Աստղագուշակ․ 2022 թվականի մարտի 18
| |
| Բաժին: Այսօրվա | Դիտումներ: 2277 | 17:00 | |
ԽՈՅ (Aries, 21.III–20.IV) Մտածված գործողություններ են պետք: Լավ է չշտապեք որոշումների և արարքների հարցում, ամեն ինչ կշռադատեք: Խելամիտ շրջահայացությունը թույլ կտա խուսափել տհաճ պահերից ու հիասթափություններից: Հնարավոր է՝ չհասցնեք անել այն ամենն, ինչ ծրագրել էիք, այդ իսկ պատճառով լավ է օրն ամենակարևոր գործերից սկսեք: Կուզենաք շեղվել միապաղաղությունից, զբաղվել նոր բանով, հետաքրքիր վայրերում լինել: Օրվա երկրորդ կեսին դուք նման հնարավորություն կունենաք: Պայմանների փոփոխությունը կոգեշնչի, հետաքրքիր գաղափարներ կտա: Շուտով դուք հաճույքով կյանքի կկոչեք դրանք: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՑՈՒԼ (Taurus, 21.IV–21.V) Հանգստություն պահպանեք ու ինքնավստահ եղեք: Այսօր դուք հրաշալի գլուխ կհանեք բարդ գործերից, եթե չսկսեք կասկածել ձեր նախաձեռնությունների հաջողությանը: Կարող են հաջող անցնել այն բանակցությունները, որոնցից նման բան չէիք սպասում: Ամենատարբեր մարդկանց մոտեցում գտնելու ունակությունն այսօր ձեզ անպայման պետք կգա: Օրվա առաջին կեսին լավ է ինքնուրույն գործեք, այդպես ավելի արագ կստանաք անհրաժեշտ արդյունքը: Իսկ ահա երկրորդ կեսը բարենպաստ կլինի համագործակցության ու շփումների համար: Այդ հատվածում ձեզ հաճելի հանդիպումներ ու լավ նորություններ են սպասվում: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԵՐԿՎՈՐՅԱԿՆԵՐ (Gemini, 22.V–21.VI) Ստանձնեք կարևոր գործերը: Այսօր դուք հրաշալի գլուխ կհանեք նույնիսկ ամենաբարդ առաջադրանքներից: Օգտակար կլինի աշխատանքի մեջ նախաձեռնող լինելը. առաջին հերթին՝ դուք արագ համախոհներ կգտնեք, երկրորդ՝ կկարողանաք ձեզ վրա հրավիրել այն մարդկանց ուշադրությունը, որոնցից շատ բան է կախված: Չի բացառվում համագործակցության սկիզբը, որը ձեր առաջ նոր մասնագիտական հեռանկարներ կբացի: Աշխատեք լուրջ վերաբերվել այն ամենին, ինչ կստանձնեք: Թեթևամտությունը կարող է տհաճ հետևանքներ ունենալ: Դա հատկապես նկատելի կլինի ֆինանսական հարցերը լուծելիս: Այստեղ լավ է իրադարձությունների հաջող ընթացքի վրա հույս չդնեք: Իսկ ահա սիրո հարցում հաջողակ կլինեք: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԽԵՑԳԵՏԻՆ (Cancer, 22.VI–22.VII) Իմպրովիզներ արեք, նոր բան մտածեք: Այսօր դա ձեզ մոտ հրաշալի կստացվի: Ձեր գաղափարները շատերին դուր կգան: Եթե չկարողանաք դրանք միանգամից իրագործել, ապա ավելի ուշ անպայման կվերադառնաք մտածածին: Չի բացառվում՝ կիրառում գտնեք ձեր տաղանդներին, որոնց մասին նախկինում քչերին էր հայտնի: Հաջողությունները, որոնց կհասնեք, կհրավիրեն համընդհանուրի ուշադրությունը: Օրը բարենպաստ կլինի ուղևորությունների համար: Դրանք սպասվածից լավ կդասավորվեն: Պայմանների փոփոխությունը օգուտ կտա ձեզ. տրամադրությունը կլավանա, էներգիան էլ կշատանա: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՌՅՈՒԾ (Leo, 23.VII–23.VIII) Շփումներին ընտրողաբար մոտեցեք: Օրը հաստատ հարմար չի լինի բոլորի հետ գաղափարներով կիսվելու, առաջին հանդիպածին ձեր ծրագրերի մասին պատմելու կամ քիչ ծանոթ մարդկանց հետ կարևոր մի բան քննարկելու համար: Գործերում լավ է հույս դնեք փորձված համախոհների վրա, որոնք հուսախաբ չեն անի: Անձնական գործերի մասին արժե խոսել միայն ամենամտերիմների հետ: Հավանական են հաջողություններ աշխատանքի մեջ: Այսօր ձեզ շատ լավ կտրվեն կենտրոնացվածություն, կարգապահություն, մանրուքներին ուշադրություն պահանջող գործերը: Դուք չեք շեղվի ու սխալներ չեք անի: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿՈՒՅՍ (Virgo, 24.VIII–23.IX) Համբերությամբ զինվեք, քանի որ այն այսօր ձեզ պետք կգա: Իրադարձությունները կարող են ուզածի նման արագ չզարգանալ, հավանական են ձգձգումներ գործերում: Չեն բացառվում տարաձայնությունները գործընկերների ու ղեկավարության հետ: Վեճերը կշեղեն աշխատանքից, կարող են նույնիսկ խանգարել ժամանակին ավարտել այն: Դրական միտումների ազդեցությունը ժամանակի հետ կուժեղանա: Եթե օրվա առաջին կեսին ստիպված եք լինելու հուզվել, ապա երկրորդը հաստատ կուրախացնի: Այն ձեզ համար կարևոր հարցի հետ կապված լավ նորություններ կբերի: Ընկերների հետ հանդիպումները կբարձրացնեն տրամադրությունը, դուք ուրախ ժամանակ կանցկացնեք: ԲԻԶՆԵՍԸ՝ 3, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԿՇԵՌՔ (Libra, 24.IX–23.X) Պատրաստ եղեք անակնկալների: Ծրագրերը կարող են փոխվել, և այսօր դուք պիտի զբաղվեք ոչ նրանով, ինչի հույս ունեիք: Բայց դա ձեզ չի վշտացնի, այլ հակառակը: Այսօրվա իրադարձությունները կուրախացնեն ու կոգեշնչեն ձեզ, էներգիայի լիցքեր կտան: Դուք կզգաք, որ պատրաստ եք մեծ գործերի: Դուք անպայման հետաքրքիր մի բան կմտածեք, և լավ գաղափարներն անմիջապես աջակցություն կստանան: Հուսալի համախոհներ ձեռք կբերեք: Նրանց հետ գործ ունենալը հաճելի կլինի, շուտով կընկերանաք: Հնարավոր են ծանոթություններ, որոնք սիրային շարունակություն կստանան: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿԱՐԻՃ (Scorpius, 24.X–22.XI) Ծրագրեր կառուցեք: Այսօր ձեր ինտուիցիան սուր կլինի և անպայման կհուշի, թե ինչպես են մոտ ժամանակներս զարգանալու իրադարձությունները: Դուք ճիշտ կգնահատեք սեփական հնարավորությունները, կկռահեք, թե ինչպես են գործելու ուրիշները: Չի բացառվում՝ հաջողվի ինչ-որ կարևոր անձի հետ պայմանավորվել համատեղ գործունեության մասին: Հնարավորություն կունենաք օգնել մտերիմներին, աջակցել հուսահատվածներին: Ձեր ջանքերի շնորհիվ կլուծվեն վերջին շրջանում շատերին հանգիստ չտվող խնդիրները: Երեկոն հաճելի անակնկալներ ու նվերներ է