Շուրթերն ու բնավորությունը
| |
| Բաժին: Նախանշաններ | Դիտումներ: 3904 | 15:00 | |
Վերին շրթունքը խորհրդանշում է կանացի էներգիան, ուստի զարմանալի չէ, որ տղամարդիկ հաճախ ծածկում են այն բեղերի միջոցով իրենց տղամարդկային սկիզբն ընդգծելու համար: Վերին շրթունքը նաև մեր ներաշխարհի, զգացմունքների հետ է կապված: Ստորին շրթունքը տղամարդկային էներգիան է խորհրդանշում ու ցույց է տալիս մեր հարաբերություններն արտաքին աշխարհի հետ: Եվ այսպես. Հաստ շուրթեր
Այսպիսի շուրթեր ունեցող մարդիկ հուզական են, զգայուն, արտահայտիչ արտաքին ունեն: Նրանք նաև հումորի լավ զգացում ունեն, ուրախանում են ինքնարտահայտման ցանկացած հնարավորությունից: Ուռուցիկ հաստ շուրթերը կյանքում մեծ հաջողություններ են կանխորոշում: Հաստ շուրթեր ունեցող մարդիկ նաև շռայլ են, նրանց բնորոշ է նաև շուտ վիրավորվելու հատկությունը: Հաստ ստորին շրթունք
Այսպիսի մարդիկ համոզելու շնորհքով են օժտված, կարողանում են առաջ տանել սեփական տեսակետները, հատկապես այն դեպքերում, երբ խոսք է գնում փաստերի ու թվերի աշխարհի մասին: Եթե ներքին շուրթը երկու անգամ հաստ է, բնատուր համոզելու ձիրքը թույլ է տալիս հմայել ունկնդիրներին ու հավատացնել սեփական խոսքերի ճշմարտացիության մեջ: Սակայն այսպիսի մարդիկ ավելի շուտ նախընտրում են գործել, քան խոսել: Եթե վերին շուրթը շատ բարակ է, ապա մարդն այնքան տարված է գործերով, որ կարող է նույնիսկ զգացմունքները գործով փոխարինել: Հաստ վերին շրթունք
Այսպիսի մարդիկ ուղղամիտ են, կարող են չափից դուրս անկեղծ լինել: Նրանք պետք է ավելի մեղմ լինեն մարդկանց հետ շփվելիս, քանի որ նման անկեղծությունը կարող է վիրավորել մարդկանց: Եթե վերին շուրթը շատ չնչին է հաստ ներքևինից, ապա դա ցույց է տալիս մարդու խելքը, զգուշությունն ու ուղղամտությունը, եթե այն առաջ եկած է՝ նաև անվճռականությունը: Շատ առաջ թեքված վերին շուրթը բնորոշում է եսասեր մարդկանց, նրանց շատ հեշտ է վիրավորելը: Բարակ շուրթեր, երբ դրանք համարյա չեն երևում կամ առկա է միայն բերանի բարակ գիծը
Այսպիսի մարդիկ ազատ չեն արտահայտում զգացմունքներն ու հայացքները, զգույշ են մտքեր արտահայտելիս, որոնք կարող են քննադատության արժանանալ: Նրանք սառն են, հաշվենկատ, ներամփոփ ու զգույշ, հակված չեն շատ վստահել մարդկանց: Եթե շուրթերը բարակ են, բայց բերանը լայն է, ապա նման մարդը, ճիշտ է, դժվարությամբ է հարմարվում մարդկանց, բայց արդեն շփման մեջ շատ ակտիվ ու սրամիտ է: |
|
Նմանատիպ նյութեր