Ամսի 25-ին ծնվածների բնավորությունը
| |
| Բաժին: Գուշակ | Դիտումներ: 2954 | 12:00 | |
25-ը տարօրինակ թիվ է՝ 2-ի մեղմության, 5-ի ագահության ու 7-ի փոփոխությունների հանդեպ սիրո միաձուլումը: 2 թիվը չնայած այստեղ առաջինն է, բայց ավելի քիչ դեր է խաղում: Ավելի ուժեղ է 5-ը, որն էլ գումար ու նյութական միջոցներ է պահանջում: Այս մարդիկ հեշտությամբ են գայթակղություններին ու անօրինական գործողություններին զոհ գնում, լավ գործնական հատկանիշներ ունեն, բայց նախընտրում են սպեկուլյացիան ու խաղը: 7-ի ազդեցությամբ նրանք փոփոխությունների մեծ ցանկություն ունեն: Նրանց հույզերի վրա 2-ն ու 5-ը միանման ազդեցություն են գործում: Նրանք մեղմ են, ռոմանտիկ, խելացի, ընկերների ու գործընկերների հետ հոգևոր շփում են փնտրում: 5 թիվը նրանց ձգում է դեպի պիտանի մարդիկ, որոնք կյանքում հաջողության են հասել: Նրանք սիրում են փոփոխությունները, և եթե հարաբերությունները խորը չեն, երկար ընկերություն չեն անում մարդկանց հետ: Հուզական առանձնահատկությունները: Սեքսուալ առումով նրանք տարօրինակ համադրություն են՝ ձգտում են դեպի նրանց, ովքեր լավ ապահովված են, միևնույն ժամանակ հակված են ռոմանտիկայի, ինչն էլ ստիպում է իդեալականացնել զուգընկերոջը: Սերը նրանց գլխում է ծնվում, եթե օբյեկտը նյութականապես ապահովված է: Չնայած ռոմանտիկային՝ աղքատ մարդիկ նրանց չեն գրավում: Ֆիզիկական առումով միջին ուժ ունեն: Արկածների սիրահար չեն ու առանձնապես կարիք չունեն սեքսի: 25-երը ռոմանտիկ մատերիալիստներ են: Երջանիկ են այն մարդկանց հետ, ովքեր ուղղորդված են դեպի գործը: Նրանց պետք է և հոգևոր բավարարվածություն, և փող: Նրանց պետք է նաև մեկը, ով իրենց նման երազկոտ կլինի: Նրանց նշանաբանն է՝ փոփոխություններն ավելի լավ են, քան հանգիստը: Նրանց դեկորացիաների փոփոխություն է պետք: Նրանք բնույթով անհավատարիմ չեն, նրանց կեղծավոր ու թեթևամիտ էլ չես անվանի: Փոփոխությունների նրանց ծարավը անհրաժեշտություն է, դրա հետ պետք է հաշտվել: Սակայն էությամբ մեղմ լինելով՝ կարող են ճնշել փոփոխությունների այդ ցանկությունը, եթե հարաբերություններն այդպես են պահանջում: Թերությունները: 25 թիվը մատերիալիստական հակվածություններ ունի: Այս մարդիկ նախընտրում են թեթև ճանապարհով ստացված գումարը: Դրա հետ կապված՝ կարող են վատ շրջապատ ընկնել: Արագ են բարկանում, բռնկուն են ու անհամբեր: Երջանիկ թվերը՝ 2, 7, 11, 20, 29, 16, 25: Թշնամի թվերը՝ 5, 14, 23: Ուրախ ամսաթվերը՝ 2 և 7: Հաջող օրերը՝ երկուշաբթի, երեքշաբթի: Վատ ամիսները՝ մայիս, հոկտեմբեր: Գույները՝ դեղին ու կանաչ: Քարերը՝ մարգարիտ, լուսնաքար: Հիվանդությունները՝ մաշկն ու մարսողական համակարգը: Խորհուրդ: Պետք է նվազեցնել գումարի ու նյութական բարիքների հանդեպ ունեցած ագահությունն ու կենտրոնանալ արվեստի հանդեպ սիրո վրա: 25-ի վաղ տարիներին բնութագրական են փոփոխությունները, փորձություններն ու փնտրտուքները: Ավելի հասուն տարիքում նրանք արդեն խաղաղ կյանք են վարում: Պետք է խուսափեն բռնկուն լինելուց: |
|
