Աստղագուշակ․ 2022 թվականի ապրիլի 1
| |
| Բաժին: Այսօրվա | Դիտումներ: 2082 | 17:00 | |
ԽՈՅ (Aries, 21.III–20.IV) Ինչ-որ բան կարող է ծրագրի համաձայն չընթանալ, բայց ոչ մի իրադարձություն ձեզ չի շեղի, չի ստիպի հրաժարվել մտածածից: Դուք համառություն կդրսևորեք ու կհասնեք նրան, ինչը դեռ վերջերս լրիվ անհնար էր թվում: Հավանական են նկատելի փոփոխություններ գործնական հարաբերություններում. և՛ գործընկերները, և՛ ղեկավարությունը կլսեն ձեր կարծիքը, ուշադրություն կդարձնեն ձեր գաղափարներին: Հնարավոր են հաճելի իրադարձություններ ընտանիքում, լավ նորություններ՝ կապված մտերիմների հետ: Երեկոն հրաշալի կլինի հարազատների հետ շփվելու, համատեղ հանգստի և հետաքրքիր զբաղմունքների համար: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՑՈՒԼ (Taurus, 21.IV–21.V) Աշխատեք չբարկանալ այն մարդկանց վրա, որոնք խառնվում են ձեր գործերին, անտեղի խորհուրդներ են տալիս: Շրջապատողների հետ ընդհանուր լեզու գտնելը սովորականից բարդ կլինի: Կթվա, թե ձեզ ոչ ոք չի հասկանում: Բայց ժամանակի ընթացքում դրական միտումների ազդեցությունը կուժեղանա, ուրիշների հետ լեզու գտնելն էլ կհեշտանա: Կհաջողվի պարզել թյուրիմացությունները, անցյալում թողնել վեճերը: Օրվա առաջին կեսը բավական անհանգիստ կանցնի, իսկ երկրորդը կարևոր գործերի վրա կենտրոնանալու հնարավորություն կտա: Չի բացառվում՝ դրանք ժամանակին ավարտելու համար օգնության կարիք ունենաք: Դուք անպայման կստանաք այն: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ԵՐԿՎՈՐՅԱԿՆԵՐ (Gemini, 22.V–21.VI) Հարմար օր է կարևոր հանդիպումների համար: Կարևոր չէ՝ գործնական բանակցությունների եք գնում, թե սիրային ժամադրության. բոլոր դեպքերում ամեն ինչ լավ կանցնի: Լավ տպավորություն թողնելու համար մեծ ջանքեր գործադրելու կարիք չի լինի: Ձեր ուժեղ կողմերը աննկատ չեն մնա: Կարող եք գործարքներ կնքել, պայմանավորվել երկարաժամկետ համագործակցության մասին: Չեն բացառվում աշխատանքի հետ կապված հետաքրքիր առաջարկները: Որոշ Երկվորյակներ կկարողանան զբաղվել հենց նրանով, ինչով հետաքրքրվում են: Ճիշտ է, ստիպված եք լինելու ինչ-որ բան սովորել: Բայց դա ձեզ նույնիսկ կուրախացնի: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԽԵՑԳԵՏԻՆ (Cancer, 22.VI–22.VII) Նպատակասլացություն դրսևորեք ու կհասնեք նրան, ինչի մասին վաղուց էիք երազում: Ամեն ինչ չէ, որ միանգամից լավ կստացվի, բայց ո՛չ ձգձգումները, ո՛չ թույլ տված սխալները ձեզ չեն ստիպի հրաժարվել մտածածից: Եթե չի հաջողվել անհրաժեշտ արդյունքի հասնել, նշանակում է՝ պիտի ևս մի փորձ ձեռնարկեք: Հենց նման մոտեցումը կտանի հաջողության: Անձնական հարաբերությունները ներդաշնակ կդասավորվեն, դուք առանց դժվարության լեզու կգտնեք ձեզ համար թանկ մարդկանց հետ: Կարող եք հաշտվել վեճից հետո, վերականգնել հին կապերը, կարգավորել հին տարաձայնությունները: Շատ օգտակար կլինի սիրելիի