Ժպիտն ու նրա նշանակությունը
| |
| Բաժին: Նախանշաններ | Դիտումներ: 3464 | 15:00 | |
Ժպիտը մարդու մասին կարող է ավելին ասել, քան ցանկացած այլ ժեստ: Ժպտալիս բերանի անկյունները պետք է վերև բարձրանան: Եթե դրանք ներքև են իջնում, ապա դա ժպիտ չէ, այլ դիմակ` սառն ու ձևական: Բնական ժպիտ (ատամները բացվում են, լնդերը` ոչ)
Այսպես ժպտացող մարդը ներդաշնակության մեջ է գտնվում սեփական զգացմունքների հետ, դրանք ի ցույց չի դնում, բայց չի էլ թաքցնում: Այս ժպիտը նաև ինքնավստահության նշան է: Բացված լնդեր
Եթե լայն ժպտալիս երևում է նաև լնդերը, ապա տվյալ անձնավորությունը համոզված է, որ սիրված է մարդկանց կողմից միայն այն պատճառով, որ նրանց համար ինչ-որ բան է անում կամ ինչ-որ բան կարող է նրանց տալ: Շատ հնարավոր է, որ նման մարդիկ ձգտում են օգտակար բաներ անել շրջապատի համար, չեն հավատում, որ կարող են սիրված լինել հենց այնպես: Նրանք ձգտում են համակրանք ու սեր նվաճել առատաձեռնության, ինքնազոհաբերության միջոցով: Սիրում են նվերներ անել` չմտածելով արդյոք իրենց էլ նույն կերպ կպատասխանեն: Ձգված շուրթեր (երբ վերին շրթունքը ձգվում է ատամների վրա)
Այսպիսի ժպիտը դիմակ է, որը թաքցնում է նրա տիրոջ իսկական զգացմունքները: Նա փորձում է հոգատարություն ու անկեղծություն ցուցադրել, որը, սակայն, գոյություն չունի: Այս ժպիտի հետևում կարող է սուտ թաքնված լինել: Խուսափեք որևէ իր գնել այն վաճառողից, որը նման կերպ է ժպտում: Հավաքված շուրթեր (համբույրի տեսքով)
Այսպիսի ժպիտը արտահայտում է տարածություն պահելու ցանկություն: Այն կարծես ասում է. «Ես քաղաքավարի եմ ձեզ հետ, բայց մի շտապեցրեք ինձ: Ինձ ավելի մոտենալու համար ժամանակ է անհրաժեշտ, սակայն փորձերից հրաժարվել պետք չէ»: Ծուռ ժպիտ (բերանի մի անկյունը վեր է մյուսից)
Սա ցուցադրական ժպիտ է: Այսպես ժպտացող մարդը փորձում է լավ տպավորություն թողնել, ցույց չի տալիս իր իրական զգացմունքները: |
|
