Աստղագուշակ․ 2022 թվականի դեկտեմբերի 25

Բաժիններ: Այսօրվա | Դիտումներ: 3833 | Ավելացրեց: Moder-003  17:00 /24.Декабря.2022

ԽՈՅ (Aries, 21.III–20.IV)

Օրը հարմար կլինի այն մարդկանց հետ շփվելու համար, որոնք կիսում են ձեր հետաքրքրություններն ու հավանության են արժանացնում ձեր ծրագրերը: Դուք նրանց հետ հեշտությամբ կպայմանավորվեք համատեղ գործողությունների մասին, պիտանի խորհուրդներ ու իրական օգնություն կստանաք, եթե այն պետք լինի: Նախկինում ֆորմալ հարաբերություններն անկաշկանդ կդառնան, իսկ շուտով ընկերական բնույթ կստանան, եթե դուք ուզենաք:

Կհաջողվի լուծել նախկինում և՛ ձեզ, և՛ ձեր մտերիմներին փակուղու առաջ կանգնեցրած հարցերը: Չեն բացառվում հեռվից լավ նորությունները, ինչպես նաև առաջարկները, որոնց առանց երկար մտածելու համաձայնությամբ կպատասխանեք:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ՑՈՒԼ (Taurus, 21.IV–21.V)

Օգտակար կլինի վստահելի մարդկանց հետ ձեր ծրագրերը քննարկելը: Ձեզ կհուշեն՝ ինչպես ավելի հեշտ կարող եք իրագործել մտածածը՝ միաժամանակ խուսափելով տհաճ պահերից ու սխալներից: Օրը հաջող կլինի այն Ցուլերի համար, որոնք կստանձնեն հին ստեղծագործ մտահղացումը կյանքի կոչելու գործը, կամ էլ կսկսեն ուսումնասիրել մի բան, որով վաղուց էին հետաքրքրվում:

Հավանական են անսովոր հանդիպումներ ու ծանոթություններ, որոնցից կարող են և՛ ընկերական, և՛ սիրային հարաբերություններ սկսվել: Այսօր դուք զարմանալիորեն սիրառատ կլինեք, հնարավոր է սիրուց կորցնեք գլուխը, սակայն հաստատ չեք զղջա դրա համար:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԵՐԿՎՈՐՅԱԿՆԵՐ (Gemini, 22.V–21.VI)

Աշխատեք չհոգնել. այսօր մեծ ծանրաբեռնվածությունները կարող են վատ անդրադառնալ և՛ տրամադրության, և՛ ինքնազգացողության վրա: Հանգստանալուց հետո ավելի առույգ, էներգիայով լի ու կենսախինդ կդառնաք: Օրվա առաջին կեսը նվիրեք այն գործերին, որոնք դրական հույզեր են տալիս, իսկ օգտակար, բայց ոչ այնքան հետաքրքիր գործերը կարճ ժամանակով հետաձգեք:

Երեկոն բարենպաստ կլինի այն մարդկանց հետ շփվելու համար, որոնց վաղուց չեք տեսել: Զրույցի համար թեմաներ շատ կլինեն, և դուք կարևոր մի բան իմանալու հնարավորություն կունենաք: Այդ հատվածը հարմար կլինի նաև մի մարդու հետ հաշտվելու համար, որի հետ վիճելու հանգամանքը ձեզ շատ էր վշտացնում:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։

ԽԵՑԳԵՏԻՆ (Cancer, 22.VI–22.VII)

Եթե այսօրվա համար լուրջ գործեր եք ծրագրել, աշխատեք դրանք ինքնուրույն անել, ոչ մեկից օգնություն չակնկալել: Համատեղ գործողությունների մասին պայմանավորվելը բարդ կլինի նույնիսկ այն մարդկանց հետ, որոնք միշտ ձեր համախոհն են եղել: Իսկ հին ընկերներն ու մյուս մտերիմները չափազանց զբաղված կլինեն սեփական խնդիրները լուծելով:

