Աստղագուշակ․ ապրիլի 24
| |
| Բաժին: Այսօրվա | Դիտումներ: 2681 | 17:00 | |
ԽՈՅ (Aries, 21.III–20.IV) Ինչով էլ զբաղվեք, անհապաղ արդյունքներ մի ակնկալեք: Օրը հարմար է երկարաժամկետ նախագծերի վրա աշխատելու համար: Երբեմն կնյարդայնացնի իրադարձությունների չափազանց դանդաղ ընթացքը: Դուք դժգոհ կլինեք, կհուզվեք դատարկ բաների պատճառով, կբարկանաք շրջապատողների վրա: Բարեբախտաբար, լուրջ վեճերից ու կոնֆլիկտներից կհաջողվի խուսափել: Այսօր դուք կհասցնեք շատ բաների մասին մտածել ու հետաքրքիր եզրահանգումների գալ, եթե պատրանքներ չկառուցեք ու ցանկալին իրականության տեղ չընդունեք: Աշխատեք օբյեկտիվ գնահատել ձեր ու մյուսների արարքները, և դա ձեզ կօգնի խուսափել ապագայի շատ խնդիրներից: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ՑՈՒԼ (Taurus, 21.IV–21.V) Ձեզ պետք են գալու համառությունն ու նպատակասլացությունը: Դրված նպատակներին հասնելու միակ եղանակը անբարենպաստ պայմանների դեմ պայքարելը, սեփական հետաքրքրությունները պաշտպանելն ու ոչ մի րոպե չթուլանալն է: Առաջին հաջողություններից հետո ձեռքերը վայր մի դրեք: Առաջ շարժվեք և ավելին կստանաք: Բարենպաստ կլինի ֆինանսական պատկերը: Կարող եք գնել այն, ինչ օգտակար կլինի աշխատանքի համար՝ ուսուցանող դասընթացներ ու գրականություն, ինչպես նաև անհրաժեշտ տեխնիկա ու նյութեր: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԵՐԿՎՈՐՅԱԿՆԵՐ (Gemini, 22.V–21.VI) Բարդ օր է: Դրված նպատակներին հասնելու, անհրաժեշտ արդյունքը ստանալու համար ստիպված եք լինելու ջանքեր գործադրել: Սովորականից շատ կնյարդայնացնեն փոքրիկ թյուրիմացությունները, անընդհատ խնդիրներ կառաջանան, որոնց պատճառով ստիպված եք լինելու հետաձգել ծրագրածը, մի խնդրից մյուսին անցնել: Բարեբախտաբար, աստիճանաբար դրական միտումների ազդեցությունը կուժեղանա, տրամադրությունն էլ կլավանա: Երեկոն հաճելի կլինի: Դուք կգտնեք ձեզ ու ձեր մտերիմներին ուրախացնելու, ձեզ համար թանկ մարդկանց հաճելի զարմանք պատճառելու ձևը: Հարմար ժամանակ է ոչ մեծ ստեղծագործ փորձարկումների, առօրյա պրակտիկ խնդիրների անսովոր լուծման համար: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԽԵՑԳԵՏԻՆ (Cancer, 22.VI–22.VII) Զգույշ եղեք ու փորձեք ոչ մի տեղ չշտապել: Սխալներից խուսափելու համար ամեն քայլը մանրամասն մտածեք: Լավ է չմասնակցեք սուր բանավեճերին, անկախ նրանից իրական կլինեն դրանք, թե վիրտուալ: Ցանկացած խնդիր անհրաժեշտ է հանգիստ քննարկել: Եթե տրվեք հույզերին, լուրջ կոնֆլիկտի հավանականությունը մի քանի անգամ կմեծանա: Կարևոր կլինեն կարգապահությունն ու մանրուքներին ուշադրությունը, հատկապես, եթե գործ ունեք փաստաթղթերի հետ, զբաղվում եք բարդ հաշվարկներով: Հիմա հեշտությամբ կշեղվեք. խնդրեք մտերիմներին, որպեսզի չանհանգստացնեն ձեզ: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ԱՌՅՈՒԾ (Leo, 23.VII–23.VIII) Հեշտ չի լինելու, բայց շրջապատողների հետ լեզու գտնելու ու յուրաքանչյուրին մոտեցում գտնելու ունակությունը կօգնի գլուխ հանել դժվարություններից: Մի մերժեք այն օգնությունը, որը երևի կառաջարկեն, մասնակցեք համատեղ նախագծերին: Միայնակ գործելն այսօր դժվար կլինի հատկապես նրանց համար, ովքեր նախկինում նախընտրում էին թիմային աշխատանքը: Վեճերից ու տարաձայնություններից ամբողջությամբ խուսափել չի ստացվի, բայց ձեզ կհաջողվի չտրվել հույզերին, հանգստություն պահպանել ու օպտիմալ լուծում գտնել: Ձեր կարծիքը կլսեն նույնիսկ նրանք, ովքեր նախկինում բացառապես սեփական տեսակետն էին ընդունում: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5:
ԿՈՒՅՍ (Virgo, 24.VIII–23.IX) Օրը դրական փոփոխություններ է խոստանում: Ճիշտ է, նրա առաջին կեսին չեն բացառվում լարված պահերը: Դուք ստիպված եք լինելու որոշ ջանքեր գործադրել իրավիճակը վերահսկողության տակ առնելու համար, բայց գլուխ կհանեք դրանից: Խնդիրները, որոնք երկար ժամանակ անհանգստացնում էին ձեզ ու ձեր մտերիմներին, հեշտությամբ կլուծվեն: Լրիվ նոր առաջադրանքները լուծելիս էլ խնդիրներ չեն լինի: Ամեն հարցում կարող եք հույս դնել ինտուիցիայի վրա. այն կօգնի ճիշտ ուղի գտնել: Սիրելիի հետ հարաբերությունները ավելի ներդաշնակ ու ջերմ կդառնան, եթե նախաձեռնող լինեք: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԿՇԵՌՔ (Libra, 24.IX–23.X) Հաջող օր է: Աստղերը ձեր կողմից կլինեն: Օգտվեք նրանց աջակցությունից ու կկարողանաք հաջողությունների հասնել աշխատանքի մեջ, իրագործել հին ծրագրերը, ամրապնդել մասնագիտական դիրքերը, անել այն, ինչ կհետաքրքրի շրջապատողներին: Ցանկացած դեպքում կարևոր է ձեռքերը ծալած չնստելը. ակտիվ գործեք, միայն այդպես կկարողանաք անհրաժեշտ արդյունքներ ստանալ: Սուր կլինի գործնական ինտուիցիան: Լսեք նրա հուշումները և շահավետ գործարքներ կկնքեք: Իսկ ահա անձնական հարաբերություններում հույս դրեք փորձի ու առողջ բանականության վրա: Հենց դրանք կօգնեն խուսափել սխալներից: ԲԻԶՆԵՍԸ՝ 5, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5: ԿԱՐԻՃ (Scorpius, 24.X–22.XI) Այսօրվանից կսկսվի մի շրջան, որը կարևոր կլինի անձնական հարաբերությունների տեսանկյունից: Անկեղծ եղեք ձեզ համար թանկ մարդկանց հետ: Կարևոր է նախաձեռնող լինելը, ձեր ցանկությունների, ակնկալիքների ու ծրագրերի մասին խոսելը, կոնկրետ քայլեր նախաձեռնելը: Հույս մի ունեցեք, որ ամեն ինչ ինքն իրեն լավագույն ձևով է դասավորվելու: Գործնական ոլորտում լուրջ փոփոխությունները քիչ հավանական են: Սակայն ջանքեր գործադրելու դեպքում կարող եք լուծել աշխատանքային հարցը, որը վերջին շրջանում ձեզ հանգիստ չէր տալիս: Որոշ Կարիճներ որոշումներ կընդունեն, որոնց շնորհիվ նրանց եկամուտներն ավելի ուշ կաճեն: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՂԵՂՆԱՎՈՐ (Sagittarius, 23.XI–21.XII) Փորձեք կյանքի կոչել այն, ինչ վաղուց եք մտածել: Օրը դրա համար շատ հարմար է: Ինչքան ձեր ծրագրերն ավելի մասշտաբային լինեն, այնքան լավ: Ճանապարհին խոչընդոտներ կառաջանան, բայց դուք կգտնեք դրանք հաղթահարելու ձևը: Շատ Աղեղնավորներ կսովորեն ուրիշների սխալների վրա: Վատ մի զգացեք դիմել խորհուրդների խնդրանքով ու վերլուծել ուրիշների փորձը: Մտերիմները ձեր ուշադրության, հոգատարության ու աջակցությանը կարիքը կունենան: Երբեմն մի քանի բարի խոսքն էլ բավական կլինի, որպեսզի հուսահատված մարդն իրեն ավելի լավ զգա: Ընտանեկան խնդիրները քննարկելիս աշխատեք հանգստություն պահպանել. ուժեղ հույզերը չեն կարողանա լուծել դրանք: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՅԾԵՂՋՅՈՒՐ (Capricornus, 22.XII-20.I) Արդյունավետ օր է: Շատ բան կարող եք հասցնել, կհաջողվի արագ գլուխ հանել այն գործերից, որոնք դեռ վերջերս չափազանց բարդ, մասշտաբային ու հոգնեցնող էին թվում: Հնարավորություն կունենաք լուծել ֆինանսական հարցերը: Գումարին վերաբերող հարցերում ինտուիցիան հուսախաբ չի անի: Գնումներն ու գործարքները հաջող կլինեն: Հնարավորություն կունենաք դեպի լավը փոխել ձեզ համար թանկ մարդկանց հետ հարաբերությունները: Դուք կփորձեք ներողամիտ լինել ուրիշների թուլությունների հանդեպ, շրջապատողներն էլ նույնկերպ կպատասխանեն ձեզ: Կհաջողվի հաշտվել նրանց հետ, ում հետ վիճել էիք: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՋՐՀՈՍ (Aquarius, 21.I–19.II) Ամեն ինչ լավ կընթանա, բայց դուք ուշադրություն կդարձնեք միայն օրվա թերություններին ու չեք նկատի հաճելի պահերը: Աշխատեք իրավիճակին այլ կերպ նայել ու կհասկանաք, թե ինչպես կարելի է հասնել ուզածին և ինչ է պետք անել արմատական դրական փոփոխությունների հասնելու համար: Հնարավոր են մասնագիտական տարաձայնություններ, վեճեր մարդկանց հետ, որոնց հետ գործնական հետաքրքրություններն ու ընդհանուր նախագծերն են կապում: Փոխհասկացողության հասնել կհաջողվի, բայց ոչ առանց դժվարության: Շատ կարևոր կլինի համագործակցությունը շարունակելու, եղած կապերը պահպանելու անկեղծ ցանկությունը: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։ ՁԿՆԵՐ (Pisces, 20.II–20.III) Օրվա սկիզբը հարմար է հատկապես գործնական բնույթի շփումների համար: Միայն մի քանի ժամվա ընթացքում կհասցնեք քննարկել ու լուծել այն հարցերը, որոնք խանգարում էին նորմալ աշխատելուն ու վեճեր էին առաջ բերում: Ձեր տեսակետին անսպասելի կերպով հավանություն կտան մարդիկ, որոնց կարծիքն առաջ լրիվ այլ էր: Օրվա երկրորդ կեսին սկսած գործերի հանդեպ հետաքրքրությունը կնվազի, կուզենաք հանգստանալ: Հենց այդպես էլ արժե վարվել, եթե կարող եք ձեզ մի փոքրիկ դադար թույլ տալ: Ամենայն հավանականությամբ կգտնվեն մարդիկ, ովքեր պատրաստ կլինեն իրենց վրա վերցնել ձեր հոգսերի մի մասը: Մտածեք, թե ինչով կարող եք ուրախացնել ձեզ. դրական հույզերը հաստատ ավելորդ չեն լինի: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4: |
|