խոստանում: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՂԵՂՆԱՎՈՐ (Sagittarius, 23.XI–21.XII) Աշխատեք ձեր ամեն քայլը լավ մտածել: Այսօր լավ է չշտապեք արարքների և որոշումների հարցում, ավելորդ բաներ չխոսեք: Ոչ բոլոր հարցերը ուզածի նման հեշտությամբ կլուծեք, բայց անհրաժեշտ արդյունքների ամեն դեպքում հասնել հնարավոր է: Հիշեք, որ լավ գաղափարները ու հարցերին ճիշտ պատասխանները ամեն անգամ մակերեսին դրված չեն լինի: Դուք անպայման կհասնեք դրանց, եթե ինքներդ ձեզ մի փոքր ժամանակ տաք: Կարևոր բաներն արժե քննարկել միայն ամենամտերիմ մարդկանց հետ: Դուք և՛ լավ խորհուրդներ, և՛ աջակցություն կստանաք: Օրվա երկրորդ կեսը հին ծանոթներից հաճելի լուրեր ու հետաքրքիր առաջարկներ է խոստանում: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՅԾԵՂՋՅՈՒՐ (Capricornus, 22.XII-20.I) Խոսեք կարևորի մասին, քննարկեք ձեզ հուզող հարցերը: Օգտակար կլինի համախոհների հետ ծրագրերով կիսվելը, մտերիմներին ձեզ անհանգստացնող բաների մասին պատմելը: Դուք անպայման աջակցություն կստանաք, այդ թվում՝ մարդկանցից, որոնց հետ հարաբերությունները վերջին ժամանակներս բարդ էին դասավորվել: Աշխատեք ավելի շատ մտածել լավի մասին: Եթե օրվա ընթացքում պահպանեք դրական տրամադրվածությունը, ապա շատ բանի կհասնեք: Ինքնավստահությունը նույնպես ավելորդ չի լինի, հատկապես, երբ կարևոր գործ ստանձնեք: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՋՐՀՈՍ (Aquarius, 21.I–19.II) Աշխատեք ավելի հաճախ աչքի առաջ լինել, մի վախեցեք ձեզ վրա ուշադրություն հրավիրելուց: Աշխարհը պետք է իմանա ձեր տաղանդների ու հաջողությունների մասին, այնպես որ՝ դրանց մասին առանց ավելորդ համեստության պատմեք: Օրը հարմար կլինի գործնական բանակցությունների, պոտենցիալ գործընկերների ու գործատուների հետ հանդիպելու համար: Հեշտությամբ հաջողության կհասնեք ստեղծագործ մոտեցում պահանջող գործերում: Ձեզ դուր կգա փորձարկումներ անելը, նոր բան հորինելը: Երևակայությունը կօգնի հաջողության հասնել այնտեղ, որտեղ ուրիշները անհաջողության են հանդիպել: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՁԿՆԵՐ (Pisces, 20.II–20.III) Համառություն դրսևորելու ժամանակն է: Հենց դրա շնորհիվ դուք այսօր կարող եք հասնել նրան, ինչը նախկինում համարյա անհնար էր թվում: Հաջողությամբ կլուծվեն փաստաթղթերի ձևակերպման, պետկազմակերպություններ դիմելու հետ կապված հարցերը: Օրը հրաշալի կլինի նոր գործ ստանձնելու համար: Դուք արագ կսովորեք այն, ինչ պետք է: Ձեր ինքնավստահությունը լավ տպավորություն կթողնի շրջապատողների վրա: Շատերը կուզենան ձեզ ավելի լավ ճանաչել: Նոր ծանոթությունը շատ օգտակար կլինի. չի բացառվում՝ այսօր հուսալի գործընկերներ ու համախոհներ գտնեք, որոնց աջակցությունը ձեզ դեռ շատ պետք կգա: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: |
|
