Աստղագուշակ․ մայիսի 25
| |
| Բաժին: Այսօրվա | Դիտումներ: 2649 | 17:00 | |
ԽՈՅ (Aries, 21.III–20.IV) Օրվա առաջին կեսը բարենպաստ կլինի: Նույնիսկ եթե դուք չգիտես ինչու ուզենաք սարեր շուռ տալ, ձեզ մոտ դա հաստատ կստացվի: Շատ Խոյեր հաջողության կհասնեն այնտեղ, որտեղ մյուսներն անհաջողության են հանդիպել և հաճույքով կօգնեն նրանց, ովքեր բարդ իրավիճակում են հայտնվել: Էներգիա շատ կունենաք, բայց օրվա երկրորդ կեսին օգտակար կլինի հանգստանալն ու ուժերը վերականգնելը: Իրավիճակը թույլ կտա փոքրիկ դադար վերցնել: Արժե պայմանների փոփոխություն անել. նոր վայրերում լինելու հնարավորությունը նշանի շատ ներկայացուցիչների կոգեշնչի: Ուղևորությունների ժամանակ հավանական են հետաքրքիր ծանոթություններ: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՑՈՒԼ (Taurus, 21.IV–21.V) Օրվա սկիզբը անհանգիստ կանցնի: Դուք ուրախ կլինեիք կենտրոնանալ գործերի վրա, զբաղվել նրանով, ինչի համար ժամանակ չէր լինում, բայց ձեզ հաճախ կշեղեն հարցերով, խորհուրդներով, օգնություն կխնդրեն ձեզանից: Կթվա, թե ոչ մի խնդիր չի կարող լուծվել առանց ձեր անմիջական մասնակցության: Օրվա երկրորդ կեսին իրավիճակը կկայունանա: Կգա աշխատանքի և ուսման համար հարմար ժամանակը: Շատ Ցուլեր կզբաղվեն հին ծրագրերի իրագործմամբ, կհասնեն վաղուց դրված նպատակներին: Հավանական են դրամական մուտքեր, այդ թվում՝ անսպասելի աղբյուրներից: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԵՐԿՎՈՐՅԱԿՆԵՐ (Gemini, 22.V–21.VI) Բարենպաստ օր է գործնական շփումների, համագործակցության պայմանները քննարկելու, պոտենցիալ գործատուների և գործընկերների հետ հանդիպելու համար: Ձեր ուժեղ կողմերը ցուցադրելու համար մեծ ջանքեր գործադրելու կարիք չի լինի. բոլորը առանց այդ էլ կտեսնեն դրանք: Հավանական են հաջող գործարքներ: Օրվա երկրորդ կեսը դրական փոփոխություններ է խոստանում այն մարդու հետ հարաբերություններում, որը յուրահատուկ թանկ է ձեզ համար: Դուք շատ բաների մասին կկարողանաք անկեղծորեն խոսել ու անպայման փոխհասկացողության կհասնեք: Ապագայի ծրագրերի հետ կապված տարաձայնություններ չեն լինի: Լավ կանցնեն ռոմանտիկ ժամադրությունները: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԽԵՑԳԵՏԻՆ (Cancer, 22.VI–22.VII) Օրվա սկիզբն անհանգիստ կլինի: Դուք կարող եք բախվել դժվարությունների, որոնց չէիք սպասում: Ամեն անգամ չեք կարողանա ընդհանուր լեզու գտնել փորձված համախոհների հետ, հնարավոր են վեճեր ու կոնֆլիկտներ: Բայց վշտանալու կարիք չկա: Ժամանակի ընթացքում դրական միտումների ազդեցությունը կուժեղանա, շատ խնդիրներ իրենք իրենց լուծում կստանան: Օրվա երկրորդ կեսը կուրախացնի լավ նորություններով ու առաջարկներով, որոնք մերժելու ցանկություն չեք ունենա: Հարմար ժամանակ է այն մարդկանց հետ շփվելու համար, որոնց գիտելիքներն ու փորձը ձեր հարգանքն են առաջ բերում. ինչ-որ օգտակար բան