Hushak.com

ԽՈՅ (Aries, 21.III–20.IV)

Համառ եղեք, քանի որ այսօր առանց դրա հազիվ թե կարողանաք գործերում հաջողության հասնել: Հավանական են անսպասելի թյուրիմացություններ, ձգձգումներ, դժվարություններ, ինչ-որ բան կարող է ծրագրի համաձայն չընթանալ: Բայց դուք բավականաչափ գիտելիքներ ու փորձ կունենաք ամեն ինչից գլուխ հանելու համար: Այնպես որ՝ գործեք ու խոչընդոտների առաջ մի ընկրկեք:

Օրը բարենպաստ կլինի շփումների համար: Նոր ծանոթների հետ հեշտությամբ լեզու կգտնեք, հների հետ էլ արագ ամեն բանի մասին կպայմանավորվեք: Հավանական են դրամական մուտքեր ու գործնական առաջարկներ, որոնք ընդունելով՝ կկարողանաք մեծացնել ձեր եկամուտները:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ՑՈՒԼ (Taurus, 21.IV–21.V)

Դուք կզգաք, որ պատրաստ եք անցնել բարդ գործին, որը երկար ժամանակ չէիք համարձակվում ստանձնել: Աստղերը կաջակցեն ձեր համարձակ նախաձեռնությունները: Եթե դժվարություններ առաջանան, կգտնվեն մարդիկ, որոնք պատրաստ կլինեն օգնել դրանց հաղթահարմանը: Ինտուիցիան կհուշի, թե ում հետ արժե գործ ունենալ, իսկ ումից՝ հեռու մնալ:

Հաջող զուգադիպություններ, ոգեշնչող իրադարձություններ ու լավ նորություններ շատ կլինեն: Հավանական են փոփոխություններ անձնական հարաբերություններում, որոնք ավելի ջերմ ու վստահելի կդառնան: Երեկոն հարմար կլինի ռոմանտիկ ժամադրության կամ մի մարդու հետ հանդիպելու համար, որին կուզենայիք դուր գալ:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԵՐԿՎՈՐՅԱԿՆԵՐ (Gemini, 22.V–21.VI)

Օրվա սկիզբը կուրախացնի: Սա հարմար շրջան է լինելու մանր-մունր խնդիրները լուծելու համար, որոնք վերջին ժամանակներս բարդացնում էին ձեր կյանքը: Ինտուիցիան կհուշի, թե ինչպես է պետք գործել: Եթե հետևեք նրա հուշումներին, ապա կկարողանաք խուսափել լուրջ դժվարություններից ու արագ կհասնեք նպատակին:

Օրվա երկրորդ կեսը նույնպես հաջող կլինի հատկապես այն Երկվորյակների համար, որոնք այն աշխատանքին կամ ուսմանը կնվիրեն: Դուք լավ գլուխ կհանեք նրանից, ինչն առաջ բարդ է թվացել, օգտակար բաներ կիմանաք: Մտերիմների հետ շփումները կուրախացնեն: Կհաջողվի արագ պայմանավորվել համատեղ գործողությունների մասին:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԽԵՑԳԵՏԻՆ (Cancer, 22.VI–22.VII)

Կարևոր կլինի սեփական ուժերը ճիշտ գնահատելը: Օրը բավական հաջող կլինի, սակայն չարդարացված լավատեսությունը կարող է սխալների և տհաճությունների հանգեցնել: Աշխատեք պատրանքներ չկառուցել ու չշտապել: Մտածված որոշումները ամենայն հավանականությամբ ճիշտ կլինեն, իսկ հույզերի ազդեցության ըակ գործած արարքների համար շուտով կարող եք զղջալ:

