Ճակատն ու բնավորությունը
| |
| Բաժին: Նախանշաններ | Դիտումներ: 2537 | 15:00 | |
Ճակատը դեմքի ամենից արտահայտիչ մասերից է, որին դժվար է առաջին հանդիպման ժամանակ ուշադրություն չդարձնելը: Ճակատի ձևը տեղեկություն է պարունակում մարդու մտածելու ոճի մասին, ինչպես նաև ցույց է տալիս, թե ինչ մոտեցումներ է նա կիրառում զանազան խնդիրներ լուծելիս: Ֆիզիոգնոմիկայում առանձնացնում են ճակատի 3 տիպ: 1. Ուռուցիկ ճակատ: Ուռուցիկ ճակատը բնորոշ է այն մարդկանց, ովքեր խնդիրների լուծման ժամանակ ձգտում են ինքնատիպությունն ու երևակայությունը կիրառել: Նման մարդկանց հատուկ է սահմանափակումներին ու կոշտ համակարգերին չենթարկվելը: Ամենուր նրանք փնտրում են այլընտրանքային մոտեցումներ, որտեղ չեն սահմանափակի նրանց ընտրության հնարավորությունը: Ուռուցիկ ճակատով մարդիկ ձգտում են խնդիրների համար ինքնուրույն լուծում գտնել:
2. Թեք ճակատ: Այս մարդկանց առանձնահատկություններից է հիանալի հիշողությունը և արագ ռեակցիան: Ժամանակը չվատնելու համար նրանք նախընտրում են կիրառել միայն փորձված մեթոդներ: Հենվելով հին փորձին՝ այս մարդիկ կարող են արագ կողմնորոշվել նաև ներկա իրադրությունում՝ գործնականում կիրառելով խնդրի լուծման արդեն գոյություն ունեցող սխեմաները: Բացի այդ, այս մարդիկ նաև հաջողությամբ ընդունում են ուրիշների փորձը, գործնականում կիրառում են այն տեխնոլոգիաները, որոնք տեսնում են սոցիալական միջավայրում:
3. Ուղիղ ճակատ: Այս դեպքում ճակատի ձևն ուղիղ համեմատական է մարդու բնավորությանը. այսպիսի անձնավորության մտածողությունն էլ ուղիղ գործընթաց է: Այս մարդու համար դժվար է արագ յուրացնել տեղեկատվությունը, հատկապես, եթե այն հետևողականորեն չի տրվում: Ամեն ինչ հասկանալու ու ընկալելու համար նրան ժամանակ է պետք: Նման մարդուն եթե ստիպեք արագ մտածել ու արագ որոշումներ ընդունել, նա կարող է «կոտրվել»: Ուղիղ ճակատ ունեցող մարդու ուժեղ հատկությունն այն է, որ նա փաստացի կարող է մշտապես հիշել ինֆորմացիան, եթե այն ժամանակին մաս առ մաս տեղադրվել է ուղեղում:
|
|
Նմանատիպ նյութեր