսօր պիտի միաժամանակ մի քանի գործով զբաղվեն. ինչ-որ բաներ բաց չթողնելը, չմոռանալն ու իրար չխառնելը դժվար կլինի: Օգտակար կլինի այն, ինչ ավելի վաղ եք իմացել: Հենց այդ տեղեկատվությունը կօգնի արագ կողմնորոշվել բարդ իրավիճակում: Շրջապատողների հետ հրաշալի լեզու կգտնեք: Լավ կանցնեն և՛ գործնական, և՛ անձնական հանդիպումները: Երեկոն հաջող կդասավորվի սիրահարված Աղեղնավորների համար: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՅԾԵՂՋՅՈՒՐ (Capricornus, 22.XII-20.I) Օրը հարմար կլինի նոր բան ստանձնելու համար: Շտապելու կարիք չի լինի, դուք բավարար ժամանակ կունենաք ստեղծված իրավիճակը վերլուծելու, գործողությունների ծրագիր կազմելու համար: Հավանական են հետաքրքիր առաջարկներ: Եթե դրանք հին ծանոթները կամ այնպիսի մարդիկ անեն, որոնց մասին ձեզ շատ բան է հայտնի, ապա կարող եք առանց երկար մտածելու համաձայնել: Մնացած դեպքերում արժե ավելի շատ ինֆորմացիա հավաքել: Օրվա առաջին կեսը բարենպաստ կլինի շփումների համար, իսկ երկրորդին շրջապատողների հետ լեզու գտնելը կբարդանա: Հազիվ թե կարողանաք խուսափել տարաձայնություններից, բայց բանը վեճին չի հասնի: ԲԻԶՆԵՍԸ՝ 5, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ՋՐՀՈՍ (Aquarius, 21.I–19.II) Օրն անսովոր ու վառ կլինի: Լավ գաղափարներ շատ կունենաք և միանգամից կարող եք անցնել դրանց իրագործմանը: Ձեր կողքին կլինեն մարդիկ, որոնք պատրաստ կլինեն օգնել: Նոր համախոհները շուտով ձեր իսկական ընկերները կդառնան, որոնց հետ շփումները կուրախացնեն ձեզ: Հավանական են անսպասելի ուղևորություններ, նաև զարմանալի հանդիպումներ, որոնք ձեզ վրա ուժեղ տպավորություն կթողնեն: Օրվա երկրորդ կեսը բարենպաստ կլինի ուսման համար: Դուք արագ կմտապահեք ամենն, ինչ կիմանաք ու ստացված ինֆորմացիայից ճիշտ եզրահանգումներ կկատարեք: Երեկոն ձեր մտերիմներից մեկի հետ կապված լավ նորություններ է խոստանում: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՁԿՆԵՐ (Pisces, 20.II–20.III) Վեճեր ու տարաձայնություններ այսօր սովորականից շատ կառաջանանան: Դրանց պատճառ կդառնա ցանկացած դատարկ բան: Նույնիսկ ամենահամոզիչ փաստարկներն ամեն անգամ չեն համոզի ձեր զրուցակիցներին: Սակայն անհանգստանալու կարիք չկա, քանի որ քիչ ժամանակ կանցնի, և նրանք, ովքեր ձեզ հետ համաձայն չէին, կփոխեն իրենց կարծիքը: Հավանական են դրամական մուտքեր, այդ թվում՝ անսպասելի աղբյուրներից: Դրանք նշանակալի չեն լինի, բայց թույլ կտան չծրագրված գնումներ անել, սիրելիին ուրախացնել հաճելի անակնկալով կամ ընտանիքի անդամների համար տոն կազմակերպել: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4: |
|