հետ շփումներում նախաձեռնող լինելը: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՌՅՈՒԾ (Leo, 23.VII–23.VIII) Օրն առանձնապես ուրախ չի անցնի, բայց արդյունավետ կլինի: Կհաջողվի կենտրոնանալ կարևոր գործի վրա ու հաջողության հասնել նրանում: Ամեն ինչ չէ, որ արագ կստացվի, այնպես որ՝ համբերությամբ զինվեք: Բացի այդ, ցանկալի է՝ հույս դնեք սեփական ուժերի վրա. դա թույլ կտա խուսափել զուր հույսերից ու հիասթափություններից, բոլորի հետ լավ հարաբերություններ պահպանել: Հավանական են հաճելի ծանոթություններ, հանդիպումներ մարդկանց հետ, որոնք ձեզ համար կարող են և՛ գործընկերներ, և՛ հուսալի ընկերներ դառնալ: Դուք շատերի վրա լավ տպավորություն կթողնեք, եթե հին սովորույթներից չկառչեք, աշխատեք օգտվել ստեղծված իրավիճակի ընձեռած բոլոր հնարավորություններից: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿՈՒՅՍ (Virgo, 24.VIII–23.IX) Հիանալի օր է կարևոր բաների մասին մտածելու, և՛ ձեզ, և՛ ձեր մտերիմներին անհանգստացնող հարցերին պատասխաններ գտնելու համար: Հնարավոր է՝ ստիպված լինեք պիտանի ինֆորմացիան մաս-մաս հավաքել: Բայց դուք կանգ չեք առնի, քանի դեռ չեք պարզել ամենն, ինչ պետք է: Աշխատանքի և բիզնեսի հետ կապված որոշումները, որոնք այսօր կընդունեք, ճիշտ կլինեն: Հավանական են հեռվից լավ լուրեր: Չի բացառվում՝ իրենց մասին հիշեցնեն մարդիկ, որոնց հետ ժամանակին մոտ ընկերություն եք արել, իսկ հետո երկար ժամանակ չեք տեսել: Նրանց հետ լեզու գտնելը հեշտ կլինի. կպարզվի, որ դուք ավելի շատ ընդհանուր բան ունեք, քան թվում էր: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԿՇԵՌՔ (Libra, 24.IX–23.X) Օրը լավը կլինի գործնական հանդիպումների ու կարևոր զրույցների համար: Նույնիսկ նոր ծանոթների հետ խոսելիս արագ ճիշտ տոն կընտրեք, կգտնեք անհրաժեշտ բառերը: Մարդիկ, որոնք նախկինում ինչ-որ հարցում համաձայն չէին ձեզ հետ, կհասկանան, որ սխալվել են: Ոչ վաղ անցյալի մրցակիցները կարող են համախոհների վերածվել: Շուտով կհասկանաք՝ արդյոք կարելի է նրանց վստահել: Հավանական են հաջող ուղևորություններ: Պարտադիր չէ հեռու տեղ մեկնեք: Բավական կլինի մշտական երթուղուց շեղվելն ու ուշադիր շուրջը դիտելը: Այն, ինչ կտեսնեք, կոգեշնչի ձեզ ու հետաքրքիր մտքեր կտա: Հնարավոր են ծանոթություններ, որոնք սիրային շարունակություն կստանան: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿԱՐԻՃ (Scorpius, 24.X–22.XI) Այսօր շատ բան կարող եք հասցնել: Դրա համար նույնիսկ շտապելու կարիք չի լինի, բավական է հետևողականորեն գործեք, մի խնդրից մյուսին անցնեք՝ խուսափելով ավելորդ շտապողականությունից: Ձեզ շատերը հաճույքով կօգնեն: Այսօր սկսվող համագործակցությունը ոչ միայն արդյունավետ, այլև շատ հաճելի կլինի: Դուք պիտի ամենատարբեր մարդկանց հետ շփվեք: Ամեն մեկին չի հաջողվի մոտեցում գտնել, բայց ոչ մեկի հետ կոնֆլիկտ չի առաջանա: Չեն բացառվում