Հունվարի 31-ի լուսնային-արևային աստղագուշակը
| |
| Բաժին: Լուսնային | Դիտումներ: 1324 | 21:00 | |
Հունվարի 31-ը կիսում են լուսնային 25-րդ ու 26-րդ օրերը: Լուսինը Աղեղնավորի նշանի տակ է: Լուսնային 25-րդ օրը, որը ձգվում է մինչև 05:15-ը, միայնության, կենտրոնացվածության ու երևակայության օր է: Բարենպաստ է հանգստության ու ներդաշնակության ձգտելը, զգայունակություն զարգացնելը: Անբարենպաստ է ամուսնություն կնքել, ճամփորդել, մոռանալ խելամտության ու ռացիոնալ լինելու մասին: Լուսնային 26-րդ օրը, որը սկսվում է 05:15-ից, վտանգավոր օր է: Մարդիկ վիճում են, ձանձրանում, էներգիան վատնում են դատարկ զրույցների վրա: Հենց այսօր մարդը կարող է վատնել կուտակած ողջ էներգիան: Բարենպաստ է իրատես լինելը, դիմակները հանելը: Անբարենպաստ է գերծանրաբեռնվելը, չստուգված նյութի հետ աշխատելը, հանդիպումներ նշանակելն ու առանց հանգստի աշխատելը: Այսօր արևային 17-րդ օրն է: Արեգակը Ջրհոսի նշանի տակ է: Սա վախերից ազատվելու, արդարությունը պաշտպանելու օր է: Խորհուրդ է տրվում շուտ արթնանալ, սովորել, կարևոր փաստաթղթեր ստորագրել: Խոսելիս զգույշ եղեք: Խորհուրդ չի տրվում գործեր պլանավորել ու ավարտին հասցնել: Ամուսնություն կնքելն այսօր նույնպես անբարենպաստ է: Բարի նշան է երազներ չտեսնելը: |
|