Ուշադրություն դարձրեք շրջապատողների հետ հարաբերություններին: Եթե այսօր ձեզ ճիշտ պահեք, ապա կկարողանաք ավելի լավ հասկանալ ձեր կյանքում կարևոր դեր խաղացող մարդկանց: Շատ Խեցգետիններ կսկսեն ավելի լավ հասկանալ նաև նրանց, ում հետ առաջ հաշտ չէին:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԱՌՅՈՒԾ (Leo, 23.VII–23.VIII)

Դուք արագ հաջողությունների կհասնեք աշխատանքի մեջ, եթե ձեր ձևով գործեք, այլ ոչ թե հետևեք ուրիշի օրինակին: Օրը հարմար կլինի նոր բան փորձելու, համարձակ գաղափարներն իրագործելու համար: Ձեզ հաճույքով կաջակցեն և՛ հին ծանոթները, և՛ նրանք, ում հետ միայն վերջերս եք առաջին անգամ հանդիպել:

Դուք ժամանակը զուր չեք վատնի, այդ իսկ պատճառով կհասցնեք օգտակար բաներ անել և՛ ձեր, և՛ ուրիշների համար: Օրվա երկրորդ կեսին օգտակար կլինի ընտանեկան գործերի վրա կենտրոնանալը, մտերիմների համար կարևոր հարցերը լուծելը:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5:

ԿՈՒՅՍ (Virgo, 24.VIII–23.IX)

Ծրագրեր կառուցեք: Այսօր դուք կարող եք կարևոր ու խոշոր մի բան մտածել. կասկած չկա, որ նման մտահղացումները շուտով կարողանալու եք կյանքի կոչել: Հավանական են հաճելի ծանոթություններ: Դուք հեշտությամբ լեզու կգտնեք ամենատարբեր մարդկանց հետ, շատերի վրա լավ տպավորություն կթողնեք:

Հավանական են աշխատանքի, բիզնեսի կամ ուսման հետ կապված լավ նորություններ: Չեն բացառվում առաջարկները, որոնց կուզենաք անմիջապես համաձայնությամբ պատասխանել: Օրվա երկրորդ կեսը հարմար կլինի գնումների համար: Դուք անսխալ հրաշալի իրեր կընտրեք ոչ միայն ձեր, այլև մտերիմների համար:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԿՇԵՌՔ (Libra, 24.IX–23.X)

Օրվա սկզբին դժվարություններից խուսափել հազիվ թե ստացվի: Դա լավագույն ժամանակը չի լինելու կարևոր գործ ստանձնելու համար. դժվարությամբ կկենտրոնանաք, ցավալի սխալներ կարող եք թույլ տալ: Բայց դրական միտումների ազդեցությունն արագ կուժեղանա: Օրվա կեսը թույլ կտա լուծել հին աշխատանքային խնդիրները, հաջողության հասնել կարևոր գործում:

Երեկոն հաջող կլինի շատ Կշեռքների համար: Այդ հատվածում նշանի ներկայացուցիչներին հաճելի անակնկալներ են սպասվում, այդ թվում՝ ռոմանտիկ բնույթի: Լավ կանցնի այն մարդու հետ հանդիպումը, որին վաղուց եք համակրում:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5:

ԿԱՐԻՃ (Scorpius, 24.X–22.XI)

Շտապելու կարիք չկա: Ձեզ որոշ ժամանակ է պետք գալու մտքերը հավաքելու և որոշելու համար, թե ինչով այսօր կուզենայիք զբաղվել: Շրջապատողները հազիվ թե կարողանան ինչ-որ բան խորհուրդ տալ. նրանց հուշումներն ավելի շատ կշեղեն ձեզ, քան կօգնեն: Օրվա կեսին լուծում պահանջող նոր առաջադրանքներ կհայտնվեն: Եվ դուք կսկսեք գործել:

Դրական միտումների ազդեցությունը կուժեղանա: Ձեզ հաճելի երեկո է սպասվում: Որոշ Կարիճներ լավ լուրեր կստանան, մյուսները կկարողանան հանդիպել մարդկանց հետ, որոնց վերջին ժամանակներս կարոտում էին: Հնարավոր են անսպասելի նվերներ:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԱՂԵՂՆԱՎՈՐ (Sagittarius, 23.XI–21.XII)