ծանոթությունները, որոնք սիրային շարունակություն կստանան: Նոր հարաբերություններն արագ կզարգանան: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՂԵՂՆԱՎՈՐ (Sagittarius, 23.XI–21.XII) Այսօր ձեզ շատ պետք կգա մարդկանց հետ լեզու գտնելու ունակությունը: Նախկինում բացառապես գործնական բնույթ կրող հարաբերությունները ավելի անկաշկանդ կդառնան, և դա ձեզ օգուտ կտա: Կհաջողվի հանգիստ քննարկել այն հարցերը, որոնց պատճառով նախկինում վեճեր շատ են եղել ու լուծում գտնել դրանց: Աշխատեք խուսափել ծանրաբեռնվածությունից ու սթրեսային իրավիճակներից: Օրն այնպես ծրագրեք, որպեսզի հանգստի, հաճելի և ոչ այնքան հոգնեցնող զբաղմունքների համար ժամանակ մնա: Երեկոն հարմար կլինի կոսմետիկ պրոցեդուրաների համար. դրանք նշանակալի արդյունք կտան: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՅԾԵՂՋՅՈՒՐ (Capricornus, 22.XII-20.I) Հեշտ չի լինի, բայց դուք գլուխ կհանեք: Գործեր սպասվածից շատ կլինեն, քանի որ պիտի ուղղեք ուրիշների սխալները, ավարտեք այն, ինչ ուրիշներն են սկսել: Աշխատեք զուսպ լինել շփումների մեջ, հատկապես՝ քիչ ծանոթ մարդկանց հետ: Սա լավագույն օրը չէ դժգոհություններ ներկայացնելու, հարաբերություններ պարզելու համար: Օգտակար կլինի հին գաղափարներին վերադառնալը. հնարավոր է՝ այսօր դրանք կյանքի կոչեք: Հաճույքով կօգնեն մարդիկ, որոնք վաղուց գիտեն ձեզ: Նրանց խնդրելու կարիք էլ չի լինի: Հավանական են դրամական մուտքեր, այդ թվում՝ անսպասելի աղբյուրներից: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4։ ՋՐՀՈՍ (Aquarius, 21.I–19.II) Հնարավորություն կունենաք լուծել բարդ հարցերը, հաղթահարել վաղուց առաջ գնալուն խանգարող խոչընդոտները: Ձեզ կհաջողվի մտածել մի բան, որն ուրիշների մտքով չի անցել. երևակայությունը կօգնի հաղթել մրցակիցներին, զինաթափել թշնամիներին: Չեն բացառվում ծանոթությունները, որոնցից երկարատև ընկերություն կսկսվի: Օրը բարենպաստ կլինի ֆինանսական հարցերը լուծելու համար: Գումարին վերաբերող հարցերում կարող եք հույս դնել ինտուիցիայի վրա: Եթե հետևեք նրա հուշումներին, ապա փոքրիկ սխալներ էլ չեք անի: Հաջող կլինեն գնումները, որոնք կանեք օրվա երկրորդ կեսին: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՁԿՆԵՐ (Pisces, 20.II–20.III) Օրը հարմար կլինի սովորելու, տեղեկատվություն հավաքելու և վերլուծելու, բարդ հարցերին պատասխաններ փնտրելու համար: Դուք ուշադիր ու լուրջ կլինեք, չեք գոհանա նրանով, ինչ դրված է մակերեսին, կաշխատեք միշտ հասնել ճշմարտությանը: Ամենը, ինչ այսօր կիմանաք, անպայման պետք կգա մոտ ժամանակներս: Կուրախացնի հին ընկերների ու պարզապես ձեր հետաքրքրությունները կիսող լավ ծանոթների հետ հանդիպումը: Կգտնվեն գործեր, որոնցով կուզենաք միասին զբաղվել: Հնարավոր է՝ ընդհանուր ծրագրեր հայտնվեն, որոնք շուտով կյանքի կկոչեք: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: |
|
