Աստղակերպի ամենաանհաջող զույգերը
| |
| Բաժին: Աստղակերպ | Դիտումներ: 3169 | 15:00 | |
Խոյ-Ցուլ Բնությունը Խոյերին օժտել է կամային բնավորությամբ, իսկ Ցուլերին՝ համառությամբ: Այնպես որ՝ հարաբերություններում դժվարություններ ծագելիս նոր խնդիր է առաջանում՝ ինչպես կարող են նման բնավորություններով մարդիկ ընդհանուր հայտարարի գալ: Բացի այդ, Ցուլը պետք է հարաբերությունների ընթացքում մշտապես տեղյակ լինի Խոյի կյանքում իր զբաղեցրած տեղի մասին, ինչը շատ բարկացնում է վերջինիս: Եթե այս զույգը բաժանվում է, Խոյը միայն մեկ ցանկություն է ունենում՝ հեռանալ ու մոռանալ, իսկ ահա Ցուլը պնդում է հարաբերությունները պարզելու վրա, ինչն էլ մի ամբողջ հավերժություն է տևում: Ցուլ-Աղեղնավոր Ցուլի համար իդեալական ժամանցը ընտանեկան հանգիստ կյանքն է, իսկ Աղեղնավորը արկածների է ձգտում: Ցուլերի ուժերի սահմաններում չէ Աղեղնավորի էներգիային դիմանալը, իսկ Աղեղնավորները, որպես կանոն, ամեն ինչին անլուրջ վերաբերմունք ու անձնական հարուստ կյանքի լուրջ պաշար ունեն: Երկվորյակ-Այծեղջյուր Աղետ, այլ ոչ թե միություն: Երկվորյակները զրույցների ու ուրախ կյանքի սիրահար են, իսկ Այծեղջյուրները օրն անց են կացնում աշխատավայրում համառ աշխատելով ու իրենց կյանքի ամեն մասնիկը պլանավորելով: Երկվորյակների համար դժվար է մարսել Այծեղջյուրի՝ սպոտնան արարքներին անընդունակ լինելը: Խեցգետին-Ջրհոս Ջրհոսներն ազատություն են սիրում, իսկ Խեցգետինները տնակյացների շարքում են: Ջրհոսները անընդհատ սխալվելու սովորություն ունեն ու ընդհանրապես նրանք սիրում են փորձարկել, ինչը նյարդայնացնում է Խեցգետնին, որը հասկացողության, սիրո կարիք ունի: Առյուծ-Կարիճ Առյուծը քնում ու երազում է, թե ինչպես են իրեն հաճոյախոսություններով ծածկելու, ինչը նա չի կարող ակնկալել Կարիճից: Առյուծները վստահ են իրենց հրաշալի, անկրկնելի լինելու վրա, ինչի հետ համաձայն չեն խանդոտ Կարիճները: Կույս-Աղեղնավոր Այս երկու նշանները հակված չեն իրար հետ լուրջ հարաբերություններ սկսել: Կույսերը Աղեղնավորներին համարում են չափազանց անհոգ մարդիկ, ովքեր իրենց արարքներով կարող են խոցել մյուսների զգացմունքները: Կույսերը նաև չեն հասկանում այն, թե ինչպես կարող են Աղեղնավորները մի քանի շաբաթով անհետանալ ու ընդհանրապես վատ չզգալ դրա համար: Կշեռք-Կույս Կշեռքները հաճախ են հայտնվում Կույսերի քննադատությունների կենտրոնում, ինչը նրանց զրկում է ինքնավստահությունից, սեփական անձի հանդեպ կասկածների պատճառ է դառնում: Բացի այդ, Կշեռքների նյարդերին ազդում է Կույսերի՝ սեփական ճշմարտացիության վրա ունեցած վստահությունը: Կարիճ-Խոյ Ոչ թե միություն, այլ վառոդի տակառ, որն ամեն վայրկյան կարող է բռնկվել: Այդպիսի լարված ու պայթյունավտանգ հարաբերություններ են կապում այս երկու նշաններին: Իրական կյանքում այսպիսի կրքերը տեղին չեն, դրանց տեղը շեքսպիրյան պիեսներն են: Երկու նշաններին էլ բնորոշ են ուժը, կամային գծերը, երկուսն էլ իրենց բարձունքում են տեսնում ու ձգտում են լիակատար իշխանություն ունենալ: Աղեղնավոր-Այծեղջյուր Աղեղնավորներին օդի նման ազատություն է անհրաժեշտ, ինչից նրանց Այծեղջյուրներն անընդհատ փորձելու են զրկել, ինչն էլ բախման պատճառ է դառնալու: Եվս մեկ խնդիր. այս երկու նշանների միջև սեռական ձգողականությունը համարյա զրո է: Ձկներ-Կույս Երկու նշաններ. մի կողմից չափազանց երազկոտ ու զգայուն Ձկները, մյուս կողմից՝ չափազանց գործնական ու երկրային Կույսերը: Սկզբունքորեն հակասություններն իրար ձգում են, բայց միայն ոչ այս դեպքում: Այստեղ հետաքրքրությունների կոնֆլիկտ է: Բայց այս միությունը իդեալական է ընկերության տեսանկյունից: Ջրհոս-Ցուլ Այս զույգի միջև նորմալ հարաբերությունները քիչ հավանական են: Համառ Ցուլը կոտոշներն է դեմ տալու՝ պնդելով իրենը, ինչը վանելու է Ջրհոսին: Ցուլերի անձնական որակների մեջ է պահպանողական ու նյութասեր լինելը, իսկ Ջրհոսների մեջ՝ անսովոր, նորարար, բոհեմական լինելը: Երկվորյակ-Խեցգետին Եթե երկուսն էլ հումորի լավ զգացում ունենան, լավ միություն կազմելու շանս կունենան: Խեցգետինները տնակյաց են, իսկ Երկվորյակները նախընտրում են հանգիստն ու շփումները, բայց ներդաշնակության կարելի է հասնել, եթե մի քիչ համբերատար լինեն: Այս կապը դժվար կողմեր ունի, բայց անհույս չէ: |
|