իմանալու, պիտանի խորհուրդ ստանալու շանս կա: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՌՅՈՒԾ (Leo, 23.VII–23.VIII) Մի շտապեք ստանձնել կարևոր գործերը: Օրվա սկիզբը դրանց համար հարմար չէ. ձեզ չի հաջողվի հավաքել մտքերը, վտանգ կա՝ կարևոր բան մոռանաք: Բացի այդ, կարող են խախտվել ավելի վաղ ձեռք բերված պայմանավորվածությունները, և դա կազդի ձեր ծրագրերի վրա: Արժե մի փոքր սպասել. իրավիճակը շուտով դեպի լավը կփոխվի: Օրվա երկրորդ կեսը լրիվ այլ կլինի՝ բարենպաստ ու հետաքրքիր: Հարմար ժամանակ կլինի սովորելու և ստեղծագործելու համար: Լավ գաղափարներ կհայտնվեն, որոնց իրագործման հարցում կօգնեն ընկերներն ու հին ծանոթները: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿՈՒՅՍ (Virgo, 24.VIII–23.IX) Հնարավոր են դժվարություններ շփման մեջ, երբեմն կվիճեք մարդկանց հետ, որոնց հետ առաջ շատ հաշտ էիք: Նշանի որոշ ներկայացուցիչներ հույզերի ազդեցության տակ կասեն կամ կանեն մի բան, ինչի համար ավելի ուշ կզղջան: Բայց օրն անհույս վատն անվանել չի կարելի: Նրա առաջին կեսին ինչ-ինչ դժվարություններ կառաջանան, բայց հետո դրական միտումների ազդեցությունը կուժեղանա, շատ բան դեպի լավը կփոխվի: Դուք հաջողության կհասնեք, եթե ինքնուրույն գործեք, պատրանքներ չկառուցեք և շրջապատողներից շատ բան չսպասեք: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԿՇԵՌՔ (Libra, 24.IX–23.X) Դուք հրաշալի լեզու կգտնեք շրջապատողների հետ: Ամենատարբեր մարդկանց մոտեցում գտնելու ունակությունը ձեզ պետք կգա: Չի բացառվում՝ հետաքրքիր առաջարկներ ստանաք և առանց երկար մտածելու ընդունեք դրանք: Որոշ Կշեռքներ կկարողանան միանալ շատ հեռանկարային նախագծի վրա տարվող աշխատանքին: Հնարավոր են անսպասելի բացահայտումներ, նորություններ, որոնք կազդեն ձեր ծրագրերի վրա, և դուք ուրախ կլինեք դրա համար: Օրվա երկրորդ կեսը անսպասելի աղբյուրներից դրամական մուտքեր, ինչպես նաև հաճելի անակնկալներ, ուշադրության նշաններ է խոստանում: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿԱՐԻՃ (Scorpius, 24.X–22.XI) Բարենպաստ օր է լուրջ հարցերը քննարկելու համար: Այսօր ձեզ հետ չեն ուզենա վիճել նույնիսկ նրանք, ովքեր նախկինում ոչ մի բանի հետ համաձայն չէին և սեփական տեսակետն էին առաջ տանում: Հնարավոր կդառնա հին կոնֆլիկտների կարգավորումը: Որոշ Կարիճներ կհաշտվեն նրանց հետ, ում հետ երկար ժամանակ է, վիճել էին: Նշանի մյուս ներկայացուցիչները կկարողանան իրենց կողմը գրավել ոչ վաղ անցյալի մրցակիցներին: Հնարավոր են դրամական մուտքեր, այդ թվում՝ անսպասելի աղբյուրներից: Օրը հարմար է գնումների համար: Դուք դրանք առանց շտապելու կանեք և միշտ լավագույն իրերը կընտրեք: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՂԵՂՆԱՎՈՐ (Sagittarius, 23.XI–21.XII) Բարենպաստ օր է: Հնարավոր են անսպասելի դրական փոփոխություններ կյանքի մի շարք ոլորտներում, հաջող