Աստղագուշակ․ 2022 թվականի մայիսի 26
| |
| Բաժին: Այսօրվա | Դիտումներ: 2151 | 17:00 | |
ԽՈՅ (Aries, 21.III–20.IV) Օրվա սկզբին պատրաստ եղեք համառություն դրսևորել: Հազիվ թե այդ հատվածում ամեն ինչ հեշտությամբ տրվի: Ավելի հավանական է, որ դուք ձեր մտահղացումների իրագործման ճանապարհին դժվարությունների բախվեք: Բայց ձեր կողքին կլինեն մարդիկ, որոնց կարող եք դիմել օգնության խնդրանքով: Նրանց աջակցությամբ դուք ելք կգտնեք բարդ իրավիճակից, գլուխ կհանեք և՛ նոր, և՛ արդեն ծանոթ խնդիրներից: Օրվա երկրորդ կեսը հարմար կլինի ֆինանսական հարցերը լուծելու համար: Հավանական են դրամական մուտքեր, շահավետ գործարքներ: Այդ շրջանը հաջող կլինի նաև անձնական հարաբերությունների տեսանկյունից: Մտերիմների հետ շփումները կուրախացնեն: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՑՈՒԼ (Taurus, 21.IV–21.V) Չանհանգստանաք, եթե ինչ-որ բան ծրագրի համաձայն չընթանա: Սա ամենահասարակ օրը չի լինելու, բայց այն վատն անվանել էլ չի կարելի: Հնարամտություն դրսևորելով՝ դուք կհասնեք ձեր ուզածին: Ստիպված եք լինելու իմպրովիզներ անել, ոտքի վրա ինչ-որ բան մտածել. այդ ամենից դուք հրաշալի գլուխ կհանեք: Օրը բարենպաստ կլինի ուսման, ինչպես նաև այն մարդկանց հետ շփվելու համար, որոնց փորձը կարող է օգտակար լինել ձեզ: Դուք մյուսներից վաղ պիտանի ինֆորմացիա կստանաք ու կկռահեք՝ ինչպես օգուտ քաղել դրանից: Անձնական հարաբերություններում հավանական են դրական փոփոխություններ. դուք կհասկանաք՝ ինչ կա մտերիմների հոգում: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։ ԵՐԿՎՈՐՅԱԿՆԵՐ (Gemini, 22.V–21.VI) Գումարի հետ կապված հարցերում զգույշ եղեք: Չարժե շտապելով լուծել ֆինանսական հարցերը, լուրջ գործարքներ կնքել, եթե դրանք նախապես չեք ծրագրել: Օրվա առաջին կեսին հնարավոր են տարաձայնություններ գործընկերների, վեճեր՝ ղեկավարության հետ: Բայց այդ ամենը ձեզ չի խանգարի ժամանակին գլուխ հանել գործերից: Ավելի ուշ հարաբերությունները կհարթվեն, փոխհասկացողությունն էլ կվերականգնվի: Կուրախացնեն ընկերների և մյուս մտերիմների հետ հանդիպումները: Դուք միասին հրաշալի ժամանակ կանցկացնեք: Հաջող կանցնեն ուղևորությունները. դուք բազում նոր տպավորություններ կստանաք, ոգեշնչվածության նոր աղբյուր կգտնեք: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԽԵՑԳԵՏԻՆ (Cancer, 22.VI–22.VII) Սա ամենահասարակ օրը չէ. դուք հաջողության հասնելու համար պիտի ջանքեր գործադրեք: Սակայն դրական միտումների ազդեցությունը բոլոր դեպքերում նկատելի կլինի: Դուք լավ գլուխ կհանեք նախկինում չափազանց բարդ թվացող աշխատանքից, շատ բան կսովորեք: Կհաջողվի պայմանավորվել այն մարդկանց հետ, որոնց հետ առաջ հաշտ չէիք: Ե՛վ գործնական, և՛ անձնական հարաբերությունները նկատելիորեն դեպի լավը կփոխվեն, ավելի ներդաշնակ ու ջերմ կդառնան: Հավանական են հաճելի անակնկալներ, անսպասելի նվերներ, որոնք կբարձրացնեն ձեր տրամադրությունը: Օրվա երկրորդ կեսը