Այդ ամենը ձեզ չի խանգարի հասնել նպատակին, քանի որ շատ վճռական կլինեք, ժամանակ էլ զուր չեք վատնի: Օրվա երկրորդ կեսը ձեր աշխատանքների համար պարգև կստանաք, որոշ դեպքերում խոսքը ֆինանսական վարձատրության մասին կլինի:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԱՌՅՈՒԾ (Leo, 23.VII–23.VIII)

Օրն առանց շտապողականության ու խառնաշփոթի չի անցնի, ինչն էլ ժամանակ առ ժամանակ ձեզ կնյարդայնացնի: Բայց նույնիսկ նման պայմաններում դուք կկարողանաք իրագործել մտածած ամեն ինչ ու նույնիսկ ավելին, եթե սուր չարձագանքեք աննշան իրադարձություններին ու փոքրիկ պատահարներին: Չարժե վիճել այն մարդկանց հետ, որոնք ձեզ հետ համաձայն չեն. շուտով առանց այդ էլ պարզ կդառնա, որ հենց դուք եք ճիշտ եղել:

Քանի որ օրվա երկրորդ կեսը առաջինից հանգիստ է անցնելու, հենց այդ հատվածի համար էլ արժե ծրագրել կենտրոնացվածություն ու մանրուքներին ուշադրություն պահանջող ամեն ինչ: Դա վերաբերում է և՛ կենցաղային գործերին, և՛ ուսմանը, և՛ ձեր նախասիրություններին:

ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5:

ԿՈՒՅՍ (Virgo, 24.VIII–23.IX)

Այսօր պիտի միաժամանակ մի քանի գործով զբաղվեք: Ոչինչ չմոռանալը, աչքաթող չանելն ու չխառնելը դժվար կլինի, բայց դուք կկարողանաք դա անել: Շատ Կույսեր վաղուց դրված նպատակին տանող անսվոր ուղի կգտնեն կամ էլ կհասկանան, թե ինչպես կարող են ավելի հեշտ լուծել առօրյա խնդիրները: Աշխատանքի հետ կապված հրաշալի գաղափարներ կունենաք: Շուտով կկարողանաք իրագործել դրանք:

Օրը բարենպաստ կլինի և՛ նոր ծանոթների, և՛ մտերիմների հետ շփվելու համար: Դուք կզարմանաք, թե ինչքան լավ եք հասկանում ձեզանից տարբերվող մարդկանց: Չի բացառվում անսովոր ու վառ սիրային տարվածությունը:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԿՇԵՌՔ (Libra, 24.IX–23.X)

Օրը հարմար կլինի այն մարդկանց հետ շփվելու համար, որոնց հետաքրքրություններն ու հայացքները նման են ձերինին: Կհաջողվի օգտակար բաներ իմանալ, փոխանակվել գաղափարներով, քննարկել ծրագրերը, որոնք միասին կիրագործեք: Տարաձայնությունների առիթներ չեն լինի, իսկ ահա հաճելի պահեր շատ կլինեն: Հավանական են գրավիչ առաջարկներ, որոշ Կշեռքներ հնարավորություն կունենան լինել վայրերում, որոնց մասին շատ են լսել:

Օրվա երկրորդ կեսին աշխատեք չհոգնել. այդ հատվածում հուզական դաշտը լարված է լինելու, իսկ ձեր օրգանիզմը՝ շատ խոցելի: Հանգստացեք. դա ձեզ օգուտ կտա:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4:

ԿԱՐԻՃ (Scorpius, 24.X–22.XI)

Օրն անհանգիստ կանցնի: Ամենայն հավանականությամբ պիտի միաժամանակ մի քանի գործով զբաղվեք, և դա հեշտ չի լինի: Իհարկե, դուք կհաղթահարեք դժվարությունները, սակայն մեծ ուժերի գնով, այնպես որ՝ ժամանակը հանգստի համար մի խնայեք:

Շրջապատողների հետ հարաբերությունները լարված կլինեն օրվա սկզբին. հավանական են տարաձայնություններ ու նույնիսկ թեժ վեճեր, հեշտ չի լինի նույնիսկ ամենահասարակ բաների մասին պայմանավորվելը: Բայց շուտով իրավիճակը դեպի լավը կփոխվի, շփումները կրկին կուրախացնեն, բոլորին դուրեկան լուծումներ կգտնվեն: Երեկոն հաճելի անակնկալներ է խոստանում սիրահարված Կարիճներին:

