Հանճարեղ գրողներին շատ բառեր անհրաժեշտ չեն: Նրանք կարող են գլուխգործոցներ ստեղծել անգամ մի քանի բառով կամ նախադասությամբ: Մենք ծանոթ ենք այս հանճարների վեպերին ու ծավալուն այլ ստեղծագործությունների, բայց արժե նաև կարդալ նրանց ամենակարճ պատմվածքները:

• Մի անգամ Հեմինգուեյը գրազ եկավ, որ կգրի պատմվածք՝ բաղկացած ընդամենը վեց բառից, որը կհուզի ցանկացած մարդու: Հեմինգուեյը հաղթեց գրազը.

«Վաճառվում են մանկական կոշիկներ: Հագած չեն»:

• Ֆրեդերիկ Բրաունը հորինել է երբևէ գրված ամենակարճ սարսափ պատմությունը.

«Երկրագնդի վրա մնացած վերջին մարդը նստած էր սենյակում: Դուռը թակեցին...»:

• Օ' Հենրին հաղթել է ամենակարճ պատմվածքի մրցույթում՝ գրելով դասական պատմվածքին բնորոշ բոլոր բաղադրիչներով՝ հանգույց, կուլմինացիա, լուծում.

«Վարորդը ծխեց ու շրջվեց՝ նայելու բենզատարին՝ բենզին շատ կա, թե քիչ: Մահացածը քսաներեք տարեկան էր»:

• Անգլիացիները նույնպես կազմակերպել են ամենակարճ պատմվածքի մրցույթ: Համաձայն մրցույթի կանոնների՝ պետք է գործածված լինեին հետևյալ բառերը՝ թագուհի, Աստված, սեքս, գաղտնիք: Առաջին տեղը գրավեց այս պատմվածքը՝

«Օ, Աստված իմ, - գոչեց թագուհին, - ես հղի եմ ու չգիտեմ՝ ումից»:

• Ամենակարճ կենսագրականի մրցույթում հաղթեց մի ֆրանսուհի, որ գրել էր.

«Նախկինում ես ունեի հարթ մաշկ և ճմրթված շրջազգեստ, իսկ հիմա ճիշտ հակառակն է»:

• Աուգուստո Մոնտեռոսո

«Երբ նա արթնացավ, դինոզավրը դեռ այնտեղ էր»:

• Ամելի

«Պարոն, երբ մատով դեպի երկինք են ցույց տալիս, միայն հիմարն է նայում մատին»:

• Իսպանացի

«Ցուլ. երկու ցլամարտիկ: Ցուլ. մեկ ցլամարտիկ: Ցուլ…»:

• Ֆրանկլին Դելանո Ռուզվելտը զրուցակցի ուշադրությունը գրավել է պատմական դարձած՝ «Այսօր առավոտյան ես սպանել եմ իմ տատիկին» արտահայտությամբ:
• Երբ Վիկտոր Հյուգոն իր «Մերժվածները» վեպի ձեռագիրը ուղարկել է խմբագրություն, նամակում գրել էր՝ «?»: Հեղինակը ստացել է համապատասխան պատասխան՝ «!»:
• Ամենահայտնին շարունակում է մնալ այս «պատմվածքը».

«Սկզբում եղել է Բանը…»: Այս կարճ պատմվածքը շարունակում է գոյություն ունենալ ավելի քան 2000 տարի և չի ավարտվում: