Ատամի արմատի ցանկացած վնասվածք անտանելի ցավ է առաջացնում։ Fithacker.ru կայքը գրում է, որ նյարդի վնասման մի քանի պատճառներ կան.
- ատամի կոտրվածք,
- ատամի կորուստ,
- կարիես,
- լնդերի բորբոքում,
- քնի ժամանակ ապնոէի համախտանիշ,
- ստորին ծնոտի հոդերի բորբոքում,
- պլոմբի սխալ տեղադրում։
Ատամի ցավը զգալիորեն իջեցնում է կյանքի որակը, այն հաճախ թույլ չի տալիս քնել, ուտել և խոսել։ Եթե ատամի ուժեղ ցավը հաճախ է անհանգստացնում, ապա հարկ է դիմել ստամնաբույժի օգնությանը։ Իսկ եթե ատամը սկսել է ցավել այնպիսի պահի, երբ հնարավոր չէ դիմել բժշկի օգնությանը, գոյություն ունի միջոց, որը կօգնի ժամանակավորապես մեղմել ցավը։
Բաղադրիչներ.
- ½ թեյի գդալ երիցուկի փոշի,
- ½ թեյի գդալ կոկոսի յուղ։
Ինչով է օգտակար այս միջոցը։ Երիցուկի փոշին քիմիական միացություն է պարունակում, որը մեղմացնում է ատամի ցավը։ Կոկոսի յուղը հակամիկրոբային հատկություններ ունի։
Պատրաստման եղանակը և օգտագործումը։ Ապակե տարայի մեջ խառնեք երկու բաղադրիչները։ Ատամի խոզանակի միջոցով քսեք ցավող ատամին։ Կրկնեք շաբաթվա ընթացքում 3 անգամ։
Մինչև ատամնաբույժի մոտ գնալը կարող եք ժամանակավոր ազատվել ատամի ցավից կամ գոնե մեղմել ցավը տան պայմաններում:
Աղ և պղպեղ
- Տարօրինակ է մտածել, որ համեմունքը կարող է բուժել ատամի ցավը: Սակայն, այս երկու բաղադրիչները միասին ունեն հակաբորբոքային հատկություններ: Վերցրեք աղ և պղպեղ հավասար համամասնությամբ և մի քանի կաթիլ ջուր ավելացրեք, ստանալու համար ատամի մածուկի նման խառնուրդ: Քսեք ցավոտ ատամի վրա և պահեք մի քանի րոպե: Այնհուհետև զգուշորեն ողողեք բերանի խոռոչը: Մոտ երկու ժամ կմոռանաք ցավի մասին:
Սխտոր
- Այն ևս հայտնի է հակաբորբոքային հատկություններով: Պարզապես սխտորի մի պճեղ ճզմեք և դրեք ատամի վրա: Թողեք 5-10 րոպե, ապա բերանի խոռոչը ողողեք տաք ջրով: Օրվա ընթացքում կատարեք այս գործողությունը մի քանի անգամ:
Սառույց
- Այն ևս իջեցնում է այտուցը և կանխում բորբոքումը: Ցավը թեթևացնելու համար հարկավոր է վերցնել սառույց։ Փաթաթեք սրբիչի մեջ և պահեք թշին:
Աղաջուր
- Աղաջրի մեջ կա այն ամենն, ինչը կազատի ձեզ ատամի ցավից: Համոզվեք, որ ձեր ջուրը սենյակային ջերմաստիճանի է: Ավելացրեք 1/2 թեյի գդալ աղ: Այս լուծույթով ողողեք մի քանի րոպե: Այս լուծույթը կվերացնի նաև բերանի խոռոչում առկա մանրէները:
Սոխ
- Մի կտոր սոխ դրեք ցավող ատամի վրա, ապա փորձեք կծել այն: Այս միջոցը ևս մասնակիորեն կազատի ցավից և կդանդաղեցնի բորբոքային գործընթացը:
Անանուխ
- Անանուխով պատրաստված թեյը վաղուց հայտնի է՝ որպես գերազանց և արագ ազդող ցավազրկող միջոց: Պատրաստեք անանուխով թուրմ և ողողեք բերանի խոռոչն ատամնացավի ժամանակ, կամ անանուխի թուրմով թրջած բամբակով տրորեք ցավող ատամը:
Մեխակի յուղ
- Այս յուղը հանդիսանում է ժամանակով ստուգված միջոց ատամնացավի դեմ, քանի որ ունի հակամանրէասպան և ցավազրկող հատկություններ: Այդ յուղից մի քանի կաթիլ կաթեցրեք բամբակի վրա և դրանով տրորեք ցավող ատամը, կամ կես բաժակ ջրի մեջ ավելացրեք 2-3 կաթիլ մեխակի յուղ և ողողեք դրանով բերանի խոռոչը:
Վանիլին
- Ուղղակի մի քանի բյուրեղ դրեք ցավող ատամի վրա: Մի քանի ժամում ցավն ուղղակի կանհետանա:
Սոդա
- Բերանը ողողել սոդայի լուծույթով (1 բաժակ գոլ ջրի մեջ ավելացնել 1 ճաշի գդալ սոդա և կարելի է ավելացնել նաև մեկ կաթիլ յոդ):
Այս միջոցներով կարող եք ժամանակավորապես դադարեցնել ցավը, սակայն վերջնական ցավից ձերբազատվելու համար հարկավոր է այցելել ատամնաբույժի:
|