զուգադիպություններ: Համարձակ ստանձնեք նոր գործերը. ձեր նախաձեռնություններին հաջողությունը կուղեկցի, շատ գաղափարներ կարելի է արագ կյանքի կոչել: Հավանական են հաճելի ծանոթություններ: Որոշ Աղեղնավորներ կկարողանան լավ տպավորություն թողնել մարդկանց վրա, որոնցից շատ բան է կախված: Հեշտությամբ կընկերանաք այն մարդկանց հետ, որոնք դուր են գալիս ձեզ: Օրվա երկրորդ կեսը հրաշալի ժամանակ է տնային գործերի, կենցաղային հարցերը լուծելու համար: Կարող եք կահույք, կենցաղային տեխնիկա և այլ իրեր ընտրել, որոնցից հաճույքով ամեն օր կօգտվեք: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՅԾԵՂՋՅՈՒՐ (Capricornus, 22.XII-20.I) Ինչ-ինչ թյուրիմացություններ հնարավոր են, բայց օրն ընդհանուր առմամբ վատ չի դասավորվի: Այն հարմար է հին ծրագրերն իրագործելու համար: Այստեղ շատ բան ավելի պարզ կլինի, քան սպասում էիք: Շատ Այծեղջյուրների պետք կգա ինքնուրույն գործելու, շրջապատողների աջակցության վրա հույս չդնելու կարողությունը: Օրվա երկրորդ կեսը կուրախացնի հաջող զուգադիպություններով, անսպասելի հանդիպումներով այն մարդկանց հետ, որոնց վերջին շրջանում կարոտում էիք: Օգտակար կլինի հարազատների հետ ընտանեկան գործերն ու ընդհանուր ծրագրերը քննարկելը. այդ զրույցների շնորհիվ պատասխաններ կգտնեք կարևոր հարցերին: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՋՐՀՈՍ (Aquarius, 21.I–19.II) Գործնական տեսանկյունից բարենպաստ օր է: Դուք համարձակ ծրագրեր կկառուցեք ու չեք կասկածի, որ կարողանալու եք իրագործել դրանք: Այսօր աստղերը կաջակցեն ձեզ, և դրանից արժե օգտվել: Իրադարձությունների հաջող ընթացքը ձեր առաջ դեպի նոր բարձունքներ ճամփա կբացի: Օրվա կեսը պիտանի ծանոթություններ է խոստանում: Անձնական հարաբերություններն ամեն անգամ հարթ չեն դասավորվի. այստեղ հնարավոր են լարված պահեր: Սակայն դուք լուրջ կոնֆլիկտներ թույլ չեք տա, կաշխատեք հաշվի առնել ձեզ համար թանկ մարդկանց հետաքրքրությունները: Մտերիմները կգնահատեն ձեր ուշադրությունն ու հոգատարությունը, շնորհակալ կլինեն աջակցության համար: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՁԿՆԵՐ (Pisces, 20.II–20.III) Անհանգիստ, լարված, բայց շատ հետաքրքիր օր է: Պետք է փորձություններ հաղթահարեք, բայց դուք դրան պատրաստ կլինեք և ոգևորվածությամբ լի կլինեք: Անգործ նստել չեք ուզենա: Ձեզ համար ավելի հետաքրքիր կլինի գործելը, նպատակին հասնելու համար ջանքեր գործադրելը: Գործերին ձեր մոտեցումը դուր կգա շրջապատողներին, ոմանց մոտ նույնիսկ հիացմունք կառաջացնի: Հեշտությամբ օգնականներ ու համախոհներ կգտնեք, չի բացառվում ընկերական հարաբերությունների սկիզբը: Օրվա երկրորդ կեսին աշխատեք խուսափել ծանրաբեռնվածությունից: Եթե պայմանները թույլ են տալիս հանգստի համար դադար վերցնել, հենց այդպես էլ արժե վարվել: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: |
|