ԲԻԶՆԵՍԸ՝ 5, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4։

ԱՂԵՂՆԱՎՈՐ (Sagittarius, 23.XI–21.XII)

Համբերությամբ զինվեք: Օրվա իրադարձությունները ուզածից դանդաղ են զարգանալու, և ոչ բոլոր գործերը կկարողանաք արագ անել: Կարող են ուշանալ մարդիկ, որոնց հետ պայմանավորվել էիք հանդիպման մասին, իսկ որոշ հարցերի լուծում էլ պիտի անորոշ ժամանակով հետաձգեք:

Սակայն դրա համար անհանգստանալ պետք չէ, քանի որ օրը ոչ միայն ցավալի ձգձգումներ, այլև նոր հնարավորություններ է բերելու: Հավանական են դրական փոփոխություններ անձնական հարաբերություններում, ծանոթություններ, որոնց համար շատ ուրախ կլինեք: Լավ նորություններ կստանան մոտ ժամանակներս սեփական բիզնես բացել պատրաստվող Աղեղնավորները:

ԲԻԶՆԵՍԸ՝ 3, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԱՅԾԵՂՋՅՈՒՐ (Capricornus, 22.XII-20.I)

Այսօր դուք օգտակար բաներ կանեք և՛ ձեր, և՛ ուրիշների համար: Հնարավորություն կունենաք լուծել այն հարցերը, որոնք վերջին ժամանակներս բոլորին ստիպում էին հուզվել: Դրանցից գլուխ հանելուն կօգնի փորձը, որի շնորհիվ դուք ուշադրություն կդարձնեք կարևոր մանրուքներին: Կարող եք կարգուկանոն հաստատել ֆինանսական գործերում: Որոշ Այծեղջյուրներ խոշոր գնումներ անելու որոշում կընդունեն:

Օրը բարենպաստ կլինի ամենամտերիմների հետ շփվելու, ընտանեկան միջոցառումների, ընկերական հանդիպումների և սիրային ժամադրությունների համար: Դուք կես խոսքից կհասկանաք ձեզ համար թանկ մարդկանց ու անպայման կգտնեք նրանց ուրախացնելու ձևը:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ՋՐՀՈՍ (Aquarius, 21.I–19.II)

Օրն անհանգիստ կանցնի, բայց դա ձեզ դուր կգա: Հնարավորություն կունենաք կենտրոնանալ այն գործերի վրա, որոնց համար ժամանակ չէր մնում, վերջապես կարգուկանոն կհաստատեք դրանցում: Ապրումների առիթները կքչանան, դուք ձեզ ավելի ինքնավստահ կզգաք: Վերջին ժամանակներս դատարկ բաների պատճառով անհանգստացող Ջրհոսները կսկսեն ապագային մեծ լավատեսությամբ նայել:

Կարող եք նոր բան ստանձնել, փորձարկումներ ու իմպրովիզներ անել. այստեղ հաջողությունը կուղեկցի ձեզ: Կիրառում կգտնվի ձեր այն տաղանդներին, որոնց մասին նախկինում ոչ ոք չէր կռահում:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ՁԿՆԵՐ (Pisces, 20.II–20.III)

Արժե հաստատակամություն դրսևորել: Հենց դրա շնորհիվ այսօր դուք կկարողանաք հասնել նրան, ինչն առաջ համարյա անհնարին էր թվում: Բայց վերջին դերը չի խաղա ձեր հնարամտությունը. դուք ուրիշի օրինակին չեք հետևի, ձեր ձևով կգործեք, նպատակին տանող կարճ ճամփա կգտնեք: Շատերին կհետաքրքրեն ձեր գաղափարներն ու ծրագրերը, պատրաստ եղեք պատասխանել ամենահետաքրքրասերների հարցերին:

Կուրախացնեն նոր ծանոթների հետ զրույցները. կպարզվի, որ ընդհանուր շատ բան ունեք: Փոխադարձ համակրանքը կարող է ժամանակի ընթացքում ավելի մեծ բանի վերաճել:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5:

Կարդացեք նաև