Ամսի 1-ին ծնվածների բնավորությունը
| |
| Բաժին: Գուշակ | Դիտումներ: 3289 | 12:00 | |
1 թիվը խորհրդանշում է Արեգակը: Մարդիկ, ովքեր ծնվել են ամսի 1-ին, ստեղծագործող ու հնարամիտ անձնավորություններ են: Նրանք հավատարիմ են իրենց հայացքներին, համոզելու շնորհք ու ներուժ ունեն: Չեն սիրում սահմանափակումները ու անտեղի խորհուրդները: Նախընտրում են ինքնուրույն աշխատել: Այս մարդիկ բավականին ամբիցիոզ են, վճռական են ու կամքի մեծ ուժ ունեն, գործողություններում էլ համառ ու ինքնասածի են: Ամսի 1-ին ծնված երեխան չի հանգստանա, մինչև իր պահանջները չկատարվեն, իր ուզածն անելու համար բոլորին կարող է իրար խառնել: Այս օրը ծնվածների հանդեպ պետք է նրբանկատ մոտեցում ցուցաբերել: Հուզական առանձնահատկությունները: Այս մարդիկ շատ ամբիցիոզ են, իրենց ամբիցիաներն էլ բավարարելու համար օգտագործում են մտավոր ունակությունները: Քիչ տեղ են տալիս սիրուն ու ռոմանտիկային: Տարվածությունները երկրորդական տեղ են զբաղեցնում, կարճաժամկետ են ու ենթարկվում են գլխավոր նպատակին՝ ամբիցիաների բավարարմանը: Տարվածության կամ սիրո օբյեկտը պետք է ենթարկվող լինի և պահանջկոտ չլինի: Սեքսն էլ այս մարդկանց համար միակողմանի է, ուղղված է սեփական ցանկությունների իրագործմանը: Զուգընկերոջ հանդեպ հոգատարությունը խիստ կարևոր չեն համարում: Այդ պատճառով էլ նրանց ամուսնությունը հազվադեպ է հաջող ստացվում, եթե միայն զուգընկերը հասկացողությամբ ու հարգանքով չվերաբերվի նրանց անհատական հատկանիշներին: Թերությունները: Ինչպես վերևում նշվեց, ամբիցիաները բավարարելը այս մարդկանց կյանքի գլխավոր նպատակն է: Նրանք վճռականություն ու հաստատակամություն են ցուցաբերում և չեն հրաժարվում նպատակից: Սա լավ է, եթե մեղմվում է խոհեմությամբ, որով նրանք հազվադեպ են օժտված լինում: Երջանիկ թվերը: Ամսի 1-ին ծնվածների համար ամենից հաջող հարաբերությունները հաստատվում են ամսի 1, 10, 19, 28, 4, 13, 22, 31-ին ծնվածների հետ: Թշնամի թվերը: Աններդաշնակ հարաբերություններ ամսի 2, 11, 20, 29, 6, 15, 24, 7, 16, 25-ին ծնվածների հետ: Հաջող օրերն են կիրակին ու երկուշաբթին: Եթե այս օրերը համընկնում են ամսի 10, 19 կամ 28-ի հետ, արդյունքը կրկնակի լավն է: Քարը: Տոպազ, դեղին ալմազ և դեղին երանգով բոլոր քարերը: Թանկարժեք քարը: Ոսկին: Գույները: Ոսկեգույն, բաց դեղին: Հիվանդությունները: Սրտի ու աչքերի հետ կապված հիվանդություններ: Հնարավոր են ճնշման հետ կապված խնդիրներ: Խորհուրդ: Նումերոլոգիայում 1 թիվն ամենից լավն է: Այս օրը ծնված մարդիկ նշանավոր անձնավորություններ են, վճռական են ու ստեղծագործական ունակություններ ունեն: Միայն թե դժվարությունների են հանդիպում մարդկանց հետ շփվելիս: Մարդիկ պետք է հասկացողությամբ մոտենան ամսի 1-ին ծնվածներին: Վերջիններս դաժան չեն, պարզապես անփույթ են շփման մեջ: |
|
Նմանատիպ նյութեր