Օրը բավական անհանգիստ կանցնի, բայց այն ձեզ դուր կգա: Ինտուիցիան կօգնի արագ ճիշտ որոշումներ ընդունել, գլուխ հանել բարդ իրավիճակներից, լուծել այն հարցերը, որոնք մյուսները չեն կարողացել լուծել: Շրջապատողները սովորականից հաճախ կդիմեն ձեզ օգնության խնդրանքով. դուք կաշխատեք ոչ մեկին չմերժել:

Օրվա երկրորդ կեսին լավ է շատ չհոգնեք: Այդ հատվածն օգտագործեք հանգստի համար բավական կլինի մի փոքր շեղվեք գործերից, որպեսզի ձեզ ավելի առույգ և էներգիայով լի զգաք: Մտերիմները կուրախացնեն լավ նորություններով:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։

ԱՅԾԵՂՋՅՈՒՐ (Capricornus, 22.XII-20.I)

Համբերությամբ զինվեք: Նույնիսկ ոչ բարդ գործերն այսօր կարող են սովորականից շատ ժամանակ պահանջել: Ամեն ինչ չէ, որ միանգամից ուզածի նման կդասավորվի: Բայց դուք մտածածից չեք հրաժարվի, անպայման կհասնեք ձեր ուզածին: Ձեր համառությունը շատերին դուր կգա: Մարդիկ, որոնք նախկինում թերագնահատել են ձեզ, կհասկանան, թե որքան են սխալվել:

Հավանական են դրամական մուտքեր: Մի շտապեք ծախսել ստացածը. սպոնտան գնումները կարող են անհաջող լինել: Երեկոն հարմար կլինի ոչ մեծ ուղևորությունների համար: Ընտանիքի անդամները հաճույքով կմիանան ձեզ:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ՋՐՀՈՍ (Aquarius, 21.I–19.II)

Ձեզանից անհնարինը մի պահանջեք: Ոչ բոլոր առաջադրանքները կարելի է այսօր լուծել, ինչ-որ բան հանգիստ կարող եք հետաձգել: Լսեք ինտուիցիային, որը կհուշի, թե կոնկրետ ինչն է հիմա ուշադրություն պահանջում: Օրը բարենպաստ կլինի շփումների համար: Դուք կզարմանաք, թե որքան հեշտ է այն մարդկանց հետ լեզու գտնելը, որոնք նախկինում ձեզ ընդհանրապես չէին հասկանում: Չի բացառվում ընկերական կամ ռոմանտիկ հարաբերությունների սկիզբը:

Օրը հարմար կլինի ոչ մեծ գնումների համար: Ձեզ շատ ժամանակ պետք չի գալու այնպիսի իրեր ընտրելու համար, որոնք երկար կուրախացնեն: Հնարավոր են նվերներ:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ՁԿՆԵՐ (Pisces, 20.II–20.III)

Զբաղվեք նրանով, ինչը ձեզ իսկապես հետաքրքրում է. հենց նման գործերում այսօր կկարողանաք հաջողության հասնել: Հավանական են դրամական մուտքեր, այդ թվում՝ անսպասելի աղբյուրներից: Դուք ճիշտ կտնօրինեք ստացված գումարը, այն հիմար բաների վրա չեք ծախսի:

Չի բացառվում մտերիմներից մեկը ձեր աջակցության կարիքն ունենա, և դուք նրան չեք մերժի: Ձեր շնորհիվ կլուծվեն ընտանեկան խնդիրները, որոնք վերջին ժամանակներս անհանգստացնում էին և՛ ձեզ, և՛ ձեր մտերիմներին: Երեկոն հաճելի հանդիպում է խոստանում ձեզ համար յուրահատուկ թանկ մարդու հետ:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: