1980-ականների վերջ: Մինչ ծնողները մաքառում են գոյատևելու համար, բոլորի կողմից լքված երեխաները մոլորվում են փողոցային խմբավորումներում և պայքարում իրենց տեղի՝ «ասֆալտի» համար։ 80-ականների սկզբից մինչև 90-ականների սկիզբը ընկած ժամանակահատվածը կոչվում է «ասֆալտի», քանի որ այդ ժամանակ բազմաթիվ «ասֆալտի պատերազմներ» էին ընթանում՝ պայքար սեփական փողոցը վերահսկելու համար։ Բառացիորեն վերահսկել այն ամենը, ինչն անշարժ է կամ շարժվոող «իրենց» տարածքում: Համընդհանուր աղքատության մեջ կան կյանքի «հասկացողության»կանոններ, աջակցություն և «տղու խոսք», որը երդումից առավել է:
14-ամյա Անդրեյը մտավորականի ընտանիքից է, սովորում է երաժշտական դպրոցում և ապրում մոր ու հնգամյա քրոջ հետ: Տղան պարբերաբար բախվում է փողոցային դեռահասների ճնշմանը և պաշտպանվելու համար ընկերություն հաստատում թռցնողների ու «քցողների» (գոպնիկների) հետ։ Նրանցից մեկը՝ 14-ամյա Մարատը, դառնում է Անդրեյի փողոցային բարդ աշխարհի ուղեցույցը։
«Տղու խոսք. արյուն ասֆալտին» Սերիալը հիմնված է իրական պատմության վրա։ 60-ական թվականներին Կազանում և Թաթարստանի ԻԽՍՀ այլ քաղաքներում սկսեցին հայտնվել փողոցային խմբավորումներ։ Այս երևույթն ավելի ուշ կոչվեց «Կազանի ֆենոմեն»: Հետագայում թաթար հանցագործների փորձն ընդունվեց ԽՍՀՄ այլ քաղաքներում։ Ավազակախմբերը փողոցային զանգվածային ծեծկռտուքներ էին կազմակերպում, որոնք հաճախ ավարտվում էին ողբերգական մահերով։ Իսկ 90-ականներին փողոցային այդ ավազակախմբերի մի մասը վերածվեցին օրերատիվ հանցախմբերի (ОПГ), իսկ տեղական իշխանություններին հաջողվեց մեղմել այդ անօրինականությունը միայն 2000-ական թվականներին։
Չնայած անվան նմանությանը, սերիալը «Տղու խոսք. Քրեական Թաթարստան՝ 1970-2010 թվականներ» գրքի էկրանավորումը չէ։ Սակայն հեղինակը՝ Ռոբերտ Գարաևը նախագծին մասնակցել է որպես խորհրդատու։
«Պալտո»(վերարկու) մականունով Անդրեյի գլխավոր դերակատարին պրոդյուսերները գտել են նկարահանումների մեկնարկից մեկ ամիս առաջ ։ Նա 15-ամյա Լեոն Կեմստաչն է, որի խորթ հայրը հայտնի դերասան Անտոն Բոգդանովն է «Իրական տղերք» նախագծից։ Լեոն գերազանց տիրապետում է ֆրանսերենին և անգլերենին, զբաղվում սպորտով, պարերով և տարբեր օլիմպիադաների հաղթող է: Նրա համար սա առաջին մեծ աշխատանքն էր կինոյում։
Երրորդ դրվագի թողարկումից հետո ռեժիսոր Ժորա Կրիժովնիկովը որոշեց վերափոխել ութերորդը՝ եզրափակիչը փոխելու համար:
Այգուլի դերակատար 14-ամյա Աննա Պերեսիլդը հայտնի դերասանուհի Յուլիա Պերեսիլդի դուստրն է («Մարտահրավեր», «Կայսրուհիներ»)։ Աղջկա ծնողներն սկզբում դեմ էին, որ Աննան խաղա այդ դերը, քանի որ նրա հերոսուհին պետք է շատ ողբերգական իրադարձություններ ապրեր, բայց ի վերջո թույլ տվեցին նկարահանվել:
Դերասան Ռուզիլ Մինեկաևը սերիալում խաղում է 7-րդ դասարանցու՝ Մարատի դերը, թեև ինքը 24 տարեկան է, ամուսնացած և որդի ունի։ Բայց նրա մյուս գործընկերները, ովքեր նույնպես խաղում են դեռահասների դերեր, իսկապես 14-15 տարեկան են:
Սկզբում սերիալի ստեղծողները պլանավորում էին նկարահանումներն անցկացնել 2022 թվականին Կազանում։ Այնտեղ նույնիսկ հասցրել է դերասանների քասթինգ անցնել։ Սակայն տեղի հասարակական գործիչները ընդդիմացել են և հայց ներկայացրել քաղաքացիական դատարան՝ պահանջելով արգելափակել ֆիլմի ցուցադրությունը։ Արդյունքում պրոդյուսերները որոշել են սերիալը նկարահանել Յարոսլավլում, որտեղ ընտրվել են Կազանի փողոցներին, բակերին և շենքերին նման վայրեր։ Յարոսլավլում նկարահանումներն անցկացվել են 2023 թվականի մարտից-ապրիլ ընկած ժամանակահատվածում ։
Զանգվածային տեսարանների նկարահանումների համար, օրինակ՝ օղու հերթի, պրոդյուսերներն ստիպված են եղել մեծ քասթինգ կազմակերպել, քանի որ մասնակցել է շուրջ 500 մարդ։ Հիմնական պահանջը մասնակիցներից եղել է ժամանակակից նշանների՝ նորաձև դաջվածքների, տատուաժի, անսովոր սանրվածքների, երկար մազերի, թարթիչների և եղունգների բացակայությունը: Լրացուցիչ դերասանական կազմի բոլոր դերասանները պետք է նկարահանվեին վալենկաներով, ականջավոր գլխարկներով, բմբուլե շարֆերով և այդ դարաշրջանին համապատասխան չեզոք մոխրագույն կամ մուգ գույներով հագուստներով:
Սերիալի համար ընտրվել է 80-ականների երաժշտությունը՝ նոր գործիքավորմամբ։ Հնչում են «Լասկովի մայ», «Միրաժ», «Կոմբինացիա», Վիկտոր Ցոյի և Իգոր Տալկովի հիթերը։
Ռուսական էլեկտրոնային հիփ-հոփ դուետի «Այիգել» «Պըյալա» երգը, որը սերիալի սաունդթրեքն է, այժմ զբաղեցնում է Apple Music-ի առաջին հորիզոնականը՝ ամենաշատ լսվող թրեքների ցանկում և երկրորդ հորիզոնականը Spotify համաշխարհային հիթ-շքերթում։ Բացի այդ, երգը հայտնվել է Shazam համաշխարհային հիթ-շքերթի առաջին հորիզոնականում։
Սերիալի գլխավոր դերերից մեկը՝ փողոցային խմբավորման առաջնորդ Վովա Ադիդասը, խաղում է Իվան Յանկովսկին։ Սակայն ի սկզբանե այս դերին հրավիրել են դերասան Սերգեյ Ռոմանովիչին, որը հայտնի է «Չեռնոբիլ. օտարման գոտի», «Օլգա» սերիալներից և «Անձնակազմը» ֆիլմից։ Սերգեյը հրաժարվել է դերից այն պատճառով, որ նրա հերոսը պետք է չափազանց շատ հայհոյեր: Բացի այդ, դերասանն ամաչել է անկողնային տեսարաններից։