բարենպաստ կլինի ստեղծագործելու համար: Որոշ Խեցգետիններ այսօր հրաշալի գաղափարներ կունենան: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։ ԱՌՅՈՒԾ (Leo, 23.VII–23.VIII) Օրվա սկզբին աշխատեք մանրուքների պատճառով չբարկանալ: Դա հեշտ չի լինի, քանի որ հուզական դաշտը լարված է լինելու: Բայց դուք գլուխ կհանեք: Բացի այդ, ձեր կողքին կլինեն մարդիկ, որոնք գիտեն՝ ինչպես աջակցել ձեզ ու բարձրացնել ձեր տրամադրությունը: Աշխատեք կենտրոնանալ օգտակար գործերի վրա: Դուք շատ բան կհասցնեք, եթե ժամանակը զուր չվատնեք: Օրվա երկրորդ կեսը հանգիստ ու շատ բարենպաստ կլինի: Դուք հաջողությամբ կավարտեք այն գործերը, որոնց արդեն մեծ ուժեր եք նվիրել: Լուրջ խնդիրներ չեն առաջանա այն Առյուծների մոտ, որոնք լրիվ նոր բան կստանձնեն: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4: ԿՈՒՅՍ (Virgo, 24.VIII–23.IX) Օրվա սկզբին արժե ինքնուրույն գործել: Ինչ-որ մեկի հետ այդ հատվածում պայմանավորվելը հեշտ չի լինի. տարաձայնություններ կարող են առաջանալ ամեն դատարկ բանից: Չեն բացառվում վեճերը նույնիսկ այն մարդկանց հետ, որոնց հետ առաջ հաշտ էիք: Բայց դրական միտումների ազդեցությունը արագ կուժեղանա, և շուտով դուք բոլորի հետ ընդհանուր լեզու կգտնեք: Օրվա երկրորդ կեսը հետաքրքիր գործնական առաջարկներ է խոստանում: Լավ է չշտապեք գումարի հետ կապված որոշումների հարցում: Սպոնտան գնումները հազիվ թե հաջող լինեն, նախապես չծրագրած գործարքներն էլ կարող են շահավետ չլինել: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։ ԿՇԵՌՔ (Libra, 24.IX–23.X) Մի շտապեք: Օրը հաջող կդասավորվի, եթե ինքներդ կշռադատված որոշումներ ընդունեք, գնահատեք ձեր ամեն քայլի հնարավոր հետևանքները: Շատ Կշեռքների այսօր պետք կգա ավելի վաղ ձեռք բերած փորձը: Դրա շնորհիվ նշանի ներկայացուցիչները սխալներ չեն անի, արագ գլուխ կհանեն նրանից, ինչն առաջ չի ստացվել: Օրը հարմար կլինի այն մարդկանց հետ հանդիպելու համար, որոնց կուզենայիք դուր գալ: Շատերի վրա լավ տպավորություն կթողնեք: Ձեր ուժեղ կողմերն աննկատ չեն մնա: Դրանց ուշադրություն կդարձնեն նույնիսկ նրանք, ովքեր առաջ թերագնահատում էին ձեզ: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿԱՐԻՃ (Scorpius, 24.X–22.XI) Օրվա սկիզբը շատ բարենպաստ կլինի գործնական շփումների համար: Հենց այդ հատվածի համար արժե կարևոր հանդիպումներ ու համագործակցության մասին բանակցություններ ծրագրել: Օգտակար կլինի մասնագիտական ծրագրերը փորձառու մարդկանց հետ քննարկելը: Դուք պիտանի խորհուրդներ կստանաք: Ավելի ուշ առաջին պլանում կհայտնվեն անձնական հարաբերությունները: Շատ Կարիճների հաճելի ռոմանտիկ անակնկալներ են սպասվում: Օրվա երկրորդ կեսը հաջող կլինի նրանց համար, ովքեր ուզում են վերականգնել հին կապերը, հաշտվել այն մարդու հետ, որին անկախ իրենց կամքից վիրավորել են, հարթել բարդ հարաբերությունները: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։ ԱՂԵՂՆԱՎՈՐ (Sagittarius, 23.XI–21.XII) Օրվա սկզբին շրջապատողների հետ համբերատար եղեք: Ձեզ կարող են սխալ հասկանալ նույնիսկ նրանք, ում հետ առաջ հաշտ էիք: Պետք է մի քանի անգամ բացատրեք ամենահասարակ բաները. որոշ Աղեղնավորների նման պահերի դժվար կլինի նյարդայնությունը զսպելը: Ժամանակի հետ դրական միտումների ազդեցությունը կուժեղանա, շփումներն էլ կսկսեն ուրախացնել: Երեկոն հաճելի հանդիպումներ է խոստանում: Լավ ծանոթ գործերը հեշտությամբ կտրվեն, իսկ ահա նոր առաջադրանքները դժվարությամբ կլուծեք: Բայց դուք համառ կլինեք, սկսածը կիսատ չեք թողնի ու անպայման կհասնեք ձեր ուզածին: ԲԻԶՆԵՍԸ՝ 5, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ԱՅԾԵՂՋՅՈՒՐ (Capricornus, 22.XII-20.I) Ծրագրեր կառուցեք. այսօր դա ձեզ մոտ հրաշալի կստացվի: Կհաջողվի ճիշտ գնահատել և՛ ստեղծված իրավիճակը, և՛ սեփական հնարավորությունները: Դուք զուր հույսեր չեք տածի, շատ բան չեք սպասի շրջապատողներից: Լավ կանցնեն գործնական բանակցությունները: Չի բացառվում՝ ձեզ առաջարկեն միանալ հետաքրքիր ու խոստումնալից նախագծի վրա տարվող աշխատանքին: Օրը բարենպաստ կլինի ընտանեկան գործերի, մտերիմների հետ շփվելու համար: Եթե վերջին ժամանակներս հարազատներից ինչ-որ մեկի հետ լեզու չէիք գտնում, ապա այսօր կհաջողվի հանգիստ զրուցել ու ընդհանուր լեզու գտնել: Օրը կուրախացնի սիրահարված Այծեղջյուրներին. նրանց հաճելի անակնկալներ են սպասվում: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՋՐՀՈՍ (Aquarius, 21.I–19.II) Օրն արժե սկսել կարևոր զրույցներից: Առավոտյան հեշտությամբ ընդհանուր լեզու կգտնեք նույնիսկ նրանց հետ, ում նախկինում ընդհանրապես չէիք հասկանում: Կհաջողվի հարթել գործնական հարաբերությունները, որոնք վերջին ժամանակներս լարված էին ու շատ էին վշտացնում ձեզ: Ձեզ համար դժվար չի լինի հասկանալը, թե ինչ կա շրջապատողների հոգում: Ինտուիցիան կհուշի՝ ինչպես օգնել ձեզ համար թանկ մարդկանց: Օրվա երկրորդ կեսը բարենպաստ կլինի կարգապահություն, կենտրոնացվածություն, մանրուքներին ուշադրություն պահանջող ցանկացած աշխատանքի համար: Դուք ոչինչ աչքաթող չեք անի, նույնիսկ աննշան սխալներ չեք գործի: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՁԿՆԵՐ (Pisces, 20.II–20.III) Հենց առավոտվանից գործնական տրամադրվեք: Օրը մասնագիտական հաջողություններ է խոստանում այն Ձկներին, որոնք ժամանակը զուր չեն վատնի: Նույնիսկ լրիվ նոր աշխատանքային խնդիրները դուք արագ կլուծեք: Հավանական է՝ դրանում օգնեն մարդիկ, որոնց հետ վերջերս եք ծանոթացել: Հնարավոր են ծանոթություններ, որոնք սիրային շարունակություն կստանան: Այստեղ շատ բան կախված կլինի նրանից՝ արդյոք դուք նախաձեռնող կլինեք: Օրվա երկրորդ կեսին կարևոր կլինի դրական տրամադրվածությունը պահպանելն ու դատարկ բաների պատճառով չանհանգստանալը: Արժե հետաքրքիր մի բանով զբաղվել, օրինակ՝ վերադառնալ հին նախասիրությանը կամ փորձել նորը գտնել: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: |
|
